¹ Yehova ua handekele kuli Mosesa ngueni, ² ''Muka va hiluise va Mindiane ha vivalingile kuli va Isaleli Hanima yakulima vizi, ukatsa na vantu vaka kukunguluka.'' ³ Kaha Mosesa ua lekele vantu umbele ngueni, ''Lemekenu vamosi va mala vaye ku ndzita vakalue nava Mindiane naku mbata cihuisilo ca Yehova. ⁴ Miyati yose mucifuti ca Isaleli vakatume likulukazi lia masualale ku ndzita.'' ⁵ Hama kulukazi ava vantu va Isaleli kulukazi imo ika fume ku muyati ouse kucikota cava Isaleli, va vantu makulukazi likumi na avali va kuli viukisila ndzita. ⁶ Kaha Mosesa ua va tumine ku ndzita, kulukazi kufuma ku muyati uose, hamo lika na Finahase muana sasendote Eleazale, na vimosi viuma viaku muhela ua kulela naku mbata zi ndolombita ziaku vuilako vi ntantekeyeso.' ⁷ Va luile na Mindiane, ngue mua sikile Yehova Mosesa. kaha va tsihile va mala vose. ⁸ Kaha va tsihile va Miangana vava Mindiane hamo na vose vava tsihile, na mukuale, ⁹ Masualale va Isaleli va kuatele vundzinda va mpuevo vaka, Mindiane, vana vavo, vangombe ziavo vose va mpanga ziavo vose, na vikumba viavo viose. Evi vikeko vivambatele via kupupa. ¹⁰ Va tsimikile zinganda ziavo ziose ziva kukala na vilombo viavo viose. ¹¹ Vambatele viose viva pupile navi ndzinda, vantu hamo na tusitu. ¹² Vanehele vi ndzinda, viva pupile, na viose viva kuatele kuli sasendote Eleazale, namu ndandanda ya vantu va Isaleli vanehele evi kucilombo camu viana via Maove, mumu kulo ua Yondau muhiehi na Yeliko. ¹³ Mosesa, sasendote Eleazale, na mata vose vazi ndandanda vaile nakuli uana navoku mbandza ya vilombo. ¹⁴ Kaha Mosesa ua tenukile na misipai va ma sualale, mukutunta ua makulukazi na tupitau va vihita, vaze vezile kufuma ku ndzita. ¹⁵ Mosesa ua handekele navo ngueni, '' munecela va mpuevo vose na muono ni? ¹⁶ Talenu, ava va mpuevo vakeko va lingile vantu va Isaleli, kuhitila mu nguli ya Mbalame, kuvulumuna indzi kuli Yehova mu cihande ca Peole, omu vukali ua tandele mu ndandanda ya Yehova. ¹⁷ Vunoni, tsihenu vana vose vava mala, tsihenu va mpuevo vose vaze vakosaho laza na yala. ¹⁸ Kaha mbatenu vanike vava mpuevo vaze kanda vakosaho laza nayala. ¹⁹ Vose vaze va tsihile umosi amba kukuata umosi ivana tsihiele akale ku mbandza ya cilombo matangua atanu na avali. Ha litangua lia mucitatu na litangua lia mucitanu na avali vali vukise va vene navi ndzinda venu. ²⁰ Muka vukise vuzalo vuose na viose via kupanga na cilambu ca kasitu na maka a mpembe, na viose via kupanga na viti.'' ²¹ Sasendote Eleazale ua handekele ku masualale vaze aile ku ndziti ngueni, ''Eci cikeko citume ca lisiko ca hiele Yehova kuli Mosesa: ²² Olu, palata, nkengelezi, vutale, sitaniu na sumbu, ²³ na cose cize ka cekuuema kutuhia, muka cipitise mutuhia, cika vuka. Vunoni muka viukise vuima na mena aku vukisa. Viose vize kavika hita mu tuhia maka vivukise na mema a. ²⁴ Muka kuse vuzalo vuenu ha litangua lia mucitanu na avali, hakeko muka vuka.kufuma aha munase kuiza mu cilombo cava Isaleli.'' ²⁵ Kaha Yehova ua handekele kuli Mosesa na kuamba ngueni, ²⁶ ''Tanda viose viuma via kupupa viva mbatele, vose vantu na tusitu. Yehova sasendote Eleazale nava kuluntu zi ntanga zia vikota via vantsekulu. ²⁷ Muatela kuhangula via kupukula mu vihande vi vali. mu vipangele ku masualale vaze vaile ku ndzita na ndanda yose. ²⁸ Kaha tambula mulambu ua ku njihia ku masualale vaze vaile ku mdzita, mulambu umo ha vihita vitanu, vakala vantu, va ngombe, vi mbulu, vampanga amba va mpembe. ²⁹ Mbata eyi milambu kufuma civalavala na kuhana kuli sasendote Eleazala cikale cikombelo ca kunjihia ange. ³⁰ Naku vivalavala via vantu va Isaleli naua, umbate umo ha makumi atanu ase - ku vantu, vangombe, vi mbulu, va mpanga, na vampembe. Hana evi kuvaka Levi vaze vekulama tambanakulu yange.'' ³¹ Sikaho Mosesa na sasedote Eleazale va lingile muasikile Yehava Mosesa. ³² Vunoni via kupupa vize via lisupileho viva mbatele ma sualale via kele vampanga 675,00, ³³ makulukazi makumi atanu na avali nama kulukazi a vali ava ngombe. ³⁴ Mukulukazi makumi atanu na limo na likulukazi limo lia vi mbulu, ³⁵ nama kulukazi makumi atatu na makulikazi avali ava ngombe vaze va ntantekeyele yala amba kukosa neni. ³⁶ Mutamba uze uva niungililile ma sualale vatandele va mpanga 337,00, ³⁷ mukeko muafumine mutamba ua Yehova uaku heta va mpanga 675. ³⁸ Vangombe vakele mukulukazi makumi atanu na atanu nalimo mukeko muakelei atanu na avali. ³⁹ Vimbulu vakele 30,500 mukeko muakele vimbulu makumi atanu nalimo na cimbulu umo ua Yehova. ⁴⁰ Vantu vakele makulukazi makumi atanu na limo ava mpuevo mukeko muakele makumi atanu navali a Yehova. ⁴¹ Mosesa ua mbatele mulambu uze uatelelele kukala cikombelo ca kuhana kuli Yehova, Ua cihiele kuli sasendote Eleazale, ngue muasikile Yehova kuli Mosesa. ⁴² Ngue mutamba ua vantu va Isaleli uze ua mbatele Mosesa kufuma kuma sualale vaze vaile ku ndzita - ⁴³ Mutamba ua ndandanda uakele vampanga 337,500. ⁴⁴ makulukazi makumi atanu na limo ava ngombe, ⁴⁵ 30,500 vi mbulu, ⁴⁶ na muakulukazi likumi na limo ava mpuevo. ⁴⁷ Kufuma ku mutamba ua vantu va Isaleli, Mosesa ua mbateleko umo kufuma mu makumi atanu, ku vantu na tusitu. Uavahanene kuli va Levi vaze va niungile naku viukisa mutavanakulu ya Yehova, ngue muamu sikile Yehova kulinga. ⁴⁸ Ngece vaka vipangi va ndzita, vakuluntu vaku tala makulukazi na tupitau kutala vihita, vezile kuli Mosesa. ⁴⁹ Va handekele kuli liakeye nguavo, ''Va ngamba ziove vatande ma sualale vali mumavoko, na umo uahi na zimbala. ⁵⁰ Tuaneha cikombelo ca Yehova, cize ca uanene muntu uose, vikumba via olu, maseka, vusunga, tundzeya, vimbilingua, tu mpota kumenako miono yetu kuli Yehova.'' ⁵¹ Mosesa na sasendote Eleazale va tambuile oli na viuma viose via va mpanga na mavoko. ⁵² Olu yose ya cikombelo ize iva hiele kuli Yehova - vikombelo via kufuma ku vakuluntu va makulukazi nakufuma ku tupitau va vihita - vialemene 16,750 zi shekelu. ⁵³ Lisualale uose ua pukuile, muntu uose na vieni. ⁵⁴ Mosesa na sasendote Eleazale va mbatele olu kufuma ku vakuluntu va makulukazi na va tupitau va vihita. vavi tualele mu mbalaka ya ciuano ngue civulukiso ca vantu va Isaleli via Yehova.