¹ Huriki a turagu mai,mu nahani luhoi tora ne Viri Dagi e Isu Kristo mugu nugu tata torea a naro ni ngaru e huriki a bakovi ranga kunana. ² I tara bakovi ge rodoa gol ring turana varikia i peda pali dili valai na muri ni vapopo vomu,pali a bakovi i uka maki tara i rodo a varikia maraperape i katoki ia tara i dili. ³ Lakea o masia ra bakovi i rodo a varikia kamumu o taki maea,"o valai o made koea na hini kamumu,"lakea o taki maea a bakovi uka maki,"o pesi vonga uka o made puru polotano." ⁴ Kama mu luhoi maea mu manga bakovi ni luhoi kado lakea mu luhoi kado mule mua turana ni luhoi hale? ⁵ Longo,hurika turagu nau muholi,e Deo maga kimi ge pasi e hurika bakovi ri uka maki na malala rigi luhoi tora rigi dili na kingdom ia i ta gamai ni habi ne huriki a tara ri ngarua? ⁶ Pali mu vakarare re hurika bakovi ri uka maki!Luhoia.E hurika bakovi ri tahoka maki ri rata hale ne mua.Re huriki ngi ri paha danu mua lakea ri ru mua na kot.Ria ri ta hale na rane Viri Dagi ne teu e Isu Kristo. ⁸ Mu ramai kamumu a lo e Deo i tabuli na buk vona i ta maea,"mu ngaru e huriki ranga manga mu ngaru mule mua,"lakea mua mu rata naro kamumu. ⁹ Pali,mugu vakasiri kunana a vilo ni ngaru kunana e huriki a bakovi ranga,mua mu rata sin,a lo i vaka pesi matou pali manga e huriki ri putu puru a lo. ¹⁰ I tara bakovi ge ramai lobo a narone Deo,lakea i putu puru kunanea tara lo,ra bakovi ia i putu puru loboa pali e virka lo. ¹¹ E Deo i ta maea,"nahani rata naro ni ngoi,"lakea i ta maea tabu,"nahani rabalaki a bakovi,"pali ioe komo rata naro ni ngoi,lakea o rabalaki a bakovi,pali ioe o manga bakovi i putu puru a lo. ¹² Mavonga mu rata a ngava turana a naro na bakovi i made polotano na lo.Deo biri luhoi kado a naro ne matou turana ra lo ni putu puru a ni tora na sin lakea biri rata matou moto made malimali. ¹³ Na tahuna e Deo i luhoi kado matou,ia kimi ge dodo e huriki a bakovi a ngatavine kimi ri dodo e huriki ranga.pali a bakovi i dodo e huriki a bakovi ranga,ia biri paha danua kot. ¹⁴ Turagu mai,i tara bakovi ge ta maea,"iau a luhoi tora ne Viri Dagi e Isu Kristo,"pali kimi rata leho kamumu.Lakea,ra ni luhoi tora vona ge bole mule navia? ¹⁵ I tara turamu a bakovi o a ngatavine ge uka varikia turana maki ni kani na parava taku taku. ¹⁶ Lakea tara matou ge takia maea,"o nahani luhoi lege,o vano o matakanea varikia vomu turana maki ni kani vomu o vaka vonua vona tamudimu."Lakea ra ngava ia ge kori navia na hini matou kama moto habi vona a varikia turana maki ni kani? ¹⁷ Manga kunana ra naro ni luhoi tora i uka leho kamumu vona,ra ni luhoi tora ia a maki tavula. ¹⁸ Tara bakovi ge ta maea,"ioe o luhoi tora,lakea a rata naro kamumu."Vakasiria nau a ni luhoi tora vomu i uka leho kamumu vona ga vakasiria vomu a ni luhoi tora nau turana leho kamumu vona. ¹⁹ Luhoia,o luhoi tora maea i tahoka e Deo muholi i taku.Ra ni luhoi tora vomu i malimali.Pali a maka spirit hale ranga ri luhoi tora mavonga,lakea bara ri vakulu hale liu. ²⁰ O uka ni luhoi kamumu.komo luhoi maea,mago luhoi tora kunana lakea komo go rata tabu a naro kamumu,a ni luhoi tora vomu a maki tavula. ²¹ E Deo i galea a gare ne teu e Abraham a bakovi malamala na leho i rata na tahuna i habia e tuna e Aisak manga ni habi na alta. ²² Ioe go lohoka,e Abraham i luhoi tora i rata leho kamumu,ra leho kamumu vona i vatovotovo turana ni luhoi tora vona. ²³ A buk e Deo i ta maea,"e Abraham i luhoi tora ne Deo lakea e Deo i galea a bakovi malimali."E Deo i gale maea e Abraham,"a turagu kamumu. ²⁴ Ngane o masia,na ni leho kamumu kunana e Deo biri galea tara bakovi ia bakovi malimali,pali kama na ni luhoi tora vona kunana. ²⁵ Manga kunana,e Deo i galea e Rahab a ngatavine ni ngoi ia ngatavine malimali na leho kamumu vona na tahuna ia i rata kamumu na maka voravora ni rudu lakea tou na dala tara. ²⁶ Manga kunana a kakaina viri i uka spirit vona,ra kakaina viri ia i mate.Manga kunana,a bakovi i luhoi tora kunana pali kimi rata leho kamumu a ni luhoi tora vona i mate pali.