¹ Hakupua etu tua puisamo na lutsilielo, tuli naku unda na Njambi muli Muangana uetu Yesu Kilisitu. ² Kuhitila muli ikeye tuuanenamo njila yalutsilielo muli kozi lieni mutuamena na ku viukilila muku lavelela cavumpahu vua Njambi. ³ Kati evi lika, Olotzo tu viukilila mutu yando. Tue nsiva nguetu tuyando tue ku tuhula lukakatela. ⁴ Vunoni lukakatela luekutuhula vilinga, kaha vilinga vie kutuhula ku lavelela, ⁵ kaha kulavalela kaci kaku lingisa tsoni hakupua cizango ca Njambi va ci muaniena mu mitima yetu kuhitila muli musimu ua ku suala, ou uva tuhelietu. ⁶ Ntsimbu itua kele tua kataa, ha ntsimbu yatelamo kulishitu ua tsilile vakua vupi. ⁷ Hakupua ca cikalu ku uana umo atsile muku vu viuke, mpamo tsimbu zimo muntu umo na hase ku tsila muka vu viuke. ⁸ Vunoni Njambi ua soluesele cikupu cizango ceni halietu, muomu tsimbu tua kele tucili vaka vupi, Kilishitu ua tsilile. ⁹ Muku hiana cikuma kuma, kaha ino tsimbu ituna puisamo na maninga eni, etu tukovoka kufuma kuvutenu vua Njambi. ¹⁰ Kaha ngeci, tsimbu itua kele tu vitozi, vatu konekelele kuli Njambi kuhitila mu kutsa ca muaneni, kuhiana cikuma kumani, hanima ya kutukonekela, etu tu kovoka ku muono ueni. ¹¹ Kati evi lika, tueku viukilila naua muli Njambi kuhitila muli muangana uetu Yesu Kilishitu, muli ikeye tua tambuila mo lukonekelo. ¹² Kaha vunoni, ha muntu umo vupi vua kovelele hano hamavu, mulei nji ktsa ca koveleke kuhitila mu vupi. Kaha vupi vua tandele kuvantu vose, hakupua vose va vulu muine. ¹³ Kaha naku heta kumesi alusiko. Vupi havuakele hamavu, vunoni ka kua kele ku tanda ca vupi hakupua ka kuakele mesi alusiko. ¹⁴ Amba ngoco kutsa fume kuli Andama suili na kuli Mosesa, kaha nakuli vase tsa kava lingile vupi ngue mucifua ca civulumuna ca Andama, ikeye napu kavusamba kauze akeza. ¹⁵ Vunoni vuana ka vuesi ngue cize civulumuna. Kaha mukufua civulumuna ca uno va vengi vatsile, kaha ku hiana cikuma ca likozi lia Njambi na vuana vua likozi hamuana muntu, Yesu Kilishitu, lika lundama hava vengi! ¹⁶ Ha kupua vuana kavuesi ngue vie viekutuhuka ku vupi vua muntu umosi. Kusompesa kue kuisa hakuvulumuna kaha cikuneha via vipi, vunoni vuana viuza ha vivulumuna na kuneha kupuisa. ¹⁷ Kaha, ngue kuvulumuna ca umo, kutsa ca mu kovelele ikeye, kaha kuhiana cikuma kuli vize va tambula viavingi via likozi na vuana vua va vu viuke va ka kala mumiono muli umo, Yesu Kilistu. ¹⁸ Kaha tso muka kuvulumina umo ua hetesele vupi ku vantu vose, mukemo muli vilinga via umo mukua kuoloka kuiza kupuisa na miono ya vantu vose. ¹⁹ Kaha kuhitila mucivulumuna ca muntu umo va vengi va va puisile kupua va kua vupi, amba ngoco kuhitila mu vu viuke via umo vavengi va ka vapuisa vakua vuololoke. ²⁰ Vunoni mei alusiko aputukile kulanesa kuvulumuna. Kaha kuze kua lanene vupi, likozi naua lia lanene kuhiana. ²¹ Eci casolokele linga, mue vupi vua suanene kutsa, kaha ngece likozi lika suane kuhitila mu vuviuke vua muono ya miaka na miaka muli Yesu Kilishitu muangana uetu.