¹ Shukulu ethzile kuli Sala nge muje endekele ngwendi akalinga, cho Shukulu walingile kuli Sala nge muje akulaethele. ² Sala wemitile cho wakitilile Abilahama mwana wa munalume wamu bukulakathzi, a thimbu ije yendekele Njambi kuli ikeye. ³ Abilahama walukile munendi wa munalume, uje yiba mukitilile Isake. ⁴ Abilahama watuwile munendi Isake omu wakele na matangwa atanu na atatu akuthemuka, nge muje mwa mukambeyeye Njambi. ⁵ Abilahama wakele na chita cha myaka ya kuthemuka akeo oni munendi Isake wa themukile. ⁶ Sala wendekele ngwendi, "Njambi na nji pwitha wa kujolelela; munu woshe akathziba chuma echi akajolela amo nange. ⁷ Cho wendekele lalo ngwendi, "Iyajo wendekele kuli Abilahama nge Sala akakwata baana, oloni aha njamukitila mwana wa munalume wamu bukulukathzi!" ⁸ Mwana wakolele cho bamushumwine, cho Abilahama walingile chilika chakama alitangwa lije liba shumwine Isake. ⁹ Sala wamwene muna Hanga wa munalume uje ka Injipiti, ya kitile na Abilahama, kumuthinametha. ¹¹ Cho wendekele kuli Abilahama ngwendi, sheka ou ndungo wa munakathzi amo na munendi wa munalume, mwafwa muna yowu ndungo wa munakathzi kakatha kukaswana amo na munange, na Isake." ¹⁰ Chuma echi chapwile chachikalu manene kuli Abilahama mwafwa ya munendi wa munalume. ¹² Oloni Njambi wendekele kuli Abilahama ngwendi, "Kethi ulinyenge mwafwa ya mukwenje cho na mwafwa ya ndungo yobe wa munakathzi. Tolilila ku majwi a Sala mubyoshe byakuleka a ng'anda eyi, mwafwa kwitila muli Isake mukemwo chithemunwina chobe baka chithzibukithilamo. ¹³ Cho njikana lalo baana babengi kuli muna ndungo yobe wa munakathzi, mwafwa nendi munobe. ¹⁴ Abilahama wendukile mutondotondo, wambatele makende na swaki ya mema, na kubyana kuli Hanga, kumwakayo ha chithsili. Wa mwanene mwaana naku mushuwula. Wakatukile nakuya na kuyebangela mu mambo ya Mbelesheba. ¹⁵ Omu mema amu swaki oshe ahwile, Hanga wathethzele munendi mwithi ya liputa. ¹⁶ Cho oni wayile na kutumbama athi alyalako kwetheketha ngwe 100 mamita, mwafwa wa lyendekethele mumbunge yibenya, "Kethi njimone mwathsa munange." Omwo atumbamene alakoko naikeye, wa shangumukile na kulila. ¹⁷ Njambi wa thzibile lijwi lya uje mukwenje, cho kangelo ka Njambi kutunda mwilu wethzile kuli Hanga, na kwendeka kuli ikeye ngwendi, "Bika bili naku kuyandetha, Hanga? Kethi uthzibe lyoba, mwafwa Njambi na thzibi lijwi lya mukwenje kuje ali. ¹⁸ Katuka, jundula uje mukwenje, cho muthzembeleke; mwafwa njika mupwitha lifuti lyakama. ¹⁹ Akeoni Njambi wa shokwelele mesho endi, cho wamwene lithima lya mema. Waile na kushulitha ije swaki na mema na kunwithako amo uje mukwenje. ²⁰ Njambi akele na mukwenje, cho wa kolele. Wayoyele mu mambo cho wakele chiyambi. ²¹ Wayoyelele mu mambo ya Palani, cho ina wamwambatelele munakathzi wa ku lifuti lya Injipiti. ²² Chasholokele athimbu ije Ambimeleki na Filoku kaputeni wa mashwalale endi wendekele ngwendi kuli Abilahama, ngwendi, "Njambi ali nobe mu byoshe bije uli na kulinga. ²³ Ngechi bene lithinge anobene kuli yange ku mesho a Njambi ngwe ku ukanjikwitha, nambe baana bange, nambe ba tekulwila bange Sholwetha kuli yange na ku lifuti una yoyelamo chithingo cha bubwa ngwe obu njasholwetha kuli yobe." ²⁴ Abilahama wendekele ngwendi, 'Njalithingi. ²⁵ Abilahama lalo walinyengele kuli Ambimeleki a lithima lya mema lije liba mutambwile kuli bingamba ba Ambimeleki. ²⁶ Ambimeleki ngwendi, "Kunjithzibuka iya nalingi chuma echi. Yobe ku wa njilekele kubanga amo kunjachithzibileo kubanga lelo" ²⁷ Cho Abilahama wambatele bimanga na bingombe na kubana kuli Ambimeleki, cho aba banalume babali balikumiye chikumiyo. ²⁸ Cho oni Abilahama wa tundithile bimanga ba lwabobatanu naba bali mubutanga bwendi. ²⁹ Ambimeleki wendekele kuli Abilahama ngwendi, "Aba bimanga ba lwabo batanu na babali ba wunandununa a bolika bika cha lumbununa?" ³⁰ Wakumbulwile ngwendi, "Aba bimanga batanu na babali ba lwabo ba unatambula mu liboko lyange, mangana upwe bukaleo kuli yange, ngwe yange njendile eli lithima." ³¹ Cho wathanene uje mutambela Mbereshemba, mwafwa mu bubali bwabo ba lithingilile. ³² Balikumiye chikumiyo a Mbereshemba, akeoni Ambimeleki na Fikolu, uje kapitau wa mashwalale, belukile ku lifuti lyaba ka Filisitani, ³⁴ Abilahama wa kunine chiti cha tamarisiki mu Mbereshemba, Aje wa lemetheleo lithzina lya Shukulu Njambi wa myaka yoshe. ³³ Abilahama wakele mu lifuti lya Mafilisitani nge litandinda matangwa a mengi.