¹ Kaha vunoni catela kuli etu vaka ndzili kumbata vaka kuhona ndzili, kacatela kuli etu kuli viukisa etu vavene kaha cahi. ² Tuvavose tuatela kuviukisa vakuetu mutuatungila muacili, mangana tumutunge. ³ Muomu Kulistu kali viukisile ivene cahi. Vunoni, ngue muze muva sonekele nguova, ''Kutomba caveze vave kutomba calahulila haliange.'' ⁴ Muomu viose viva sonekele hakuvaleka vavisonekele kutuleka etu mangana hakukakatela na kuvendezieka ca mezi ava soneka kukala nalutsilielo. ⁵ Sikaho Njambi ivene mukaku kakatela naku vendezieka imihie kutumama namutina umo ngue muatuala Kulistu Yesu. ⁶ Mangana Njambi ya Muata uetu Yesu Kulistu ikeye ise mangana mumukamese namutima umo nakanua kamo. ⁷ Sikoho litavelenu umo namukuavo, amba ngue Kulistu naua ami tambule enu, muvu mpahu vua Njambi. ⁸ Muomi njikuhandeka nguange Kulistu vamulingisa mukaku pangeka vaka kunkuenga kumenako vusunga vua Njambi, mangana masiko nkana asikile vakukuavo azizikisise, ⁹ kaha mangana vaka mafuti vamusangazieke Njambi ha ngozi yeni. Ngue muva sonekele nguavo, ''Ngecize Ange njiku sangazieka ove hakati kava mafuti na kuimba hali zina liove.'' ¹⁰ Kaha naua nguavo, ''Zolielenu, enu vaka mafuti, nava vantu zieni.'' ¹¹ Kaha naua ngueni, ''Enu vaka mafuti vose muzumbangeyenu Muata, Ecenu vantu vose vamu zumbangeye ikeye.'' ¹² Naua, Isaya ua handekele ngueni, ''Muzi ua kuitsi ya Jesse ukuiza, uze akakatuka nakuyula vaka mafuti; muli ikeye vaka mafuti vaka vandamena.'' ¹³ Kaha Njambi ivene mukaku vandamena amisulise naku viukilila cose na kuunda mulu tsilielo mangana mukale nakutalela mundzili zia muzimu uakulela. ¹⁴ Ange yavene naua njamono hali enu, nguange enu vavene musulu laza na kuviuka muasulu laza na ciningi cose, munase naua kuhuhumuna nava kuenu. ¹⁵ Vunoni njahambakana kumika nakusoka mezi amo kulienu naua, muomu ua ngozi iva njihiele kuli Njambi. ¹⁶ Eyi ngozi yakele nguavo Ange njikale ngamba ya Kulistu Yesu ivatumine kuli vaka mafuti, nakuhia ngue va sasendote muzimbu ua Njambi, mangana vuana vuavaka mafuti akavutavele, hakucizilika kuli muzimu uaku lela. ¹⁷ Muli Kulistu Yesu Ange njili naha hakuli sambela muvipangi via Njambi. ¹⁸ Muomu kanjikuasa kuzamuka nakuvuluka viuma vieka cahi kuvange evi kaha viana pange Kulitu muliange naku nehela vaka mafuti nakuononoka kumezi naku vipangi. ¹⁹ mundzili navi mueso na komouesa, naku ndizili zia muzimu zia Njambi. Eci cakele mangana kufuma kuYelusalema, nakuzingulula kulaha ngue Illyricum, njina mbulula laza muose muaya muzimbu uacili ua Kulisti. ²⁰ Muomu vene, njazikiza mutima uange kukuambulula muzimbu uacili, kati kuze kuvamuvuluka laza Kulistu cahi mangana kutina njikutungula hacihela ca mbala. ²¹ Vunoni ngue muze muva soneka nguavo: ''Kuli vaze vavahona kumbulula vakevo vakamona kaha vaze vakuhona kuivuilila vakevo vaka mona mualumbunukila.'' ²² Muomu Ange vanjesekele kutangesa mezi a Kulistu kucihela kuze kanda vamu ntantekeya, Ange njecele tsimbu ya yingi kuiza nakumitala enu. ²³ Vunoni, matangua ano kanjamuene kueka, miaka yose eyi njakutsila kuiza kulienu. ²⁴ Sikaho njatsiliela kumona enu omu munjika hita munjila yaku Spaine, nakunji kuasa kulienu muvungendzi vuange kuze, Ange njikalinga kuvangela kuivua kuviuka kuhandeka nenu matangua andende. ²⁵ Vunoni vuavuno Ange njinakuya ku Yelusalema, naku pangela vantu zia Njambi. ²⁶ Muomu vaka Macedonia nava kaAchaia vamono kuviuka kuma vuana vuavo kuli vaka kuhutua vaka zila vaze vali kuYelusalema. ²⁷ Mukeko, vanamono kuviuka vene, kaha vanapu vaka mukuli uavo. Muomu menga vanava puisa kukala vaka mafuti eka kukala vakuavo muvatambuila viuma viavo vua muzimu, kaha capande kuli vakevo naua naviuma via cisemua caha mavu. ²⁸ Sikaho, njikahetesamo vipangi evi ya kuvahitika mihako eyi, amba njihitile okuo kulienu nakuya ku Spaine. ²⁹ Kaha Ange njantentekeya nguange njikeza kulienu Ange njikeza mukusula ca kuvezika ca Kulisitu. ³⁰ Kaha vunoni, enu vamuanetu, kuhitila muli Muata uetu Yesu Kulistu, na cilemo ca Yesu Kulistu, cize cimuakele naco nange mukuvundila kuli Njambi haliange. ³¹ Njavundililienu Ange anjiyovole kufuma kuli vaze vakuhona kuononoka mu Yuleya, kaha vapangele Yelusalema vatavele vantu muzimu ua Njambi. ³² Vundilenu hamosi njkuiza kilienu nakuviukilila ngue muaya mutima ua Njambi, kaha njauana, kuhuima hamolika. ³³ Njambi ua kuunda akale nenu vose, Ameni.