¹ Abilahama wendele kutunda kuje kungetha ku lifuti lya Nengevu, cho wakele mukati ka Kandeshi na Shale. Wapwile litandinda kuyoyela mu Ngela. ² Abilahama wendekele kupandama kuli Sala munakathzi wendi ngwendi, "Ou ndokathzi yange." Cho Abameleki mwene wamu Ngela wa thanene na kwambata Sala. ³ Oloni Njambi na buthiki wethzile kuli Abimeleki, na kwendeka kuli ikeye ngwendi, "Kenga, umunu wa kuthsa mwafwa ou munakathzi yu nambata, mwafwa munakathzi wa munu." ⁴ Athimbu Abimeleki kethzile ayehi nauje munakathzi cho wendekele ngwendi, "Mwene, muthsiya nambe lifuti lya buthunga? ⁵ Kethi ikeye ibenya wendekele ngwendi, " Ou ndokathzi yange? Nambe ikeye munakathzi ibenya nendekele ngwendi, "Ou ndolome yange." Nja chilingi echi mu buthunga bwa mbunge yange cho maboko ange kuethi na mulonga." ⁶ Cho oni Njambi wendekele kuli ikeye mu chiloto, "Eyo, Nange lalo njathzibuka ngwe mu buthunga bwa mbunge yobe wa chilingi echi, cho nja ku nyungu kethi ulinge bubi ku mesho ange. Cho oni kunja kutabethele ku mukwata. ⁷ Cho oni, ilwitha uje munakathzi kuli munalume wendi, mwafwa wapwa kapolofeto. Aka ku lombela, cho u kayoya. Oloni oshe kuumwilwitha, uthzibuke ngwe yobe na boshe bobe chili bene mukathsa." ⁸ Abimeleki wendukile mutondo tondo cho wa thanene bingamba bendi boshe. Wa balekele byoshe ebi, cho na baje banalume bathzibile lyoba manene. ⁹ Akeo oni Abimeleki wa thanene Abilahama naku mwihula ngwendi, "Bika walingi kuli yetu? Mungila muka njaku bihitha, echi wanenela yange amo na nganda yange bubi bwa kama? Wa nji lingila chije ku wa telelele kulinga." ¹⁰ Abimeleki wendekele kuli Abilahama, "Bika bya ku nenetha kulinga echi chuma?" ¹¹ Abilahama wa kumbulwile ngwendi, "Mwafwa nja thinganyekele, 'Chili ku kwethi lyoba lya Njambi kuno ku mutambela, cho banji thsiya mwafwa wa munakathzi wange. ¹² Cho lalo ndokathzi yange, muna batate, oloni kethi muna banana; cho wapwile munakathzi wange. ¹³ Omu Njambi wanji lingithile kuthethza njubo ya batate na kwendangana mu mafuti, Njendekele kuli ikeye ngwange, 'Watela kunji mwetha lukulaelo ngwe munakathzi wange: Watela kunji mwetha lukulaelo ngwe munakathzi wange: Kwoshe kutukaya, u kanjendeke ngwobe, "ou ndolome yange."'' ¹⁴ Cho oni Abimeleki wambatele bimanga na bingombe, cho na bindungo ba banalume na banakathzi, na kubana kuli Abilahama. Akeo nelwithilile Sala, munakathzi wa Abilahama, kuli munalume wendi. ¹⁵ Abimeleki wendekele ngwendi, "Kenga, eli lifuti lyange. Tumama kwoshe okwo kuushaka kutumama." ¹⁶ Kuli Sala wendekele ngwendi, "Kenga nji naana ndolome yobe likulakathzi lya mabundungulu a siliva. Echi kufwika ku biitha kwoshe ku uli nakwo mu mesho aba uli nabo, cho na kumesho a munu woshe, unapu uwa kujeneka mulonga." ¹⁷ Cho oni Abilahama walombele kuli Njambi, cho Njambi wa kangwile Abimeleki, munakathzi wendi, na bindungo bendi ba banakathzi mangana bathe kukwata bana. ¹⁸ Mwafwa Yehoba wa lingithile banakathzi ba mu njubo ya Abimeleki kupwa ba kwonowa kukala na bana, mwafwa ya Sala, munakathzi wa Abilahama.