¹ Ange njakuleka ove Phoebe muanetu ua mpuevo, uze ali ngamba ya cikungulukilo cize cili mu Cenchreae, ² mangana umutambule muli Muata. Linga eci mu mana acili a vantu zia Njambi, na kumuhia viose viali kutond kufuma kuliove, muomu akele mukakukuasa uakama kuli vavengi na kuliange naua. ³ Meneka Priscilla na Aquila, vakuetu mutua pangela muli Kilistu Yesu, ⁴ Uze atondele kuntsila haliange. Ange njinahie kunsantsela kuli vakeko, kaha kati Ange kaha cahi, vunoni naua kuvikungulukilo viose via Gentiles. ⁵ Meneka cikungulukilo cize cili mu ndzivo yavo. Meneka Epaenetus vamuanetu, vaze mihako yakuvaleka va Asia kuli Kilistu. ⁶ Meneka Maliya, vaze vapangele cikuma kulienu. ⁷ Meneka Andronicus na Junia, mutuakela na vakuetu mukamenga. vava ntantekeya hakati ka positolo, kaha vakele muli Kilistu kumeso ange. ⁸ Meneka Ampliatus, muanetu muli Muata. ⁹ Meneka Urbanus, mutua pangela muli Kilistu, na Stachys, muanetu. ¹⁰ Meneka Apelles, valisoluesele muli Kilistu. Meneka vaze vali kundzivo ya Aristobulus. ¹¹ Meneka Herodion, mutuakela. Meneka vaze vali mundzivo ya Narcissus vaze vali muli Muata. ¹² Meneka Tryphaena na Tryphosa, Laborers muli Muata. Muneka Persis va muanetu, vaze vali na cipangi cakama muli Muata. ¹³ Meneka Rufus, ivasakula muli Muata, na naye na uange. ¹⁴ Meneka Asyncritus, Phlegon, Hermes, Patrobas, Hermas, na vana vanaye vaze vali na ikeye. ¹⁵ Meneka Philologus na Julias, Nereus na vana vanaye vava mpuevo, na Olympas, na vantu va Njambi vakuzila vaze vali navakeko. ¹⁶ Meneka umo namukuavo naku nsuemba. Vikungulukilo viose via Kilistu vameneka enu. ¹⁷ Kaha Ange njina kumianukisa enu, vamuanetu, mufume kuli vaze vakuneha cihandua na kunsuntsuka muamupi kuku tangesa cize cimuatange. Fumenu kuli vakeko. ¹⁸ Muomu vantu nkana ngue vaze vakuhona kupangela Muata uetu Kilistu, vunoni vakupangela mazimo avo vavene. Kukuliviukisa cavo nakuhandeka cacipi vakulionga mitima ya valitumamena. ¹⁹ Muomu cakutaleho cove ca kunonoka caheta kuli vose. Ange njaviukilila, ngecize, hali ove, vunoni Ange njinakutonda ove uzangame kuli cize cikeko Njambi, kaha kulihula cize cinapu vupi. ²⁰ Njambi ua ngozi vuavuno akutika Santana kuintsi ya vilioto viove. Ngozi ya Muata uetu Yesu Kilistu ikale nenu. ²¹ Tito, mutua pangela, njameneka ove, na Lucius, Jason, na Sosipata, mutuakela. ²² Ange Tertius, uze uakundama kuli muata, njameneka muli Muata. ²³ Gaius, uatumamene mucikunguluilo, kumeneka enu. Erastus, mukakulama cikasa uaku cifuti, nameneka enu, namuanaye Quartus. ²⁴ Ngozi ya muata uetu Yesu Kulistu ikale nenu. ²⁵ Vunoni kuli ikeye nahase kumilingisa enu zindzili kueseka na muzimbu uacili na kutangesa ca Yesu Kilistu, kuesesa uze uva honene kusoluesa hantsimbu yetu kanda. ²⁶ Vunoni vuavono Njambi nalingisa kuntantekeya mezi nevi vikasoloka-mangana vose vantu muvi futi viose vakantsiliela muli Kilistu na kuneha kuononoka ca luntsilielo- ²⁷ kuli haka vakazangama va Njambi, kuhitila muli Yesu Kilistu, vumpahu vukale vuahaya miaka na miaka. Amen.