¹ Nji na mi lambelela, va muanetu, na vikeketima via Njambi, ku mena mivila yenu ngue kuliha na, kuzila, viana tavesa Njambi. Eci cikeco ku lumbunuka cenu. ² Kati mulifuise na viuma via lifuti, vunoni lialuluisenu muvilinga vienu. Lingenu eci mu tantekeye via cili, cikeco, camu lema Njambi. ³ Muomu yange kavumbi kaze vana nji hieleko nji ku handeka ku vantu vose vali ha kati kenu: Kati musinganyeke enu va vene eci caku hiana kusinganyeka, vunoni kasilikinyo, singanyeka muacili kusompa, ngue kueseka kuvilinga via ci tsilielo ca Njambi na hana ove. ⁴ Muomu ngue omo tuli na vilio via vingi mu muvila umo, vunoni kati viose vilio vili na cipangi cimo. ⁵ Netu naua ngoco vene, tu vavengi tunapu mu vila umo lika muli Kilisitu, tunapu muvila umo na mu kuavo. ⁶ Tuli na vuana vua kuliseza kueseka na cike ketima vana tuhie. Ngue vuana vumo vu Polofeto tu lingienu ngue ku ku tsiliela cetu. ⁷ Ngue vuana vumo vipangi, ecenu vipange. Ngue vuana vumo vua kulongesa, ecenu alongesa. ⁸ Ngue vuana vumo kuna ngula, ecenu ana ngule.Ngue vuana vumo kuhana, akali nge na ku lanesa. Ngue vuana vumo kutua menena, ecenu atua menene na kuzangana. Ngue vuana vumo vua kike ketima, ecenu alinge na ndzoliela. ⁹ Cilemo kati cikale na civembulu.zindenu via vipi; ka ka telenu eci cacili. ¹⁰ Mu kuli lema na vana mokuenu, lilemuenu na mutima uvutsi umo na mukuavo, ku ka singimiko, lilemenu umo na mukuavo. ¹¹ Muku zangama, kati mu koko voke. ku muzimu, ta kamenu, mukuzangana kuli muangana,mupange lenu. ¹² Viukililenu mukulavelela, kulamba kolesenu, mu kutsiliela mu malombo. ¹³ kuasienu vantu vana honoua muzimu ua Njambi. ua nenu zinjila ziose mu muese ku kuzumbula. ¹⁴ Kisulenu vaze mi yandesa; kisulenu kati musingane. ¹⁵ Zolelenu nava va zolela; lilenu naava valila. Kalenu na visinganyeke via umo na mukuavo. ¹⁶ kati musinganyeke viuma via kama, lihakenu ku vantu vavandende. kati mupue vaka mangana mukuli pamba enu vavene. ¹⁷ Kati ukumbulule umo cacipi neci cacpi. linga vize via viu ka kumeso avantu. ¹⁸ Nga citava, ngue na cizango cenu, kalenu na ciyulo na vantu vose. ¹⁹ Kati mu lisompese enu vavene, ua cilemo, vumo ni hana njila vutenu kuli Njambi. vana soneka,'' kusompese cina pandama kuliange; yange nji ka sompesa; ' ngueni muangana.'' ²⁰ Vunoni '' nga citozi cove ali mundzala, mulise. Ngue ali na mpuila, muhie mema anue. muomu ove muku linga ngecize, u kalundi ka manungu atuhia ha mutue.'' ²¹ Vunoni kati usule vupi, vunoni sula na vuviuke.