¹ Yehova ua handekele kuli Mosesa ua mbele ngueni, ² ''Leka vantu va Isaleli vaka sekule muntu uose ali mu cilombo ali na vuvezi ha akanda, na uose ali na mbumba ina fumisa mema, na uose na napihia hafuma naku kuata muvila ua kutsa. ³ Amba ua yala amba ua mpuevo, uka musekuila ku mbadza ya mbalaka. kati vaka pihise mbalaka, muomu mukemo munjakala.'' ⁴ Mukemo muva lingile va Isaleli. Vava sekuilile ku mbandza ya mbalaka, Ngece omu Yehova ua sindiliye Mosesa. Vantu va Isaleli vevuililile Yehova. ⁵ Ceka naua Yehova ua handekele kuli Mosesa, ngueni, ⁶ ''Handeka na vantu va Isaleli. Ngue yala amba mpuevo aku panga vupi ngece omu ekulinga muntu umo ku muanaye, na kulionga, uo muntu ali na mulonga. ⁷ Kaha ua pande kulihana vupi vueni vuana pange. ua pande kuhiluisa muku puisamo mu ndambo ya vupi vueci naku hakelaho cimo kuvutanu kuli uze yana luuisila. ⁸ Ngue uze yana luuisila kesi na ntanga uamu hiehi ua kumu tambuile ndondo yeni, ua panda kuhana ci ndombo ya vupi vieni kuliange ku hilila muli sasendote, hamo na mpanga ua kuli kula lia vene.'' ⁹ Cikombelo cose ca vantu va Isaleli, viuma viva hakemo na kuvineha kuli sasendote kuli vantu va Isaleli, vika kala vieni. ¹⁰ Vikombelo via vantu viose vikukala via sasendote, ngue ali uose aku hana cimo kuli sasendote, akakala ceni. ¹¹ Ceka naua, Yehova ua handekele kuli Mosesa, ngueni, ¹² ''Handeka kuvantu va Isaleli. Handeka nguove. 'Ngue mpuevo lia yala akualumuka na kupanga vupi kuli yalieni. ¹³ Ngue yala aku kosa neni cakusueka ku meso a yalieni, na vuzuale vueni kavua tuhukile amba ngoco na pihisa, nava mboni vahi vaku mukuala ana kulinga, ¹⁴ amba ngoco muzimu ua cipululu unase kuleka yalieni nguovo mpueni vamu pihisa. olondzo, muzimu ua cipululu kuiza na kuonga yala nguovo mpueyeni kavamu pihisile. ¹⁵ Mumilonga ya ngecize, yala uatela kuneha mpueyeni kuli sasendote. Yalieni ua pande kumu mbatelako cikombelo ca zangeua, cihanda cimo ca mulikumi ca vunga vua vale. kati amuanieneho mazi na nakuhakaho muomu vunga vua cikombelo ca cipululu, vunga vua cikombelo ca kuvulukilaho, muomu ca kuanukila vupi. ¹⁶ Sasendote akamineha kuhiehi na kumuhaka kumeso a Yehova. ¹⁷ Sasendote aka mbate ngandza ya mema akulila nakumbata mpumpu ya vunga vuaku tavanakulu. Aka hake ize mpunputa mu mema. ¹⁸ Sasendote aka hake uze mpuevo kumeso a Yehova na kuzitula zi nkambu zia uze mpuevo. Aka hake mulivoko lia uze mpuevo vunga vua cikombelo ca civulukiso, cikeko cikombelo ca vunga vua kusinganiekela. Sasendote akakuata mema asasu mulivoko lieni aze akaneha cisingo. ¹⁹ Sasendote akahake uze mpuevo muitsi ya cisingo na kumuleka, Ngue na yala uahi na kosa navo, amba kaua sendukile nakulinga vupi, kaha uka ukakutunuka ku mema asasu aku neha cisingo. ²⁰ Vunoni ngue ua senduk, amba uli muitsi yalu simbi lua yaliove na kuvulumuna ove liavene, na yala ueka na kosa nove. ²¹ Kaha, (sasendote alingise uze mpuevo ali singe lisingo liku hiluisa lusingo hali lia keye, atualele kuhandeka kuliou mpuevo )'Yehova aka panga muliove lusingo luka tuhuka kuvantu vove muli ize njila.Eci cikatuhuka ngue Yehova aka lingisa zi ntungi ziove kulienieka naku zimbisa lizimo liove. ²² Aua mema eku neha tusingo akakovela muzimo liove naku panga kuitsi ya lizimo liove kuzimba na kuenieka zintungi ziove. mpuevo aka kumbulule mukeko cilingike ngue njinatsi na mulonga. ²³ Sasendote akasoneka amasingo kaha akakuse ize misongo akusoneke na mema asasu. ²⁴ Kaha sasendote akanuise uze mpuevo aze mema asasu aze akunehasa lusingo.Aze mema akuneha lusingo akamukovela na kualumuna asasu. ²⁵ Sasendote akatumbula vuze vunga vua cikombelo ca cipululu vuli mulivoko lia uze mpuevo. Aka vukuate na zundula vuze vunga vua cikombelo kumeso a Yehova na kuvuneha ku citsandia. ²⁶ Sasendote akambate livoko lia kusula lia vunga vua cikombelo kumenako cikombelo, nakuvu tsimikala ha citsandia. vunoni akahie uze mpuevo mema asasu akanue. ²⁷ Omu muali kamuhia mema na kunua, Ngue navulumuna muomu na pange vupi kuli yalieni, kaha aze mema akuneha lusingo akamu kovela na kualumuka kukala asasu. kuitsi ya lizimo lieni kukazimba na zintungi zieni kulienieka. uze mpevo akakala uaku singana ha kati ka vantu. ²⁸ Vunoni ngue uze mpuevo kapihisile na ngue ukalela, kaha aka tunuke. Nahase kumena muimbo nakukala na vana. ²⁹ Olu lukeko lusimbi lua cipilulu. lukeko lusimbi lua mpuevo uze na hangunuka kuli yalieni na kupisa. ³⁰ Lukeko lusimbi kuli muntu ali na muzimu ua cipululu ngue ali na cipululu na mpueyeni. atela kuneha uze mpuevo kumeso a Yehova, kaha sasendote atela kulinga viuma viose evi via cipululu viana mbulula. ³¹ Yala aka kutunuka kukuhia na matoto omuali kaneha mpueyeni kuli sasendote. mpuevo akakala na mlonga uana pande.