¹ Ecenu yenu miono ipandame kuli vaze vali na zindzili va helu, kaha kakuesi zindzili kavanga zifume kuli Njambi. kaha zindzili zinakuzateua va zisakuile kuli Njambi. ² Ngoco vane uose aku viana zindzili akuviana zisimbi zia Njambi; kaha vaze vose vakuviana vali nehela cihiso va vene. ³ Muomuo vakakuyula ava lingisa kuviuma ku vilinga via viuka, vunoni kuvilinga via vipi. ukulengea ngecize linga ulikele ku kuzuzukila kuli umo ali muku suana? linga muaviuka, kaha ukatambula kusangala. ⁴ Muomu ikeye napu ngamba ya Njambi ku liove uakutualelela. Vunoni ngue ukulinga eci cacipi, zuzuka; kaha kalikahasa kumbata mukuale cakuhona cuma cimo. muomu ikeye ngamba ya Njambi, mukaku lingula vutenu kuli uze muka kulinga muamupi. ⁵ Ngoco muapande kuononoka, kati ngue omo vutenu vononi naua muomuo ya civezu camutima. ⁶ Muomu ueci enu muekufueta milambu naua. muomu zindili zia vangamba zia Njambi, ikya ueku uanekako tsimbu yose. ⁷ Fuetenu kuli umo eci cava pande kuli vakevo: mulambu kuli uze napande mulambu, lizimu kuli napande lizimu, vunoni kuli uze na pande kumu vuila vuoma kasingimiko kuli uze na napande kasingimiko. ⁸ Kati mukale nalikongo kuli umo, kuvanga kuli lema umo na mukuavo. Muomu uose uze akulema mukuavo na puisa mezi a lisimbi. ⁹ Eli lisiko, kati ukalinge vupangala, kati ukatsihe, kati ukeve, kati ukaliveye,'' kaha ngue kuli aze mezi alisiko lieka vali puisa nalizi eli, ''Lema mukuenu ngue omo muua lilema ove yavene.'' ¹⁰ Cilemo kacekulinga muamupi kumukuenu. Ngoco vene, cilemo cipuisamo mezi alisiko. ¹¹ Kaha ngecize, uaziva tsimbu, ngue ino ikeko tsimbu yakuhinduka kufuma mutulo. Muomu vuovoke vietu vuli kuhiehi kuhambakana vakalu tsilielo luakuli ¹² vanga. Vutsiki vuahiti, kaha mutana uneza ha hiehi. Ngoco etu tulimile kuti cipangi camilima, linga tulizeke navitua viaceke. ¹³ Tuendenu muacili, ngue mumutana, kati mukunua cakukina kina cipue mukupenda, kaha katuatela kuenda muvupangala kati mukale nakukandula zimpata, kati mukale nalifua cipue luiso. ¹⁴ Vunoni zalenu muangana Yesu kulisitu, kati muviukisile lumo vusitu, linga mulinge masungu avuo.