¹ Na ara hini mu vatepu mu vaubi na palane mua?Re virika naro hale ngi i valai na ni ngaru na tamudine mua,mavonga mu rata e hurika bakovi a ngatavine ni luhoi tora kama rigi vivi. ² Mu ngaru hateka e viriki maki ranga pali kama mu bole.Mavonga mu ngutu na maki e huriki ranga mu ngaru ni rabalaki ria,pali kama mugu bole.Bara mu vatepu mu vakorosi.Kama mugu bolea tara maki a vuhuna kama mu nana. ³ Bara mu nana lakea kama mugu bolea tara maki a vuhuna mu tahoka ni luhoi hale.Na arana,na tahuna mu bole a maki bara mu rata e virika naro hale na ni ngaru na tamudine matou. ⁴ Mu manga a ngatavine i ngoi!Kama mu lohoka maea e Deo kimi ngaru e huriki a bakovi a ngatavine ri muri mai a naro na malala.Erei a bakovi a ngatavine i muri mai a naro na malala ia i ratea i manga a pile e Deo. ⁵ Maga mu luhoi maea ra maka bokona ngava i taki e Deo i ta tavula vona,"a spirit e Deo i tabuli pololilo ne teu i tamudi hale liu?" ⁶ Pali e Deo i dodo hateka,mavonga a ni ta ne Deo i ta msea,"e Deo biri rupuru erei a bakovi i kavu rikea lakea i dodo e huriki a bakovi ri rupuru ria." ⁷ Mavonga mu made polotano ne Deo.Moto rudu talea e satan lakea biri hatala ne matou. ⁸ Mu valai tabukoi ne Deo,ia tara biri valai tabukoi na matou.Mua e hurika tara ni rata sin,mu palakado a limane mua pali mua e hurika tara mu tahoka ni luhoi i rua,mu palakado a tamudine mua. ⁹ Bara mu dodo, lakea mu tangi na maka putu ne mua.Mu nahani nongo,bara mu dodo.Mu nahani vivi,mua bara mu dodo vona a ni hale ne mua. ¹⁰ Ru puru mua polotano ne Viri Dagi,lakea ia biri bole rike matou. ¹¹ Hurika turagu,mu nahani ta hale mule ne mua.Erei a bakovi i ta hale na turana o i luhoi kado a naro ne huriki ranga,lakea ra bakovi ia i ta hale na lo pali i luhoi kado a naro na lo.Ioe a bakovi ge luhoi kado a lo,lakea komo muri mai a lo,mavonga o manga a jas. ¹² E Deo i taku kunana i habia a lo lakea i made manga a jas.Ia kunana i kara ni kori a bakovi ni ratapile a bakovi. Matou erei,motogo luhoi kado e huriki a bakovi ranga? ¹³ Longoa,matou e huriki moto ta maea,"i ngane o kuduvi bara mete lakea vona ra tanga dagi iea,bara mete made vonga na pida i taku,lakea bara mete rata leho ni vaka bele a maki ranga." ¹⁴ Erei lohoka vona maki ge bele kuduvi,lakea motogo tabana ni mahuri?A ni mahuri ne matou i manga bubu popote i luve na parava popote lakea i lobo. ¹⁵ Pali lakea moto ta maea,"e Viri Dagi ge ngaru mavonga,bara te made te rata maka leho nga," ¹⁶ Pali ngane moto kavurike mule matou na maka leho moto luhoi ni rata.E virika naro ni kavurike mule matou,kimi kamumu. ¹⁷ Mavonga i tara bakovi i lohoka na naro kamumu lakea kimi vakasiria ra naro ia,ra bakovi ia i rata sin pali.