¹ A tahoka ngava ne matou a bakovi mu tahoka maki.Mu gale mu tangi,a vuhuna a maki hale biri bele ne mua. ² E virika leho ni vaka bele mua i mavuru pali lakea e virika maki kiroko na malala ri kani pali a varikia matou. ³ E virika gol a silva vomu ri ropo pali.Re virika ropona biri bele manga bole kori matou na tahuna e Deo biri luhoi kado matou.Re virika ropo biri kania kakaine matou manga kanono.Mu ru palupu a maka tulua matou na ni lobo na parava ne Deo ge luhoi kado matou. ⁴ Mu luhoi kamumu ara maki mu rata.E virika mapane hurika voravora matou i gale lakea ne Deo.Mua kama mu kona e virika mapane hurika voravora erei ri ru kadolu a maki ni kani na hania matou,pali a ni tangi ne huriki a voravora i lakea na talingane Viri Dagi e Deo ne hurika tara i kupo. ⁵ Na malala mu made na ni mahuri kamumu lakea mu vakavonu hateka mua na maki kupo.Mu kani hateka pali mu rata tamudine mua i vava liu ,lakea a parava ni rabalaki matou i bele pali. ⁶ Mu padi viriha ngava taminga mu rabalaki tavula e hurika bakovi malimali.Pali re hurika bakovi ngi kama rigi koli a ngava ni ta vaubi ni paha danu mua. ⁷ Mavonga mua maka turagu,mu made madoru mu davea a parava ne Viri Dagi ge valai.Mataia,e huriki a bakovi ri tahoka hania bara ri davea maki ni kani kamumu na malala.Ia i made madoru i dava na tahuna a maki ni kani i bolea vala i valai muga turana vala i valai muri lakea a maki ni kani i dagi i kara ni tolo purua. ⁸ Mua ranga mu made madoru mu vakatora a tamudine mua,a vuhuna ra ni hamulene Viri Dagi i tabukoi pali. ⁹ Turagu mai,mu nahani ta kupo hamule ne mua lakea e Viri Dagi kimi ge vakapesi matou.Masia,e Viri Dagi ia jas ni luhoi kado teu i pesi na hinebi. ¹⁰ Turagu mai,mu luhoia,e hurika propet ri kaloho a ni mava dagi na tahuna ri vano ri taki talea a ngava na rane Viri Dagi,pali ri made madoru gateka. ¹¹ Mataia,te lohoka maea e Deo i gamai e huriki a bakovi a ngatavine ni made tora ni kaloho a ni mava.Mu lohoka vone Job,ia i kaloho a ni mava i kapo pali ia i made madoru lakea e Viri Dagi i gamaia.Te lohoka maea,e Viri Dagi ia e Deo na ni dodo. ¹² Turagu mai,a maki dagi hateka i maea,mu nahani gale a rana hunu o a malala ni rata ni ta muholi pali moto nahani rata ni ta gamai ne virika maki ranga tabu.Mua mugu ta maea,"i tahoka"rua a ngava ge tabuli maea,"i tahoka"mua mugu ta maea,"uka"rua a ngava ge tabuli maea,"uka."Bara mu rata maea kama mugu made polotano na kot e Deo. ¹³ Pali tara ne matou i kaloho a ni mava dagi i tabuli,ge vasileki ne Deo ge koria.I tara ne matou i vonu na ni vivi,ge kalolo ge kavurikea nane Deo. ¹⁴ Pali tara ne matou ge tahoka gilanga,ge gale e hurika mugamuga na sios rigi vasileki vona.Rigi ravu a wel na kakaina lakea rigi vasileki na rane Viri Dagi pali e Deo biri vaka mahuria na gilanga vona. ¹⁵ A ni vasileki ne hurika bakovi ni luhoi tora biri vaka mahuri a viri i giloa,pali e Viri Dagi biri vaka mahuria na gilanga vona.Ia ge taki talea a nara hale i ratea,e Deo biri vaka malavurokia naro hale vona. ¹⁶ Mua takutaku mu taki tala a sin mua ne huriki ranga pali mu vasileki turane ria e Deo biri vaka mahuri matou.A ni vasileki na bakovi i malimali i tahoka ni tora ni vaka mahuri a bakovi. ¹⁷ E Elaija ia bakovi manga kunana teu.Lakea i vasileki tora na vala ge nahani boru lakea a vala kimi boru na pida i tolu turana keva i polotara. ¹⁸ Muri e Elaija i vasileki tabu i nane Deo ni rudu vilia vala,lakea e Deo i rudu puru vilia vala pali a maki ni kani ne ria i rike tabu na malala. ¹⁹ Turagu mai,i tara ne matou ge pea ni ta muholi ne Deo,lakea tara turana i bole mulea, ²⁰ mu lohoka maea ra turamu ia i rata leho ni kori a bakovi ni rata naro hale ge nahani mate lakea e Deo biri vaka malavurokia a naro hale vona.