¹ Na dala iea,matou e virika ngatavine ri parani ria rigi rupuru ria pali rigi made polotano ne viriki e girihine ria.Mua mu rata maia pali re hurika bakovi ri putu puru a ngavane Deo,ria bara ri matai a naro kamumu ne mua e huriki girihine ria,gerana ni ratea ngava pali a naro maki bara bakovi i matai i pulo a vilonga. ² Pali bara ri tahoka ni mata kilaka na naro kamumu ne vomu ria ri tamudi kamumu. ³ Matou moto nahani vaka siri a naro na kuline matou polo vavo manga, ni viria ivu, a ni bagetu na gol turana ni rodo a maka varikia kamumu. ⁴ Uka,a bagetua muholi i maia ioe togo vaka siri a naro kamumu pololilo na tamudimu,ra bagetua iea i tabuli tabaka ia i maia ioe boro rupuru ioe o made madoru.Ra hini nga i kamumu hateka na matane Deo. ⁵ E hurika ngatavine ri malamala ria ri rupuru ria lakea ri made madoru kunana.Ria ri lohoka na ngava muholi ne Deo lakea ria ranga ri made polo tano ne girihine ria. ⁶ Na dala ia kunana,re Sera i longo totoa ni tane Abraham lakea i gale e Abraham manga ia Viri dagi. Ioe tara o manga e tune Sera,manga ioe komo magenge na ni mava na ni ratea naro kamumu kunana. ⁷ Palupu manga,matou a bakovi matou moto made turana girihine matou turana ni luhoi ge kamumu ni lohoka,narana,re hurika ngatavine ri uka ni tora.Matou moto rata naro ge kamumu ne virike girihine matou,narana,re hurika ngatavine ria ranga bari i bolea ni mahuri i tabuli vakaroro.Matou moto ratea ra naro iea a vuhuna kama ge vasileki ne matou. ⁸ Na ni vaka lobo a ngava,matou lobo moto tahoka a ni luhoi ge palupu na ni vangaru mule ne matou na tamudine matou lakea moto rupuru matou. ⁹ Nahea ni rata hale ne huriki ranga erei i rata hale ne vomu.Ioe moko rata naro ge kamumu kunana ne erei i rata hale ioe,narana,ioe baro bole a naro kamumu na ara maki o rata. ¹⁰ Erei a bakovi a ngatavine i ngaru ni made kamumu pali ri tahoka ni mahuri malaku,nahea ni mata taroa ngavane ria rigi ta hare harogi turana ni ta tatami. ¹¹ Ria rigi habi a bito na naro hale ria rigi rata naro kamumu kunana.Ia ge mata kanea dala ni ratea naro kamumu pali ni made hate puru ma. ¹² Viri dagi i mata na maka bakovi a ngatavine ri malamala ia biri longoa ni vasileki ne ria.Pali,e Deo kama i tamudi taku ne huriki a bakovi a ngatavine ri rata naro hale. ¹³ Eeri ge rata piloe,na hini ioe o tahoka ni ngaru ni rata maki kamumu? ¹⁴ Pali,ri ioe bole a ni mava na naro kamumu vomu,kamumu ioe boro bole a mapamu vona a maki kamumu nahea ni magege vona ara maki e huriki a bakovi ri magege vona pali nahea ni luhoi lege vona maki tara. ¹⁵ Pali,Moto bole e Kristo ia Viri dagi ne vomu i manga a maki muholi hateka.Ioe o pasi mata vakaroro na ni taki e huriki maia ioe lohoka vona e Deo turana a naro kamumu vona.Ioe o ta kamumu ne ria te turana naro ni rupuru ioe ne ria. ¹⁶ Ioe o tahoka ni luhoi kamumu i valai ne Deo pali erei ngaru ni rata pelea ra ni mahuri malaku vona pololilo ne Kristo ria bara ri maruhu,narana,vuhuna kama ioe a viri ni ratea naro hale. ¹⁷ I kamumu na hini re Deo i ngaru ioe go kaloho a ni mava na parava ioe o rata naro i kamumu kama na hini o rata a naro hale. ¹⁸ Kristo ia bakovi i malamala, pali ia i bole a ni mava ne hita lobo a bakovi a ngatavine na naro hale.Kristo i ratea ra hini nga na ni bole hita sigi valai tabukoi ne Deo.Ria ri padi tatea i mate na kakaina kunana pali hanune Deo i vaka hadongo mulea. ¹⁹ Na hanune,Kristo i vano i taki talea ngava ne virika spirit erei ri made na bavi. ²⁰ E huriki a tara ri putu puru a ngava na tahuna ni tamudi puru ma e Deo i dava tou na parava ne Noa,parava e Noa i ratea sip.Deo i mata kari kamumu a viri i ala polo tolu kunana na parava marungu lolo i bele. ²¹ Ra marungu lolo iea i manga a hanuna ni hilolo,narana,Deo i bole mule hita na naro na ni hilolo ra ni hilolo iea kama nigi rata voroki a naro hale ne huriki a bakovi.Pali na ni bole matou e Deo i vaka hadongo e Isu Kristo na tanga ni mate. ²² Kristo i lakea na hunu i made na kanena limana e Deo viriki a ensel turana a mugamuga turana ni tora vona ra malala iea ria lobo liu rigi valai polo tano ne vona.