¹ Hanima yebi byuma Njambi wethekele Abilahama. Wendekele kuli ikeye ngwendi, "Abilahama!" Abilahama wendekele ngwendi, Njili kuno." ² Cho Njambi wendekele ngwendi, "Ambata munobe wa munalume, munobe umo lika wa munalume, uje yiwashaka, Isaki, nakuya ku lifuti lya Moliya. Ukamulambule kuje kupwa ngwe mulambu wa kwenyeka hali lilundu kuje bene, okwo njikuleketha" ³ Cho Abilahama wendukile mutondotondo, nakulema chimulu chendi, wambatele na bakwenje bababli babanalume, hamolika na munendi wa munalume Isaki. Cho wachabele bitale bya kwenyaketha mulambu, cho washangumukile bungethzi bwa kuya mulekethele Njambi. ⁴ Halitangwa lya mu chitatu Abilahama wandukile na kukenga helu cho lalo wamwene chela cha kulako. ⁵ Abilahama wendekele kuli bakwenje bendi ngwendi, " Kaleni hano na chimuli, cho yange nou mukwenje tuya kuje. Tukakombelela cho twilukamo lalo. ⁶ Cho Abihama wambatele bitale bya kwenyeketha mulambu cho wabyakele hali munendi wa munalume Isaki. Wambatele mu liboko lyendi babenya tuhya na moko; cho boshe baile hamo lika. ⁷ Isaki wendekele kuli ishe Abilahama na kwendeka ngwendi, " Tate yange," cho wendekele ngwendi, " Yange unoye munange." Cho wendekele ngwendi, "Kenga, tuhya na bitale ebi, olojo maanga wa mulambu wa kwenyeka uli kuli? ⁸ Abilahama wendekele ngwendi, 'Njambi yabenya babenya atwana maanga wa mulambu wa kwenyeka, nuange wa munalume." Cho batwaleleleho na kuya, boshe babali hamo lika. ⁹ Omwo betele ku chela chije chabalekethele Njambi, Abilahama wa tungile mutula kuje bene na kujalaho bitale. Cho wakutile munendi wa munalume Isaki, na kumulangeka ha mutula, helu lya bitale. ¹⁰ Abilahama bwakwatele munendi na liboko lyendi cho wambatele moko mangana athsiye munendi wa munalume. ¹¹ Cho kangelo ka Yehoba kamuthanene kutunda mwilu na kwendeka ngwendi, Abilahamu, Abilahamu!" cho wendekele ngwendi, Yange unoye." ¹² Wendekele ngwendi. "Kethi ukwate liboko lyobe hali ou mukwenje, nambekulinga chili choshe cha kumubulumuna, hali ino thimbu njinathzibuka ngwange ukathzibi lyoba Njambi, mwafwa nakukukengetha ku wabyanene kunjana munobe wa munalume, munobe umolika wa munalume, kuli yange." ¹³ Abilahama wandukile nakukenga, kunima yendi kwakele chithzamba cha maanga mu mushondo na mambinga endi. Abilahama waile na kumwambata chithzamba na kulambula ngwe mulambu wa kwenyeka kutubakana munendi wa munalume. ¹⁴ Cho Abulahama wathanene chije chela ngwendi, "Yehoba muka kwana," cho nakulelo bakachendeka, "Halilundu lya Yehoba muka kwana." ¹⁵ Cho kangelo ka Yehoba wathanene Abilahama ha thimbu ya muchibali kutunda mwilu ¹⁶ na kwendeka ngwendi—echi chikecho kwendeka cha Yehoba—hali yange babenya njinalithingi ngwange mwafwa unalingi echi chuma, kubwa byanene kunjana munobe wa munalume, munobe umo lika wa munalume , ¹⁷ Buthunga bene njikaku kwithula cho njika tumitha batekulwila bobe ngwe bingongonothi bya mwilu, cho ngwe mushekesheke uje waku chikulo ya ndonga kalunga; cho na batekulwila bobe bakatambula chikolo cha bitothzi bobe. ¹⁸ Kwitila mu batekulu bobe mafuti oshe ahano hathi akapwa akukwithula, mwafa unononokela lijwi lyange." ¹⁹ Cho Abilahama welukile kuli bakweje bendi babanalume, cho bakatukile baile hamo boshe ku Mbeyashemba, na kukatunga ku Mbeyashemba. ²⁰ Chethzile nakusholoka hanima yebi byuma bije Abilahama bamulekele, "Milika na kitile bana, ngwe lalo, ndolome yobe Nahole." ²¹ Bakele Uz ntwatwa yendi, Buz ndolome yendi, Kemuele ishe ya Alamu, ²² Kesendi, Hazo, Pilindashi, Njindafi, na Mbethuele. ²³ Mbethuele wakele ishe ya Lembeka. Aba bakele batanu naba tatu bana bakukita Milika kuli Nahale, ndolome ya Abilahamu. ²⁴ Lishani lyendi, uje wakele na lithzina lya Leuma, nendi lalo wakitile Tembaha, Nganamu, Tahashi, na Maaka.