¹ Tukuhandeka nguetu vikandzo? Tutualeleho kulinga shili mangana likozi lilane? ² Keti cikale omo. Yetu vaze ua tsilile ku shili, kaha tukuhasa vati kutumama mo? ³ Uneziva nguavo omu vuvengi vavambuitikile muli kilisitu Yesu va vambuitikile mu kutsa ceni? ⁴ Vatutsindiye, kaha, nayikeye kuhitila mukutuzimika mukutsa. Eci casolokele mangana muze Kilisitu omna hindukile kufuma kuvafu na kuzila ca Ise, Sikaho tuatela kuenda muciyoyelo cacihia. ⁵ Ngue tunapu uakulikuta nayikeye mu cifuanesa cakutsa ceni, tukutumama vakulikuta nayikeye kuku sanguka ceni. ⁶ Tueziva evi, nguetu kasinakazi ketu vamusukikile nayikeye manga muvila uze ua shili va uenyeke. Evi viasolokele mangana tuhone kupua mu undungo ua shili. ⁷ Ou natsi vana mupuisa kupua uakuoloka na kalemesa kushili. ⁸ Vunoni ngue tukutsa na Kilisitu, tua tsiliela nguetu tuka tumama neni hamue. ⁹ Tuneziva nguetu muomuo Kilisitu na sanguka kufuma kuvatsi, kesi kukatsa ceka; kutsa keci kamuyula ikeye.. ¹⁰ Mukuesekesa na kutsa cize ntsile ku vupi, atsile kamolika kunahu. Sikaho, ciyoyelo cize atumamene, ekutumama na Njambi. ¹¹ Munjila imosi, uatela kuiziva yove ivene kutsa ku shili, unoni kupua na mono kuli Njambi muli Kilisitu Yesu. ¹² Sikaho keti muece vupi amiyule mumu vila uove mangana u kononoke shingue yayo. ¹³ Keti muece va kuenu ku vupi, cikale citua caku zatesa vaku kuhona kuoloka. Olondzo lisololenu enu vavene kuli Njambi ngue vaze vafumisa kukutsa na ku vaneha kumono, kaha sololenu va kuenu kuli Njambi ngue citua caku zatesa kuli vaka kuoloka. ¹⁴ Keti muece vupi uyule halienu. Muomuo yenu kamuesi muzisimbi, unoni muli mungozi. ¹⁵ Vikandzo naua ? Tuatela kulinga vupi muomuo katuesi muzisimbi, unoni mungosi? Keti cikale omu. ¹⁶ Kamueziva nguenu ngue u kulisolola yove ivene kupua ndungo, unapu undungo kuli uze ue kononokeya? Kaha unapu undungo ya vupi, yekutuala ku kutsa, cipue undungo ya kononoka, yeku tuala ku kuoloka. ¹⁷ Vunoni tuasasela Njami! Muomuo tuakele vandungo zua vupi, unoni uneviulila ku mutima kunangula kuze vamihele. ¹⁸ Vanamilingisa kupua vakukasuluka ku vupi, kaha vanamilingila kupua va ndungo va kuoloka. ¹⁹ Njekuhandeka ngue yala muomuo yekuzeya camuvila cenu. Ngue muze muasoluele vakuenu ngue vandungo kumazilo na kukuzilala zisimbi, canehele kuzilula zisimbi cakama, na munjila imo, kaha sololenu vakuenu ngue vandungo va kuloka kua kumuuavesa. ²⁰ Omu uakele undungo ya vupi, uakele uakukasuluka kufuma ku kuoloka. ²¹ Hatsimbu ize, mihako muka uakele nayo havuma evi uli navio na soni? Muomuo vikafumako kuli vize viuma kutsa. ²² Olondzo nguvo vanu milingisa kupua vakukasuluka ku vupi na kupua ndungo ya Njambi, muli na mihako ya kuuavesa. Fueto yinappu muono ua muya-yaya. ²³ Fueto ya vupi kutsa, unoni uana ua Njambi muono ua haya miaka yose muli Kilisitu Yesu muangana uetu.