¹ Kaha Naome uakele nava vavusoko va yalieni yala muka vukama muka kufuka uaku vusoko vua Elemeleke, kaha lizina lieni ikeye Mboaze. ² Lute, kuka Moave, ua handekele kuli Naome ngueni, ''Njite njiye na kupupulula vize viasalele hakati kavisokasoka vua vimbuto mulihia. Ange njikukavangeya nkala yauze kumeso eni njikauana kavumbi.'' Ngecize Naome ua uahndekele kuli ikeye ngueni, ''Hamoye, muanange.'' ³ Kaha uaile uezile naku pupulula kuihia kunima yava kakutia. namu kuenda cntulu uatulukile mutamba na mutamba ua lihia lia pandamene kuli Mboaze, uze akele kavusoko ka Elimeke. ⁴ Kaha twenu, Mboaze uafumine ku Mbetelema naku handeka kuli avaka kutia ngueni, ''Yehova akale nenu.'' Vamu kuaniene nguavo, ''Yehova akuvezikise.'' ⁵ Kaha Mboaze uahandekele kuli ngamba yeni uze akele naku tala vaka kutia, ''Muntu muka ou mpuevo akundama kuli?'' ⁶ Ou vene Moave mpuevo uahilikile na Naome kufuma kucifuti ca Moave. ⁷ Ua handekele kuliange ngueni, 'Njitave nji pupulule njakuvundila nakukungiya kunima ya vaka kutia hakati ka visua.' Ngecize uezile kuno na kutualelaho kufuma cimene nakuheta vuavuno, katsimbu lika ua huimine mu ndzivo.'' ⁸ Kaha Mboaze ua handekele na Lute ngueni, ''Kauesi naku njivuilila, muanange? Kati uye naku pupulula mu lihia likuavo; kati useze lihia liange. kuvanga, utumame kuno na kupunga na vanike vava mpuevo va vapangi. ⁹ Tala meso ove kaha ha lihia liva na kutia na kukavangeya vampuevo veka. Kati njasika va kuendze kati vaku kuate? Hose haukuvuila mpuila, uye kuvitenga na kunua mema aze va kuendze avanasu.'' ¹⁰ Kaha ikeye uaile ha cihanga kumeso a Mboaze na nakutsikama hamavu. Ua handekele kuli ikeye ngueni, ''Muomu vika Ange njiuanena kavumbi kumeso ove amba unjisinganieke ange, ngendzi?'' ¹¹ Mboaze ua mukuaniene na kuhandeka kuli ikeye ngueni, ''Vana njilekesa, viose viua pange kufuma ha tsililile yaliove. Ua sile iso, noko, na cifuti ciua semukilile naku kavangeya nomueno na kueza kuvantu vaua hona kuntantekeya. ¹² Yehova alunguise vipangi viove. Tambula fueto yakufuma yakutamo kufuma kuli Yehova, Njambi yava Isaleli, muitsi yaze ua mavava uauana muuneza nakutinina.'' ¹³ Kaha uahandekele ngueni, ''Njitave njiuane kavumbi kumeso ove, mukuluntu uange, muomu uanjivendezieka, kaha uahandeka na ngondzi kuliange, amba tuhu Ange kati njiumo nuava ngamba vove vava mpuevo.'' ¹⁴ Kaha ku tsimbu ya kulia Mboaze ua handekala na Lute ngueni, ''Tuaya kuno, nakulia ku muka, kaha ntata nkama yove muvindangele.'' Kaha ua tumamene hamo na vaka kutia, kaha vamu hiele vimbuto via kuoca. Ualile nomu muakutile na kusezaho vikuavo. ¹⁵ Kaha omo muaktukile na ku pupulula, Mboaze uasikile vakuendze veni ngueni, ngueni, ''Tavienu a pupulule amba hakati visua via, kaha kati mumu handekese. ¹⁶ Kaha nau musumuenienu vimo kuvisua, kaha nakuviseza avi pupulule, kaha kati mumu tenukile.'' ¹⁷ Ngoco ua pupuluile muihia nakuheta cinguezi. kaha uazunguile vize via pupuluile, kaha vaikele ngue efa ya savenda. Ikeye uavimbate nakuya muimbo. Kaha nemueno uamuene via pupuluile. ¹⁸ Lute naua uatuhuile viali supileho via kuoca kufuma kukulia ceni nakumuhia ikeye. ¹⁹ Nemueno ua handekele kuli ikeye ngueni, ''Lelo ua pupuluila kuli? Unaile kuliko naku pangelako? Yala ana kusinginieka haliove akale uakuvizika.'' Kaha Lute uamulekele nemueno yala ivene lihia kuze kuakele nakupanga. Ua handekele ngueni, ''Lizina liuze yala uze ivene lihia kuze Ange kunjapangela lelo ikeye Mboaze.'' ²⁰ Naome ua handekele kuli nemueno ua mpuevo ngueni,'' Vamuvezikise kuli Yehova, uze kasile kulinga ngozi kuli vaka kuyoya nakuli va tsa.'' Naome ua handekele kuli ikeye ngueni, ''Yala uze kavusoko uaha hiehi netu, kavusoko ua kuli hata netu.'' ²¹ Kaha Lute muka Moave ua handekele ngueni, ''Cili, ua handekele kuliange, ' Uatela kusuena kuhiehi kuli vakuendze noho hava kukumisila kutia.''' ²² Naome ua handekele kuli Lute nemueno ngueni, ''Cikuviuka, muanange ua mpuevo, kuya nava vakuendze vava mpuevo vavpangi, mangana kati vakulinge cacipi mulihia likuavo.'' ²³ 'Ngoca ikeye uakele kuhiehie nava ngamba zia Mboaze vav pangi vava mpuevo naku pupulula nakumanesa kutia savenda nakutia tiliku. Kaha uatumamene hamo na nemueno.