¹ Yehova uahandekele na Mosesa mumbalaka yaciuaneno ca zindinda zia Sinayi. Eci casolokele hali tangua lia kuvaleka mungonde yamucivali hatsimbu yamu muaka uamu civali tevana vava Isaleli vafumu laza mucifuti ca Ingito. Yehova uahandekele ngueni, ² ''Tandenu numelu yavantu vose vava Isaleli mucikota, muli va isiavo. Vatande halizina halizina. Tanda vamala vose, ³ uze ali miaka makumi avali mukukola cipue kusimbula. Tanda vose iya nase kulua ndzita ngue lisualale ua Isaleli. Ove na Alone muatele kutanda vamala muzimbinga ziose. ⁴ Yala umo kufuma kumiyati yose, cikota cavuile, catela kuovoka nova ngue muyati ua vakuluntu zieni. mukuluntu uose uatele kutuamenena mala vaze vakulua ndzita uamu yati ueni. ⁵ Aua akako mazina avakuluntu aze vatela kulua ndzita nave: kufuma kumuyatin ua Luvene, Elizule muana Sendeule; ⁶ Kufuma kumuyati ua Smeone, Selumiele muana Zulisandai. ⁷ Kufuma kumuyati ua Yunda, Nasone muana Aminandave; ⁸ Kufuma kuyati ua Isakale, Natanele muana Zuale; ⁹ Kufuma kumuyati ua Zembulone, Eliave muana Helone; ¹⁰ Kufuma kumuyati ua Efalimi muana Yesefe, Elisama muana Amihunde; kufuma kumuyati ua Manase, Ngamaliene muana Pandazule; ¹¹ Kufuma kumuyati ua Mbenjamini, Avindane muana Ngindeone, ¹² Kufuma kumuyati ua Ndane, Ahiezele muana Amisandai; ¹³ Kufuma kumuyati ua Asele, Pangiele muana Okelane; ¹⁴ Kufuma kumuyati ua Ngande, Eliasafe muana Ndeuele; ¹⁵ Kaha kufuma kumuyati ua Nafatali, Ahali muana Enane.'' ¹⁶ Ava vakeko vava kundikile kufuma kuvantu. vatuamenenene muyati ua vakuavo. vakele vantuamena kucikota camu Isaleli. ¹⁷ Mosesa na Alone vatualele ava vamala vavatandele halizina halizina, ¹⁸ Kaha akele navo nava vamala vakungulule vose vamala vamu Isaleli hali tangua liakuvaleka mungonde yamucivali kaha yala uose ali na miaka makumi avali mukukola na mukusimbula kuli lumbununa vusoko vieni. Ualukile mazina acikota na vusoko kufuma kuli vakukueni. ¹⁹ Kaha Mosesa uatandele vose muzinda ua Sinayi, ngue Yehoa muahandekele kuli ikeye kulinga. ²⁰ Kufuma kucikota ca Luvene, muana ua ntuamena ua Isaleli, vavatandele vose mazina hali uose ali na miaka avali mukukola cipue kusimbula atela kuya kundzita, kufuma kukutanda cacikota na vusoko vio vakukuavo. ²¹ Vatandele makulukazi makumi auana na atanu nalimo na vihita vitanu vamala kufuma kumuyati ua Luvene. ²² Kufuma kucikota ca Simeone vatandele vose mazina uose yala ali na miaka makumi avali mukukola cpue mukusimbula atela kuya kundzita kufuma kukutanda kucikota na vusoko vuavakukuavo. ²³ Vatandele mukumi atanu amakulukazi namakulukazi atanu na uana nauana na vihita vitanu vamala kufuma kumyati ua Simeone. ²⁴ Kufuma kucikota ca Ngande vava tandele vose mazina uose ali na miaka makumi avali mukukola cipue kusimbula atela kuya kundzita, kufuma kukutanda caku cikota na vusoko via vakukuavo. ²⁵ Vatandele makulukazi makumi uana na atanu na vihita na cimo a makumi atanu vamala kufuma kumuyati ua Ngande. ²⁶ Kufuma kucikota ca Yunda vatandele mazina ose hali yala uose ali na miaka makumi avali mukukola cipue mukusimbula atela kuya kundzita, kufuma kukutanda kucikota na vusoko viavakukuavo. ²⁷ Vatandele makumi atanu na vali amakulukazi na namakulukazi auana na vihita vitanu na cimo vamala kufuma kumuyati ua Yunda. ²⁸ Kufuma kucikota ca Isakale vava tandele mazina ose hali uose ali na miaka makumi avali mukukola cipue mukuaimbula atela kuya kundzita, kufuma kukutanda kucikota na kuvusoko viava kukuavo. ²⁹ Vatandele makumi atanu a makulukazi na makulukazi auana na vihita viuana vamala kufuma kumuyati ua Isakale. ^{30 31} Kufuma kucikota ca Zembulone vatandele mazina ose hali uose yala ali na miaka makumi avali mukukola cipue mukusimbula atela kuya kundzita, kufuma kucikota navusoko viava kukuavo. Vatandele makumi atanu amakulukazi na makulukazi atanu na vali navita vi uana kumuyati ua Zembulone. ³² Kufuma kucikota ca Efalimi muana Yosefe vatandele mazina ose hali yala uose ali na miaka makumi avali mukukola cipue mukusimbula atela kuya kundzita, kufuma kucikota na vusoko viava kukuavo. ³³ Vatandele makulukazi makumi auana na vihita vitanu. vamala kuuma kumuyati ua Efalimi. ³⁴ Kufuma kucikota ca Manase muana Yosefe vatandele mazina ose hali yala uose ali na miaka makumi avali mukukola cipue mukusimbula atela kuya kundzita, kufuma kukutanda kucikota na vusoka vua va kukuavo. ³⁵ Vatandele makumi atanu a makombakazi na namakombakazi avali na vihita vivali vamala kufuma kumuyati ua Mosesa. ³⁶ Kufuma kucikota ca Mbenjamini vatandele mazina ose hali yala uose ali na miaka makumi avali mukukola cipue mukusimbula atala kuya kundzita, kufuma kukutanda kucikota na vusoko vua va kukuavo. ³⁷ Vatandele makulukazi makumi atanu na makulukazi atanu na vihita viuana vamala kufuma kumuyati ua Mbenjamini. ³⁸ Kufuma kucikota ca Ndane vatandele mazina ose hali yala uose ali na miaka mukukola cipue musimbula atela kuya kudzita. kufuma kukutanda cacikota na vusoko kuli va kukuavo. ³⁹ Vatandele makumi atanu na limo a makulikazi na makulukazi avli na vihita vitanu na vivali kufuma kumuyati ua Ndane. ⁴⁰ Kufuma kucikota ca Asele vatadele mazina ose hali yala uose ali na miaka makumi avali mukukola cipue mukusimbula atela kuya kundzita,kufuma kukutanda kucikota na vusoko vua va kukuavo. ⁴¹ Vatandele makumi uana a makulukazi nalikulukazi limo na vihita vitanu vamala kufuma kumyati ua Asale. ⁴² Kufuma kucikota ca Nafatali vatandele mazina ose hali yala uose ali na miaka makumi avali mukukola cipue mukuaimbula atela kuya kundzita, kufuma kukutanda kucikota na vusoko vua va kukuavo. ⁴³ Vatandele makumi atanu a makulukazi na makulukazi atanu na vihita vi uana kufuma kumuyati ua Nafatali. ⁴⁴ Mosesa na Alone vatandele vamala vose, hamolika nava mala likumi na vavali vakele nakutuamenena miyati likumi na vali ava Isaleli. ⁴⁵ Sikaho vose vamala vava isaleli kufuma mu miaka makumi avali mukukola na mukusimbula, vose vaze kuvusoko vieni. ⁴⁶ Vatandele makulukazi atanu na vihita vitanu na makumi atanu vamala. ⁴⁷ Vunoni vamala vaze vakele kufuma kucikota ca Levi kavava tandele. ⁴⁸ Muomu Yehova uahandekele na Mosesa ngueni, ⁴⁹ ''Kuatela kutanda muyati ua Levi cipue kuvahaka hali vana vava Isaleli. ⁵⁰ Vunoni, vakele va Levi mangana valame Tavanakulu ya civuasiona cavilika, va Levi vatele kumbata Tavenakulu, kaha vatale kumbata vitenga viamu Tavenekulu. vatele kulama Tavenekulu nakupanga cilombo kuzingilika Tavenekulu. ⁵¹ Tsimbu yakuntuntuluka Tavenakulu kucihela ceka, va Levi vatela ku itunga. Nkala ngecize uze akeza kuhiehi na Tavenakulu vatela kumutsiha. ⁵² Tsimbu vana vava Isaleli ivatunga zimbalaka, yala uose atela kulingamo kuhiehi na pandelo ize yakundama kuzimbunga ziavo ⁵³ Amba tuhu ngoco, va Levi vatela kutunga zimbalaka kuzingulula Tavenakulu kuiza hali vana vava Isaleli. va Levi vatel kulama Tevenakulu ya civuasiono ca vilika.'' ⁵⁴ Vana vava Isaleli valingile viuma viose evi. valingile viuma viose vize Yehova via sindiyile kuhitila muli Mosesa.