¹ Omu mukuezile cimene, vasasendote vose na vakuluntu vavantu vatumamene kupenge nakuhandeka hali yesu manganga vamutsihe. ² Vamukutile ikeye, vamutuile, nakamutuala kuli nguvulu Pilato. ³ Kaha Yundasa, ou amusoluele ikeye, omu muamuene Yesu vamuuana namulonga, alikanekele na kuhiluisa makumi atatu azimbongo zia ppppppppalata kui vasasendonte nava kuluntu, ⁴ Nakuhandeka ngueni, "Njavilumuna ha kusolola maninga akuhona mulonga."Vunoni vahandekele nguvo, "Vikeko vika kulietu? Hakucimona ove yavene." ⁵ Kaha ambilile hamavu vihanda via palata mucikunguluilo nakuli muanga, nakuya nakulisukika ivene. ⁶ Vasasendote vambatele vihanda via palata nakuhandeka nguavo, "Kavatavesa kuvihaka mu cisaka ca Njambi muomu linapu ndando ya maninga." ⁷ Kaha vahandekele hali ovu vukalu hamo, nakulanda liya, kuli uze mukaku popa zindoho mangana vatsinde tsidemo vangendzi. ⁸ Hakulinga ngoco lize liya valiluka nguavo, "Liya lia maninga" nakuheta lelo. ⁹ Vize via handekele kapolofueto Yelemiya viahetama ngueni, "Vambatele vihanda mukumi atatu apalata, ndando iva tumine kuli ikeye muli vana vava Isalela, ¹⁰ Kaha veyele uze akele naliya mukakupopa zindoho, mukeko muana njileka muangana ange." ¹¹ Haze vene Yesu akatukile muli va nguvulu, kaha nguvulu amuhulisile ngueni, "Ove yove muangana uava Yundeya?"Yesu amukumbuluile ngueni, "Uahandeka." ¹² Vunoni omu muvamu vangelelele kuli vasasendote nava kuluntu, kakumbuluile amba cimo cahi. ¹³ Kaha Pilato ahandekele kuli ikeye, "Kauamuile milonga yose yli hali ove?" ¹⁴ Vunoni kakuluile amba lizi limo cahi, nava nguvulu uakomokele cikuma. ¹⁵ Omu mucahetele cilika cacisemua ca vanguvuli cakufumisa kayili umo ivasakuile kuli vunga. ¹⁶ Hali ize tsimbu vakele na kayili ukuhulama lizina lieni Mbalambasa. ¹⁷ Omu muvalingile vakunguluka hamo, Pilato ahandekele kuli vakevo, "Iya munakutonda ange njimifumisile enu? Mbalambasa, cipue Yesu iva nakusana nguavo Kilistu?" ¹⁸ Azivele ngueni vamuhana Yesu kuli ikeye muomu yacipekete. ¹⁹ Oku natumama hacituamo cakusompesa, pueyeni atumine lizi kuli ikeye nakuhandeka ngueni,'Kati ulinge cuma cili cose hali ou yala uakuhona mulonga. Muomu njayande lelo nacitola cinjakele na cayikeye." ²⁰ Kaha vasasendote nava kuluntu vasindiyile livunga mangana vavahie Banambasa, mangana Yesu vamutsihe. ²¹ Vanguvulu vavahulisile vakevo, "Hali ava vavali munakutondo iya mangana ange njimuece kulienu?" Vahandekele nguavo, "Mbanambasa." ²² Pilato ahandekele kuli vakevo, "Njikulinga vika ange na Yesu ivanakuamba nguavo Kilistu?" Vakumbuluile nguavo, "Musukikenu." ²³ Ahandekele ngueni, "Muomuo vika, cika cacipi canapange?" Vunoni vakeko valilile cikuma nakutambakana, "Musukikenu." ²⁴ Kaha Pilato mua cimuene noviali kunganyala viahi, tsimbu kanda luozi luputuka, ambatele mema, nakutana kumavoko kulutue ya livunga, na kuhandeka ngueni, "Ange kanjesiho hamaninga ou yala. Mukutalaho enu vavene." ²⁵ Vantu vose vahandekele, "Ecenu maninga eni atumame halietu nahali vana ventu." ²⁶ Kaha avecelelele Mbanambasa kuli vakevo, kaha vamusindikile Yesu nakumuhana kumavuko avo mangana vamusukike. ²⁷ Kaha masualale vava nguvulu vambatele Yesu mufulumende yamu mbaka yakama nakukunguluka na masualale vose. ²⁸ Vamu zulile nakumuzika citila ngengu. ²⁹ Kaha vavindikile cilongo ca zimbimbo naku muhaka kumutue ueni, nali hongo lieni kulivoko lia cilio. Kaha vatsikamene kumavuli eni naku na kumutsopela ikeye, nakuhandeka nguavo, "Hinduka muangana ua va Yundeya!" ³⁰ Vamu zekuililile malezi ikeye, nakumbata lihongo naku muveta nalio kumutue ceka naua. ³¹ Omu muvakumisile kumu tsopela ikeye, vakutunuine mukole nakumu zika vuzalo vieni, nakumutuala kucilindankano. ³² Omu muva fumine kuze, uauanene yala kufuma ku silene ualizina lia Simone, ou yiva sindiyilile kuya navo mangana ambate cilindano. ³³ Vezile kucihela civakele nakusana nguavo Golongola, caya mukulumbununa nguavo, "Cihela cavikola." ³⁴ Kaha vamu yele vinui anue yakupandakana na nianga. Vunoni omu muesekele kunua, kayasele kuyinua. ³⁵ Muvalingi vamuhake hacilindakano, valipangelelele vuzalo, ³⁶ kaha vatumamene nakumulama ikeye. ³⁷ Hehi lia mutue ueni vahakeleho mezi amulonga uze uvamuuanene nao, uakuamba nguavo OU IKEYE MUANGANA UAVA YUNDEYA." ³⁸ Vezi vavali vava sukikile nayikeye namo, umo kulivoko liacilio mukuavo kulivoko lia cimosue. ³⁹ Vaze vakele nakuhila vamutukile ikeye na kulimeneka mumavokoavo ⁴⁰ nakuhandeka nguavo, "Ove yove uakele nakuya na kuenyeka cikunguluilo naku citunga mumatangua atatu, liohiele ove yavene! Ngue umuana Njambi, suluka hacilindakano!" ⁴¹ Cocimo lika vasasendote vamu tsopele ikeye vakakusoneka na vakuluntu, vahandekele nguavo, ⁴² Obuile veka, vunoni kuli ku liovola ivene. Napu muangana uava Isalela. Muecenu asuluke hacilindakano, kaha akutsiliela muli ikeye. ⁴³ Atsilielelele muli Njambi, ecenu Njambi amuovole viavuno, ngue Njambi namuzange amu muohiele ikeye, ahandekele ngueni, "Ange njimuana Njambi'" ⁴⁴ Cocimo lika navaze vezi vava sukikile hamo nayikiye nava keko vamutukile ikeye. ⁴⁵ Vunoni kufuma mu ola ya muatanu na imo kuezile milima mucifuti cose namu kuezile ola yavutsiki. ⁴⁶ Muzi ola zitanu na ziuana, Yesu atambakanene nalizi lia helu na handeka ngueni, "Eli,Eli, lama savakatani?"Caya mukulumbununa nguavo, "Njambi yange, Jambimbi yange, uanjisila vika?" ⁴⁷ Kaha uamo vaze vamene vacivuile, vahandekele nguavo, "Anakusana Eliya." ⁴⁸ Hahaze vene umo antutile nakumbata siponja, ucujisulisile na vinui yakuseta, vayihakele mulihongo, na kumuhia ikeye manga anue. ⁴⁹ Veze vose vahandekele nguavo, "Musezenu likalieni. Vandamenenu tutale Eliya ngue akuiza nakuvuovola ikeye." ⁵⁰ Yesu atambakanene ceka nalizi lia zingolo na kukumisa muono ueni. ⁵¹ Zangamenu, tanga yamuci kunguluilo yatavukile vihanda vivali kufuma helu na kuheta hetsi, na mavu andundumine, namavue atavukile havali. ⁵² Naviholo via sokolokele, na mivila ya mizimu ya vantu vatsile vasa ngukile. ⁵³ Vafumine muvihilo tsimbu kanda kusanguka, kuingila mumbaka ya kuzuala, nakusoloka kulivavengi. ⁵⁴ Vunoni kapitau navaze vakele nakutala Yesu vamueni ndunduma na viuma viakele nakusoloka, vezile nakuivua vioma nakuhandeka nguavo, "Vusunga ou nakele muana Njambi." ⁵⁵ VAkomona ava vakele naku kavangeya Yesu kufuma ku Ngalileya na kumulema ikeye vakele nakutalela halako. ⁵⁶ Hakati kavo Maliya Mangandalene, Maliya naye ya Tiango na Yose, nanaye nauana vava mala va Sambendeo. ⁵⁷ Mutsimbu yacinguezi kuezile yala mpiti afumine ku Alimateya, lizina lieni Yosefe akele naua ndongesi ya Yesu. ⁵⁸ Ayile kuli Pilato nakuhulisa muvila ua Yesu. Kaha Pilato avasindiyile kuuhana kuli ikeye. ⁵⁹ Yose ambatele muvila, nakuuuzengela hatanga ivuka, ⁶⁰ Nakuukosesa mucihilo ceni catotele muli libue. Kaha asindumuine libue lia kama nakuhaka kumbelo ya cihilo nomu muayile. ⁶¹ Maliya Mangandelene na Maliya mukuavo kuva kele, vatumamene kuyehi na cihilo. ⁶² Litangua likuavo, liakele litangua liakulivukisa, vasasendonte nava Faliseo Vakungulukele hamo na Pilato. ⁶³ Vahandekele nguavo, "Tunanuka ngueni uze mukakulionga kuakele, ahandekele ngueni, Mukahita matangua atatu akasanguka ceka. ⁶⁴ Kufuma haze avasindiyile ngueni cize cihilo kuvanga kucilama nakuheta muti tangua tcamucitatu, ngue cahi vandongesi zieni vanase kuiza nakumuivamo nakuhandeka kuli vantu nguavo nasanguka kufuma muvatsi, 'kalionga cakukuminina cikahambakana cakavanga." ⁶⁵ Pilato ahandekele kuli vakevo, 'Mbata masualale muye nakucilama ngue muuaziva. ⁶⁶ Kaha vayile nakulama , napatekako malolua namasualale.