¹ Turagu mai,uka bakovi ge kupo rigi bele manga vinara ni tovoa ni ta ne Deo.Te lohoka maea,Deo biri luhoi kado a naro ne teu a vinara ne huriki a bakovi ranga na kot vona,na arana te tovoa nitana na maka bakovi a ngatavine. ² Teu te rata putu na dala i kupo.Lakea tara bakovi kimi ge rata putu na ni ta,ia i bele na hini i ngaru e Deo,pali ia biri kara ni matakari kamumua a kakaina lobo. ³ Te ru a kalavana ain kiroko na ngavane virika hos ni rata tou togo muri maia a ni ngaru ne teu.Bara te pulo loboa a kakaine virika hos ni muri mai a ni ngaru ne teu. ⁴ Luhoi tabua sip.A sip ria ri dagi ri tora a vilu biri bole lae ria,pali a viri vakanunua biri pulo laea na stia kiroko ni puloa sip ge lakea na hini i ngaru. ⁵ Manga kunana a tabele ia a tabekena kakaine teu i kiroko,pali ia i kavurike hatekea.Te lohoka maea a kanono kiroko i nono ia biri kara ni gutua kalavana kai dagi. ⁶ A tabele i manga kanono.Ia a tabeke na kakaina viri biri vakabele e virika naro hale na malala.Ia biri ratapile lobo a kakaine teu lakea biri namia kanono na ni mahuri ne teu.Ra kanono iea a kanono na hel. ⁷ E huriki a bakovi ri bole ri matakari e vika livoa lakea ri tovo ria ni murimai a ngava ne ria.E virika kadirovo,turana maka livoa ri tabuli na malala turana viri ri tabuli polotano na dari. ⁸ Pali a tabele,i uka tara bakovi ge kara ni tovoa ni murimai a nitana.Ia a maki hale kama te kara ni matakaria,i vonu na maki vagole ni rabalaki a bakovi. ⁹ Turana tabelene teu,te kavu rikea a rane Viri Dagi e Deo Tata,pali turana ngavane teu,te ta hale ni rata pile e huriki a bakovi a ngatavine ranga i rata e Deo na hanuna. ¹⁰ Vona ra ngavana kunana te kavu rikea rane Deo lakea te ta hale ne huriki ranga.Hurika turagu,ra maki nga ge nahani bele. ¹¹ I uka tara lomu ge vaka bele a naru kamumu turana dari. ¹² Turagu mai,ra kai a fik ge kara ni vua ga oliv e?A kai a wain ge kara ni vua ga fik,e?Manga kunana a dari kimi ge vakabelea naru kamumu. ¹³ Erei na kurukurune matou i tahoka ni luhoi kamumu turana ni lohoka?Rua ra bakovi ia ge vakasiria naro kamumu na leho vona ni ru puru mulea turana ni luhoi kamumu. ¹⁴ Pali mugu tahoka ni tamudi hale ne huriki ranga mu luhoi mule mua na tamudine mua,lakea mu nahani kavurike mule mua mugu tatami ni ta muholi. ¹⁵ Ia kama ni luhoi kamumu ge valai ne hunu.Uka,ia ni luhoi na tamudi hosi turana spirit hale turane satan. ¹⁶ E hurika bakovi ri tamudi hale na make huriki ranga,a ni luhoi ne ria i varoru lakea ri rata maka naro hale. ¹⁷ Pali a ni luhoi kamumu i valai na hunu ia i mangaviri muga i matapado lakea i kamumu hateka,i peda hateka i vonu na ni dodo i tahoka kinani kamumu i tora i kiripiripi liu. ¹⁸ E huriki a bakovi ni vaka madoru a tamudi ne teu ri varo a maki ni kani na vilo kiripiripi pololilo na tamudine teu.