¹ Yehova ua handekele na Mosesa. ngueni, ² ''Handeka na Alone. muleke ikeye; 'zindeya zitanu na zivali ziatela kuhana ceke ha lutue lua zindeya omo muka zisuameka.''' ³ Alone ua lingile eci. ua suamekele zindeya ha lutue lua zindeya mukahana ceke mutula luazio, ngue Yehova ua sikile Mosesa. ⁴ Vungangula vua zindeya va vupangele mulieyi njila na Yehova ualekele Mosesa cifua coyo. omo ca kufula olu na kuintsi na helu yayo, na kufula olu zingandza zia kulifua nsani. ⁵ Naua, Yehova ua handekele na Mosesa. Ngueni, ⁶ ''Mbata va Levi mukati kavantu kava Isaleli naku valelesa vakevo. ⁷ Lingeci kuli vakevo muku valelesa: va sampuile mema aku lelesa hali vakeko. Linga vakeko va teule mivila yavo uose, kusa vizalo viavo na kulilelesa vavene. ⁸ Vunoni va mbata muana ngombe ua nkomba mbuto ya nkombelo ya kuhia satu na kupandakana na amzi. Eca vakevo vambate mukuavo muana ngombe ua nkomba kukala nkombelo ya vupi. ⁹ Ukavanehe va Levi ha lutue lua mbalaka ya ciuano uka kungulula yose mbunga ya vantu yava Isaleli. ¹⁰ Omu muukaneha va Levi halutue lua Yehova, kaha vantu vava Isaleli vatela kuolola mavoka avo haliva Levi. ¹¹ Alone natela kuhana va Levi halutue lua Yehova, kukala ca kusengeleya nkombelo ya kuvantu vava Isaleli ngue omo va kalinga vipangi via Yehova. ¹² Kaha va Levi vatela kusaleka mavoko avo ha mitue yava nkombelo ziava ngombe. Una tela kuhana umo mu nkomba ya ngombe ku nkombelo ya vupi na mukuavo nkomba ya ngombe uak nkombelo ya kutsimika ku lianga, muku minina va Levi. ¹³ Kutumbika va Levi kumeso a Alone na knumeso a vana veni, naku va zundula muku sengeleya nkombelo kuange. ¹⁴ Muhiehi njila una tela kuvahangununa va Levi kuli vantu vava Isaleli. kaha va Levi vakakala kuliange. Kaha muze, va Levi vatela kukovela nakpanga mu mbalaka ya ciuano. ¹⁵ Uatela kuvalelesa vakeko. uatela vahane muku sengeleya nkombelo. ¹⁶ Linga eci, muomu vana vahana kuliange kufuma ku vantu vava Isaleli. vakambata mutamba kuli nkala muana ua yala ou akasolola lizimo, ua ntuantua vene vavana va Isaleli njambatele va Levi yange livene. ¹⁷ Uose na ntuantua vali kukati ka vantu vava Isaleli vanapu vange, mukati kayala cipue kasitu. kuli tangua lize njina va hangununa vakekevo kuliange ivene. ¹⁸ Njina va mbata va Levi kukala mukati kavantu vava Isaleli vunoni kuli vose va ntuantua. ¹⁹ Njina hana va Levi kukala vuana kuli Alone na vana veni. Njavambata vakeko mukati muli vantu vava Isaleli mukulinga cipangi ca vantu vava Isaleli mu mbalaka ya ciuano. Njinahana vakeko kumimina kuli vantu va Isaleli vunoni omo keza kuhiehi na cihela ca kulela.'' ²⁰ Mosesa, Alone, na yose ndandanda ya vantu ya va Isaleli va kalinge eci nava Levi. valingile viuma viose vize Yehova ua sikile Mosesa linga na va Levi. kaha vantu va Isaleli valingile evi hamo nauo. ²¹ Kaha va Levi va lilelesele vavene na kukusa vizalo viavo, na Alone uava meneneko muku sengeleleya nkombalo kuli Yehova naikeye ua pangelae kumumina kuli vakeko kuli lelesa vakeko. ²² Hanima yevi, va Levi vaile na kuliga vipangi viavo mu mbalaka ya ciuaneno kulutue lua Alone na halue lua vaa va Alone vavamala. Eci cikeko Yehova asikile Mosesa via va Levi. eyi ikeko njila ivava pangeselemo va Levi. ²³ Yehova ua handekele naua na Mosesa. Ngueni, ²⁴ ''Evi viose viakele via Levi vaze vakele na makumi avali na itanu ya miaka na kupulakana. vatelele kuli pandakana muku panga mu mbalaka ya ciuano. ²⁶ Vatela kumana kupanga mulieyi njila miaka ya makumi atanu. kuli eze miaka kavapandele kupanga nkala ntsimbu. ²⁵ Vatela kukuasa vana vanayavo vaze vanakutualelelaho kupanga mu mbalaka ya ciuaneno, vunoni kavatela kupanga naua.Uatela lekesa va Levi mu viose vitume.''