¹ Yehova ua handekele na Mosesa ngueni, ² ''Leka vantu va Isaleli na kuamba ngueve kuli va kevo, 'omo mumukengila mucifuti ca Kanana, livu likakala lilienu, Kanana nazindzindza ziayo, ³ yenu ndzindza yaku vuhili vakai mamesa kufuma ku zindinda zia Zine kutuala kundinda ya Endome. vucelo yalenga kundzindza ya sulu ikakala hamo ize ikaneha kuvuhili ikalenga kucisali ca muonga. ⁴ Ndzindza yenu ikalumuka kusula ku culu ca Akala vime na kuhita mu zindinda zia Zine. kufuma kuze, ikafuma sulu ya Kadeseya mbateneya na kutualelaho ku Hazele Andale na kuhiluka Azemone. ⁵ Kufuma kuze, kaha ndzindza ikalumuka kufuma ku Azemone mukuya ku ndonga ua Ingito na ku kava kukalunga ndonga. ⁶ Kaha ndzindza yaku vutokelo mukukala namema aku kalunga ndonga. Eci cikakala ndzindza yenu yaku vutokelo. ⁷ Ndzindza yenu ya kuvuhili vaka ikamesa imuatela kukava kufuma ku kalunga ndonga kuheta kumuncinda ua Hole, ⁸ vunoni kufuma kumuncinda ua Hole kuheta ku Hamate, Ambani ku Zendende. ⁹ Kaha ndzindza ikatualelelaho naku Zifelone na kukulenga ku Hezele Ename vuhili ku Sefane. ¹⁰ Vunoni muatela kuli pulila zindzindza yenu yaku kumu ntuntuko ikaya hamavu kuli Sefame na ku Leve, kutamba uaku uakumuntuntuko kumutamba ua Aine. ¹¹ kaha ndzindza ikatuale uvaho naku mutamba ua muntuntuko na kalunga ndonga ya Kenelete. ¹² Kaha ndzindza yatualeleleho kusula kuya na ndonga ya Yondau naku kalunga ndonga ua muongua naku sikumuka hamavu kundzindza ya muntuntuko yaku kalunga ndonga ua muonga. Eci cikakala livu lienu, nakuvangeya ndzindza yayo kuose kuazinguluka.''' ¹³ Kaha Mosesa uasikile vantu va Isaleli kaha ngueni, ''Eli livu lienu li mukatambula cikuma lia Yehova ua sikile kuli hana ku miyati itanu na iuana na mutamba uamuyati. ¹⁴ Miyati ya vana va Luvene, kukavangeya kuesekasa ca viuma via miyati yavo yava ntsekulu, namutamba ua muyati ua Manese vana tambula livu liavo. ¹⁵ Miyati ivali na mutamba ua muyati vana tambula vino via livu musinia lia Yundau na Yeliko kuvucelo, kumutamba ua kuntuntuka ca lutangua.'' ¹⁶ Yehova ua handekele na Mosesa kaha ngueni, ¹⁷ ''Aua akeko mazina ava mala vaze vaka mipangela livu ngue vusuana vueni: Eleazele sasendote na Yehosua muauana Nune. ¹⁸ Muatela muka hangule umo ntuantua ku miyati yose muku pangela livu ku vantu vavo. ¹⁹ Aua akeko mazina ava mala ku muyati ua Yunda, Keleve muana Yefune. ²⁰ Ku muyati ua cikoto vana va Simeone, Samuele muana Amihunde. ²¹ Kumuyati ua Mbenjamini, Elindande muana Kisolone. ²² Kumuyati ua cikokota vana va Ndane ntuamena, Mbuki muana Yongeli. ²³ Kuli vana va Yesefe, ua kumuyati ua vana va Manase ntuantua, Haniele muana Efonde. ²⁴ Kumuyati ua vana va Efalime ntuamena, Kemuele muana Sifetame. ²⁵ Kumuyati ua vana va Zembulone ntuamena, Efalime muana Palanake. ²⁶ Kumuyati ua muana Isakale ntuamena, Paletiele muana Azane. ²⁷ Kumuyati ua vana va Asele ntuamena, Ahihunde muana ua yala selomi. ²⁸ Kumuyati ua muana ua Nafatali ntuamena, Pandahele muana yala ua Amihunde.'' ²⁹ Yehova ua sikile ava vamala mukupanga livu lia Kanana na kuhana yose muyati ua va Isaleli mutamba uavo.