1 Do'ouhi'ai ia'aaida, maamiora buheebairai pioito orovava'oia gimoi nio tuiaida geema hi'aka, hepui oroi'ioida e'idioumo uubiiro aaimo tataha everai ; Mereatai nuhimia abiai himuito iovioi ooboi ma ovava'oiai. 2 Na'uri gee'i aaira nio ; Nio himia gi'epuha eremaimoi miahaka mabu aa'o everai uubii nio tabaida oraa'oiai bia oukaumo. 3 Poo'a mo duupiito nioro bia nia'aa kaumo inai mo uriioito nio rautu ine'idioa. Ka nuuri mo nio tuiaida Iesu painaida e'idioiri, aa'o everai uubii koto aai oukaumo. 4 Nio tabaida Iesu painaida otooaumoida mo uriioito nio rautura, eeka nimo Paidubui Iesu eraaraida, 5 aa'o everai mereei nu himia duupii memihoiri Sataniido ma omohai nu himia duupii memihoiri, ka nuu uriioi Paidubui Iesu ianaa hivioida oroi'ioi ouka. 6 Hobou oroviourioi mia naa biaka. Nio uumo ii'iumo biara keehibuo hi'a istiiro paravai emaupai ouka. 7 Ist pamoida ma araahuurai nio mia hi'a ma ii'iu moiri, mabu nio iaupaituti tataha parava ii'i oukaumo. Mabu Iesuka nimo iihiairo manihodiiri oroi'ioi ioroomohai merei. 8 Ka nuuri aa'o hivio mabui gee'ii manemaimo, ist pamoi rautu biaka o memihoo dohoobo istii rautu biaka. Inai iaupai tuti tatahaire via orohaahi'a paravai rautu gee'ii manaaimo. 9 Nio mo ini'atii titiida uumoo tauo pinivai, maamiora buheebai rai orovava'oia oroi'io uubii rautu tana orodabuudio kaumo. 10 Gabo ata biahaitoi niraromoka aa'o everai memiho uubiiri, inahobe uubi, erematuhuti uubi, via nu'auboi emaraahueumo uubiire. Nii ne'eida auo dohoobo e'idioi aviraromodu ka ihu hepui naanaiha ma imehai. 11 Kaida doo'ou mooro nioido aini'atika a'o everai nianaamui rautu orodabuudio naa biaka inai maamiora buheebairai orovava'oia uubi, inahobe uubi, via nu'auboi emarahueumo uubi, via hunupoito oromovoo uodioumo uubi, via idio uubi, via erematuhuti uubi. Aa'o everai mere ata rautu duu iiho naa biaka. 12 Ia'aaida gerehei uubii jaj ivaidioi mooido ova'ati ata bia oo'aaka. Kaida nioro atuu everai gerehei uubii jaj ivaidio naa biaka. 13 Aa'o everai gerehei uubii Iehova haro jaj ivaidioka. ''Nio gurupuida memiho naanai aai merei ma ahuurai.''