¹ Hanima hakusemuka ca Yesu Kumbetelema uava Yundeya mumatangua a muangana Helonde, cendo cavamala vakua kutanga kufuma kumutuntuko va hetele ku Yelusalema vahandekele, ² "Kuli kunasemuka muangana uava Yundeya? tunamuene ntaongonosi yeni kumutuntuko kahatuneza nakumu zumbangeya." ³ Omu Helonde muangana muavuile eci, ua zuzukile, na vakua Yelusalema hamoneni. ⁴ Helonde ua kunguluile vakuluntu vavasasendote navakua ku soneka hakati ka vantu, kaha ua vahuile, "Kuli kua likasemuka Kilisitu?" ⁵ Kaha va mulekele, Mu Mbetelema mu Yundeya, mukeko mu vasoneka kuli kapolofeto, ⁶ 'Vunoni ove, Mbetelema, mu cifuti ca Yunda, kati uua mundende hakati kava miangana vamu Yundeya, kuliove kukafuma umo aka yula, ikeye akapue kanuingi kavantu vange vamu Isalela." ⁷ Kaha helonde mukusueka ua sanene vakuamana uavahuile ntsimbu yika yize ntongonosi yasolokele. ⁸ Kaha uatumine ku Mbetelema, ngueni, "Hemenu mukalengeye vuino muana uakakeke, ngue muna mu uana munjinehele muzimbu kaha nange naua njikeza naku mundzumbangeya." ⁹ Omuo vavuile mezi amuangana, vayile mundzila yeka, kaha yize ntongonesi yize yiva muene ku mutuntuko vayile nayo kuheta nomu yejile nakumena haze ha kele muana uakakeke. ¹⁰ Kaha mu vamuene ntongonosi va zolelele na ndolela yakama. ¹¹ Vengilile mundzivo na kumona kakeke na Maliya naye. Kaha va uile hamavu na kumu zumbangeya. Va zituile vikuata viavo vahanene vuana ulu, navihemba viakutsimika, nakuvuava. ¹² Kaha Njambi uava nanguile mucilota ngueni kati muhilukekuli Helonde, kaha vahilukile kucifuti cavo munzila yeka. ¹³ Hanima vaze havanayi,laza, kangelu ua Njambi ua solokele kuli Yosefa muku lota ngueni. "hinduka, mbata kakeke na nanaye mutine muye ku Icipito. Mukakala vene kuze palanga nomu munjika mileka,muomuo Helonde natondo kakeke kumuenyeka." ¹⁴ Vuze vutsiki Yosefa ua hindukile nakumbata kakeke nanaye kuya ku Ingipitu. ¹⁵ Kaha uakele venekeze kuheta nomu uatsile Helonde. Mukemuo muahandeke muangana kuhitila muli kapolofeto, "Kufuma mu Ingipito njina sana muanange." ¹⁶ Kaha Helonde, muamuene ngueni vakuamana vana muongo, ua pihilile, uatumine vatsihe vana vavamala vaze vali mu Mbetelema nakuma mbueli vaze valina miaka ivali kunca muintsi ngue uze muzimbu ua va kuana ¹⁷ Kusulisisa ku mezi ahandekele kuhitila muli Yelemiya kapolofeto, ¹⁸ "Lizi valivuile mu Lama, kulila neku linanieta cikuma, Lakeli ualilile vana veni, kaha katavele kumu vendezieke, muomu vahiko." ¹⁹ Omu mua tsile Helonde, talenu, kangelu ua Njambi ua solokele mukulota kuli Yosefa mu Ingipito na kuhandeka, ²⁰ "Hinduka mbata muana nanaye muye ku cifuti ca Isalela muomu vaze vahyangele muono uakakeke vanatsi." ²¹ Yosefa ua hindukile, kumbata kakeke nanaye nakuiza mu cifuti ca Isalela. ²² Kaha omu avuele nguavo Alekeleu na suana ku Yundeya kulu nkano lua ise Helonde, ua vuele vuoma vua kuyako, nomu Njambi uamu nanguile kukulota, ua alukile kumutamba ua Ngalileya ²³ nakuya na kutanga mu nganda ya Nazeleta. Eci kusulisisa viva sonekele kuhitila muli ma polofeto, kaha vaka musana Anazalene.