¹ Mu matangua aze Yoano muka ku mbuitika uezile na kua mbululuile mu mpambo ya Yundeya ngueni, ² "Aluluisenu mitima, muomo vuangana vua muilu vuli mu hiehi." ³ Muomuo ou ikeye va ambele kuli kapolofeto Isaya, ngueni, "Lizi lia mu kua kutambeka mu mpambo, ' viukisenu njila ya muangana, sungamesenu zinjila zieni." ⁴ Vuno Yoane uazalele vuzalo vua maka a ngamela na muiva ua cikanda mumbunda yeni. Kaha via kulia vieni vambimba na vuci vuaku musenge. ⁵ Kaha Yelusalema, Yundeya yose na cifuti cose ca zunguluka ndonga Yondanu vaile kuli ikeye. ⁶ Kaha vava mbuitikile kuli ikeye mu ndonga Yondanu, mukulitavela vipi viavo ⁷ Olondzo omuo ua muene va Faliseo na va Sanduseo va vengi kuiza kuli ikeye linga ava mbuitike, uahandekele kuli vakevo ngueni, " Enu mbuto ya mambuambua, iyandzo naminangula kutina vutenu vuze vukeza? ⁸ Ngoco vene imenu mihako ize ya pande mutima ua kualuluka. ⁹ Kati muvange kulileka akatikenu, ngueni, 'Tuli na tate-tu Avilahama.' Muomuo njikumileka nguange Njambi a hasa ku sangula vana va Avilahama ku malolua aua. ¹⁰ Kaha njimbu vanaisaleka laza kumizi ya miti .Ngoco muti uose kau imi mihako ya cili va ka upakula na ku umbila mutuhia. ¹¹ Ange nji ku mbuitika mumema kumuesa kualuluka ca mitima yenu. Kaha ou aci kuiza munima yange nanji hiana, zinkaku zieni kanji kuhasa ku zimbata. Ikeye aka mi mbuitika mumuzimu ua kulela kaha naua natuhia. ¹² Lisenua lieni lili mulivoko lieni na ku pekula nalio vuini aci zunguilo ceni kaha tiliku yeni aka ihungunuina mu cisete ceni. Vunoni muzungu aka u tsimika na tuhia vaze ka ve ku zima." ¹³ Ngecize Yesu muezile kufuma Ngalileya nakuya kundonga ua Yondanu linga va mu mbuitika kuli Yoano. ¹⁴ Olondzo Yoano uesekele kumu vianesa, ngueni, "Ange nja pande kunji mbuitika kuli ove, kaha ove ukuiza kuli ange?" ¹⁵ Yesu uamu kumbuluile naku handeka kuli ikeye ngueni "Citavese ahavene muomu cili ca kuoloka kuli etu ku puisanmo vuviuke vuose." Ngecize Yoano uamutavesele. ¹⁶ KAha anima yaku mbuitika Yesu ua tuntukile vuasi vuasi kufuma mumema, kaha talenu, melu ha sololokele kula ikeye. Ua muene muzimu ua Njambi kusuluka ngue livembe na kukala hali ikeye. ¹⁷ Talenu, lizi lia fumine muilu nakuamba nguavo, " Ou ikeye muanange ua kuzanga. Kaha mua ikeye nja viukila neni."