¹ Mavonga e Kristo i kalohoa ni mava ne matou a bakovi a ngatavine na kakaina kunana,pali matou ranga moto kaloho a ni mava na rane Kristo.Mavonga e hurika bakovi a ngatavine erei i kaloho a ni mava na kakaina bari rigi rata naro hale. ² Na rana,parava re huriki a bakovi ri ngaru ria,ria kama rigi muri mai a ni ngaru na tamudina ria uka ioe baro ramai a ni ngaru e Deo. ³ Matou moto laho na naro na tamudi hosi,re virika naro maia,naro ni ngoi,naro ni ninu hateka,o manga o turume puru na vure tatami. ⁴ Ria bari luhoi maia ta naro karaba ioe kama o ramai ria na ni ratena ra naro kimi malamala,mavonga bara ri ta hale ne matou. ⁵ Na parava e Deo i vaka pesi e huriki a bakovi ri made mahuri turane huriki a bakovi ri mate pali,na parava ria bara ri take Deo na maka naro ria ri rata. ⁶ Na hini nga a vuhuna,e Kristo i taki talea a velenga kamumu ne hurika bakovi ri mate pali,narana,bara ri bele na matana bari ni pile kado ria na kot vona na kakaine ria na hanune ria lakea bari made mahuri malaku turane Deo. ⁷ Parava e Viri dagi i valai tabukoi pali,a ni luhoi ne mua ge bele mata pado ge tabuli tora na naro ni vasileki. ⁸ Polo meli na maki ranga ,matou moto ngaru muholi e huriki a turane matou,narana,ni ngaru e huriki ranga i kavitagu a vilo hale i kupo. ⁹ Vaka siri a naro kamumu ni ngaru nahea ni ta viliha lae. ¹⁰ Deo I habia pali a mahala ne matou takutaku,mavonga mu kori huriki ranga bakovi a ngatavine.Turana tamdimu mu kori pali my vakasiri a ni dodo ne Deo netou. ¹¹ Tara bakovi ge taki tala ngava, pali o rua ge taki talea ngava ne Deo.Na rane Isu,virika maki lobo nga ri kavurikea rane Deo.A ni tora turana bagetuanga ne Isu Kristo na parava vaka roro.I muholi. Turagu, mato nahani turutu a maka ni toni,ge bele matou manga kanono. Gera, ara ni mava matou moto kaloho na rane Isu,matou moto vivi. manga kunana mua mu vivi ni matai bagetua ne Deo na parava Isu bari bele kava. ¹⁴ Pali re huriki a bakovi ri rata haloe na rane Isu,mu vivi. Narana,Hanu Kiripiripi i made turane matou. ¹⁵ Re mua mugu kaloho a ni mava,ra hini nga nahani ge rata matou motogo bele manga bakovi ni rabalaki a turamu o a bakovi ni panaho o gigi putu viliha lae. ¹⁶ Pali re mua mugu kaloho a ni mava,nahani maruhu vona hini nga.Uka.matou moto vivi vona ra hini nga biri habi a rana dagi ne Deo. ¹⁷ Ngane a parava dagi na kot e Deo biri bele na tara e Deo.Rege bele na palane huriki a tara ne teu,ara maki ge bele ne huriki a tara kama ri longoa ni tane Deo?Pali ¹⁸ re "huriki a bakovi malamala ri leho hateka ni bole a ni mahuri,ge navai ne huriki a bakovi a ngatavine ni ratena naro hale,rigi bele navai na matane Deo? ¹⁹ Mavonga ria rigi kaloho a ni mava rigi ru a ni mahuri ne ria na limana Deo a Viri Dagi,erei i rata rike virika maki lobo.