¹ Tambula umo na zeye mu lutsilielo, caku hona ku musompesa na zimpata. ² Umo muntu ali na lutsilielo akulia viose, mukuavo ou na zeye akulia lika mafuo. ³ Ou umo ali na kulia viose kati aka sembulule umo ouke kulinga; Kaha ou umo ke kulia viose kati a sompe ava akuavo vaka kulia viose. Muomu Njambi na tavesa ikeye. ⁴ Yove iya, yove uka sompa ngamba na panda kuli umo ueka? Omo kanda ivene sukululieni aka mu mena cipue ku uisa. Vunini aka mulingisa ku mana, muomu muangana a mutavesa kulinga ikeye kumana. ⁵ Umo muntu ua lemene limo litangua kuhiana likuvo. Mukuavo ua lemene ose matangua hamo, Ecenu ou muntu viose alihise ivene mumana eni. ⁶ Ou akasingimika liatangua, alisingimikile muli Muangana; kaha ou a kalia, akalia muli Muangana, omu mua kaha ku sansela kuli Njambi. Ou uose kali kalia, nafutuka ku kulia ca Muangana; kaha a kahana kusansela kuli Njambi. ⁷ Naumo uahi hali yetu ua yoya muli ivene, kaha naumo antsia muli ivene. ⁸ Ngue etu tukuyoya, tu kuyoya muli Muangana, kaha ngue tu kutsia, tu kutsila Muangana. Vunoni ngue etu tuli na kuyoya cipue kutsa, etu tu va Muangana. ⁹ Muomu vikevio Kilisitu ua tsile na kuyoya naua, ou ua hiana Muanga ua vose va kakutsia na vose vaka ku yoya. ¹⁰ Vunoni ove, vika una ku sompela muanako? Kaha nove, vika una ku payesela mua noko? Etu tu ka mana kumeso hacituamo na sompesa kuli Njambi. ¹¹ Muomu vaci soneka, "Omu nji na kuyoya ,"ngueni Muangana, "Kuli ange ose mavuli aka tsikama, na ose malimi aka liavela kuli Njambi." ¹² Ngoco vene, ou uose umo muli yetu vaka mu alitavela livene kuli Njambi. ¹³ Vunoni ni etu kati tu sompe umo na mukuavo, vunoni tuatela kusakula eci, ngue naumo uahi aka haka kusuntusa cipue kulahuisa muanaye. ¹⁴ Njina ntantekeya kaha ange vanjilambelela muli Muangana Yesu via hi vili viacili. Kuvanga uze na mono vimo kula viazila ikeye vipu via mazilo. ¹⁵ Ngue omuo via kulia via muanako aku vavala, ove kavatela kuenda mu cilemo. Kati upihise na viove via kulia umo ua muli Kilisitu ua tsile. ¹⁶ Vunoni kati utavese vi una tela kukala muacili muka handeka evi via vipi. ¹⁷ Ngue mu viangana via Njambi keti ngue vua vikulia na kunuia, vunoni ua vuvuike, na ciyulo, na nsoliela mu muzimu kulela. ¹⁸ Ngue omo umo mukaku pangela Kilisitu mu zinjila zia nataveseua kuli Njambi kaha catavesa na vantu. ¹⁹ Muomu, ecenu etu tu kavangeye evi viuma mu ku unda na viuma vize viku tunga umona mukuavo. ²⁰ Kati ue nyieke vipangi via Njambi muomu zanga via kulia. Viose viuma vina lele, Vunoni cina pihia kuli yala kulia vize vikulingisa umo kupelia ngela. ²¹ Cina viuka kuhona kulia ntitu, cipue kunua viniu, cipue kulinga vimo ovio vi kanehela muanoko kupeliangela. ²² Lutsilielo lu ulinaluo, lama hali ove livene na Njambi. Navezika ou umo ou ke kulisembula ivene na viana litavela. ²³ Ou uose a ku huasana vaka mupayesa ngue akalie, muomu kati via lutsilielo. Kaha viose kati via ku lutsilielo vunoni via indzi.