¹ Naomi, nemueno, ua handekele neni ngueni, ''Muanange, kanjikaku lengeleya cihuimino, mangana ukakale muacili? ² Vunoni Mboaze, kati ikeye kavusoko ketu hamo na vangamba veni va vampuevo kati ua keleko ni? Tata, lelo vutsiki aku leleka sevanda ku ku cizunguilo. ³ Sikaho, tana ove yavene, nakuli vuaves ove yavene, nakuzala vuzalo vuove, kaha yamoye ku cizunguilo. Vunoni kati uli solole kuli yala uze, noho hali kamanesela kulia na kunua. ⁴ Vunoni omo muali kakosa, kaha ukatale muacili cihela cali kakosa mangana kutuala muze ukaye kuli ikeye, nakufukula kuvilioto vieni, kaha kakose kuze. kaha akakuleka muakulingila.'' ⁵ Lute ha handekele kuli Noami ngueni, ''Ange njalingile viose viua handekele.'' ⁶ Kaha ua sikumukile ku cizunguile, nakulinga muose muze muvamusikile kuli nemueno. ⁷ Kaha Mboaze ualile na kunua kaha mutima ueni uazolele, uaile nakukosa haze halengelele vihia via vimbuto kaha ua niondeleleko, nakufukula kuvilioto, kaha nakukosa. ⁸ Cakele ngecize hakati kati kavutsiki yala uze uatungumukile. Ualumukile, kaha haze veni mpuevo uakosele kuvaliato vieni! ⁹ Ua handekele ngueni,'' Yove iya?'' Ua kuanieneko ngueni, ''Ange yange Lute, ngamba yove ua mpuevo. Fukula nkoloko havu ngamba yove ua mpuevo, muomu kavusoko keni.'' ¹⁰ Mboaze ua handekele ngueni, ''Muanange ua mpuevo, vakuvezikise kuli Yehova. Una muesa ngozi mukumanu suila muku yana ize yakatete omo ove kaua kavele vakuendze cipue va kuhutua vaku pita. ¹¹ Vuno, muananga ua mpuevo, kati uivue vuoma! Ange njikukulingila viose vize vi ukuhandeka, muomu limbio liose lia vantu vange vantantekeya nguavo ove umpuevo uacili. ¹² Muavusunga Ange yange njikavusoko na nkuli vunoni kuli kavusoko na nkuli na njihambakana Ange. ¹³ Tumama kunu vitsiki vuno, kaha mucimene, ngue akutava kulinga nove cize capande kavusoko na nkuli, muacili, Vunoni ngue ikeye kali kutava cize capande kavusoko na nkuli nove, kaha Ange njikacilinga, momuono ua Yehova. Kosa kuvanga na cimene.'' ¹⁴ Kaha uakosele kuvi lioto vieni na cimene.Vunoni uahindukile tekanda vantu valintantekeya umo namukuavo. Muomu Mboaze na handeka ngueni,''Kati antantekaye uze mpuevo kuiza kuno kuci zunguilo.'' ¹⁵ Kaha Mboaze ua handekele ngueni,'' neha kambilititi kauna lifuika.'' Omo mualingile omu, uasetekele zijongo zitanu imo zia sevanda nakumu kuitazio. Kaha uaile kuimbo. ¹⁶ Kaha omu Lute muezile kuli nemueno, ua handekele ngueni, ''Ualingile vati, muanange ua mpuevo?'' Kaha Lute ua mulekele viose viamulingililile uze yala. ¹⁷ Ua handekele ngueni, ''Evi viseteko vinu naimo via zijango zikeko zia njihiele ange, muomu ua handekele ngueni, 'Kati uye muze vene cahi kuli nokomueno.''' ¹⁸ Kaha Naomi ua handekele ngueni, ''Tumama kuno, muanange, kuvanga nomu mu ukuntantekeya vukalu kukuma, muomu yala kali kuhuima kuvanga amanese evi viuma lelo.''