¹ Iau a habi ne huriki a mugamuga mua a ngava.Iau tara iau a mugamuga,iau tara erei a bakovi a made a matai ra ni mava e Kristo i kalohoa.Biri made pololilo na bagetua ne Deo na parava e Kristo biri hamule valai. ² Pali iau tara a habi a ngava i tora hateka i lakea ne mua huriki a mugamuga maia,mu mata kari kamumu e huriki a bakovi a ngatavine ne Deo,turana ni tamudi kamumu manga e Deo i ngaru.Pali mua mu rata a leho na ni luhoi ne mua kunana kimi taki mua a bakovi ni rata. ³ Nahani bele manga Viri dagi na matane huriki a bakovi a ngatavine mu mata kari.Uka,mua mu rata vilo kamumu kunana pali e huriki a bakovi a ngatavine bara ri muri mai matou. ⁴ Na parava a mata kari dagi na virika sipsip valai,bara mu bole a mapa i tabuli vakaroro. ⁵ Na naro i taku,matou a bakovi karaba moto rupuru matou moto made polo tano ne viri dagi.Matou lobo moto ngaru e huriki a bakovi a ngatavine mu kori ria.Narana,Deo biri kali puru a bakovi ri kali rike ria biri dodo a bakovi ri kali puru ria. ⁶ I maia ioe boro kali puroe na matane Deo lakea e Deo biri kali rike ioe na parava vona. ⁷ O kaloho a ni mava vomu turana ni dodo ne matou ge lakea ne Deo,narana,Deo biri dodo matou. ⁸ Mu mata kari mua mu dava,satan ia a gimane matou,biri laho manga laion ni vorokana bakovi ni rabalaki ni kani. ⁹ Pesi tora o nugu tatea a ni luhoi tora vomu,ioe boro luhoi maia huriki a bakovi a ngatavine ni luhoi tora vona ra malala iea ria rana ri bole a ni mava ri made. ¹⁰ I kapo kunana parava pali bara mu bole a ni mava vona ra malala eia.Ra e Deo eia i vomu turana ni dodo,i gale mua ni made vakaroro turana bagetuang vona biri vaka torea ni luhoi tora matou i rata kamumu matou ¹¹ Deo i tahoka a ni tora dagi,biri made vakaroro.I muholi. ¹² Iau a herea a raukea i lakea ni taki matou maia,Silvanus ia tara turagu ni mata kari kamumu hateka viriki a leho.A habia a ngava i tora ni vaka longo a leho kamumu e Silvanus na parava iau a herea ra raukea ia. Ra ngava i muholi hateka.Matou moto pesi tora vona. ¹³ Ra ngatavine o Babilon,e huriki ri pasia i vakaru a naro ne matou.Mak tara e tugu i haro matou. ¹⁴ Vakaru a naro turana ni vivi o vakasiri a ni ngaru ne Deo.Ni tamudi puru ne Isu Kristo biri made turane matou lobo.