¹ Omo Yesu ua manesele mezi ano ose, ua handekele na vandongesi, ² "Mu natantekeye omo matangua avali a kahita civana ca pasovala ciheta, kaha va ka hana muana muntu linga va mu sukike ha cilindakano." ³ Amba ni vakuluntu va vasasendote na vakua ku soneka na vakuluntu va vantu valikunguluile ku ndzivo ya Sasendote ua kama, vamu tumbuile kayafase. ⁴ Kaha va lihandekesele ku kuata Yesu muku mukokola linga va mu tsihe. ⁵ Vunoni va handekele, "Kati ha litangua lia ciuano, ku tina vantu va linga luozi." ⁶ Vuno omo Yesu ua kele ku mbetanya mu ndzivo ya Simoni mukua mbumba, ⁷ ocho muakuala Mesa, kuezile mpuevo umo kuli ikeye na mazi a cili mu ntazi ya livue a seho yakama cikumakuma, kaha ua tilile ku mutue ueni. ⁸ Vunoni vandongesi veni omo va ci muene, va tenukile va handekele nguavo,"Vikandzo na a sanduola vamanzilo? ⁹ Nge vana hasa ku landesa na zimbongo zia na ku zi pangela kuli vahutu." ¹⁰ Vunoni Yesu, omo ua citantekeye, ua handekele ku vakevo,"ngueni vikandzo mulina ku yandesela mpuevo ou? Muomu na pange vipanga via cili kuliange. ¹¹ Muomu vahuta muli navo ntsimbu yose, vunoni ange ka muesi nange ntsimbu yose. ¹² Muomu ha tila mazi ku muvila uange, na linge ku nji vuavesa kukutsinda cange. ¹³ Mua vusunga nji kumi leka, kuose vakambulula zimpande zino zia cili hose ha mavu, eci mpuevo uno ua cilingile ku mu vuluka naco. ¹⁴ Umo ua vaze likumi na vavali, lizina lieni yondesa iskaliota, ua ile kuli va kuhuntu va vasasendota ua handekele ngueni, '' ¹⁵ Vika mutava ku nji hia nge nji mihiaye ? '' kaha va mu peseleselele makumi atatu a zimbongo zia palata. ¹⁶ Fume haze va lengeyele vukovelelo vua ku va hiaye. ¹⁷ Vuno ha litangue lia kulivanga lia ciuano ca kulia mbolo ize kayesi na cimbaluila vandongesi vezile kuli Yesu nguavo, '' kulihindzo u na hianga tu ku viukisila linga u lie pasovala ? ¹⁸ Ua handekele, '' Hamenu ku kumbaka kuli uze ngandi kaha mu lekienu, ' mulongesi na hande, '' ntsimbu yanye ilimu hiehi, nji ka lia pasovala ku ndzivo yove komo na vandongesi vange. '''' ¹⁹ Kaha vandongesi va lingile ngue omo Yesu ua valekele, kaha va uayesile pasovala. ²⁰ Vuno omo cinguesi ca hetele, ua tumamene na kulia na vandongesi vaze likimi na vavali. ²¹ Omo vakele na kulia, ua handekele, '' mua vusungu nji ku mileka umo venu akanji enda vungungu. ²² Kaha va vavalele cikumakuma ku mitima, kaha umo na umo ku handeka neni, nguavo muangana yange ni ? ²³ Uakumbulule, '' ou vene na tanta hamo nange mu lilonga ikeye vene a kanji enda vungungu. ²⁴ Muana muntu akuya, ngue omo vamu sonekelele. Vunoni ngongo ya muntu uze enda vungungu muana muntu ! mua viuka nga ikeye kasemukile. '' ²⁵ Yundasa, uze vene ua muenele, '' ngueni yange ni, lambi ? '' ua mu lekele, '' mu u nambe omo vene. '' ²⁶ Kaha omo valile, Yesu ua nonene mbolo, ua i vezikisile, ua i pazuile, kaha ua i hele kuli vandongesi nguene, '' Tambulenu, lienu. eyi muvila uange. '' ²⁷ Kaha ua tambuile nganza ua i santselele, ua i hele kulivakevo ngueni, '' enu vose muenumo. ²⁸ Muomu eyi maninga ange a litavasiano lia liha aku muaniena va venge ku vecela kumilonga yavo. ²⁹ Vunoni nji ku mileka, nguange kanji kanua naua ku vsuka ovu vua viniu, ku vanga ha litangue lize nji ka nua via viha hamo nenu muvuanana vuatata. '' ³⁰ Kaha omo vembile laza muaso, va tuhukile va ile ku muncinda va oliveto. ³¹ Kaha Yesu ua handekele navo, '' enu vose muka lava kumitima omo yange vutsiki vuno. va na soneka, ' nji ka veta kaniungi kaha vampanga va vutanga va kasanduoka: ³² Vunoni omo nji ka sanguka, nji katuma kuhutue luenu ku ngalileya. '' ³³ Kaha petulu va handekele kuli ikeye, '' amba vose vakua muomu yove, ange kanji kaua, '' ³⁴ Yesu va mu lekele, mua vusunga nji ku kuleka, vutsiki vuno vene, ntisimbu ndemba kanda atambeka, ove u kanji viana lutatu. '' ³⁵ Petulu va handekele neni, '' ngueni vutuhu nji mona kutsa hamo nove, ka nji ka ku viana, '' houe ngoco vene va handekele vandongesi vose. ³⁶ Kaha Yesu vezile navo ku citungu ca kutumbula Ngetesemane ua handeke na va ndongesi, '' Tumanenu kuno ntsimbu nji ci ya kuze na ku vundila. '' ³⁷ Kaha ua ile na Petulu na vaze vana vavali va sembendeo kaha ua likonekele na ku pehilila. ³⁸ Kaha ua handekele navo, '' mutuma uange uli na ku vavala, chikumakuma ngue ku tsa vene. salenu hano kaha vungilenu hamo nange. '' ³⁹ Kaha ua suenene kulutue kavundende, ua vulumanene ha mavu kuluholo lueni, ua vundilile. ngueni, '' Tata, nga citava, ngandza eyi ifum kuli ange. vunoni katimo munji na zange, vunoni mu u na zange ove. '' ⁴⁰ Uezile kuli vandongesi veni ua a uanene vali tulo, ua handekele na Petulu, '' ngueni, ka mua hasele ku vingila hamo nange ola imo lika ? ⁴¹ Vingilenu na ku vundila kutina mu kakovela mu ceseko. cimbembesi ci zanga, vunoni vusitu vuna zeye, '' ⁴² Ua ile nava ntsimbu yamucivali ua vundile. ngueni, '' tata, nga ka citava eyi i hita ku vanga nji nua, ci linge cizango cove. '' ⁴³ Uezile nava ua va uanene nava mutulo, meso avo alemene. ⁴⁴ Kaha va sile nava, kaha ua vundilile ntsimbu ya mu citatu, na ku handeka mezi aze vene. ⁴⁵ Yesu uezile kuli vandongesi ua valekele ngueni, '' kaha mu cinakoso tulo vuovuno mu ci huima ? talenu, ola inaheta, kaha va nende vungungu muan muntu ku mavoko a vakua vupi. ⁴⁶ Hindukenu, tatiyenu, talenu, mukua ku nji enda vungungu ali muhiehi. '' ⁴⁷ Kha ua handekele, Yundase, umo ua vaze likumi na vavali, vezile, neni civunga ca kama vafumine kuli vasasendute kamo na kuli vakulunti va vantu, kaha vazile na mikuale na zimbueti. ⁴⁸ Vuno mukua ku enda vungungu na va hele citantekeyeo, ngueni, '' ou vene nji ka mutsemba ikeye uze vene. mu kuatienu '' ⁴⁹ Haze vene uezile kuli Yesu ua handekele, '' hindukenu, lambi ! '' ⁵⁰ kaha ua mu tsembele cikumakuma. Kaha Yesu ua handekele, '' mukuetu, linga cize cunezila, '' va mu salekele Yesu mavoko avo va mu kuatete ⁵¹ Kaha talenu, umo ua vaze va kele na Yesu voluele livoko lieni, ua somuene mukuale ueni, va vetele mukuamanda ua sasendote ua kam, ua mu vatuile lituitui lienu. ⁵² Kaha Yesu ua mulekele , '' somekamo naua mukuale uove mu cikanda cavo,muomu vose va kuata mukuale va ka nonga na mukuale. ⁵³ Chipue ka u singanieka ngecize hano ha lili nji hase ku lambelel tata, kaha aka nji tumisa mikana likumi na ivali ya tungelo ni. ⁵⁴ Amba nga ngoco visoneka vi ka puamo vati, nguavi via pande ku pua mo omo vene ? ⁵⁵ Haola ize Yesu vahandekele na vivungu vize, '' enu muneza kunji kuata ange na mikuale na mikuale na zimbueti ngue mukukuata muizi ni, halitangangue nji tumamene mu tembele naku milongesa, vunoni ka mua nji kuatele. ⁵⁶ Evi viose via lingi ngecize visoneka via vapolofeto vi ka tombola, kaha vandongesi vose va mu sile vatinine. ⁵⁷ Vaze va kuatele Yesu vamu tualele kuli kayafase sasendote ua kama, kuze vakua ku soneka na vakuluntu va na likunguluilile. ⁵⁸ Petulu ua mukavela ku laako na ku citungu ca misipayi ku manusuka caviuma vize. ⁵⁹ Vasasendote va kama na vose vakua mpunga ya vakuluntu va lengeyele vukaleho vua ku vangela navuo Yesu linga vamutsihe. ⁶⁰ Ka va ua nene, cipue vakaleho va vengi vezile vakua ku vangela ngoco, vunoni haku kotokela kuezile vavali. ⁶¹ Va handekele, '' nguave ou ua handekele, nji hase ku sihula tembele ya Njambi kaha nji ka i tunga naua mu matangue atatu. '' ⁶² Kaha sasendote uakama ua katukile ua handekele neni, '' navima viove viu kuaniako viahi ? vatindzo evi viove av vali na kuambulula. ⁶³ Yesu ua holokele kulu. kaha sasendote ua kama ua mulekele ngueni, ange njilisinga kuli Njambi. '' ⁶⁴ Yesu ua mu lekele, ngueni muunambe, nji ku mileka, nguange kulutue mukamona muana muntu a katumama ku livoko lia ngolo, a keza ha maselue a muilu . '' ⁶⁵ Kaha sasendote ua kama ua tavuile vuzalo vueni ua handekele, '' handeke kasauntu ! vika tu lengeya naua vakaleho ? Talenu, munevu ku - sahula ceni. ⁶⁶ Mu na singanieka vati ? '' va kuenieneko nguavo, na pande kutsa. '' ⁶⁷ Va mu zekuilile malendzi ku luholo lueni na ku muveta zinkome, vamo vamu vetele zingusi, ⁶⁸ Nguavo, '' Tuambuluile, ove Kilistu, iya na ku veta ? '' ⁶⁹ Vuno Petulu ua tumamene hambandza mu citungu, ngmba umo muana mpuevo uezile kuli ikeye ngueni, ove naua va kele hamo na Yesu uze mukua Ngalileya. '' ⁷⁰ Ua vianene ku meso avo vose, ngueni, '' kanji vi izi ovio viu na handeka. ⁷¹ Kaha omo ua tuhukile mu ntsenge. mukuavo ua mu muene ua handekele na vaze vakeleko ngueni, ou nava va kele hamo na Yesu mukua Nazateta. ⁷² ''Kaha ua vianene naua na kulisinga, kanji mu izi muntu uze ! '' ⁷³ Omo ntsimbu ya indend i nahitile vaze va nene vuze vezile va handekele na Petulu. mua Vusunga yove u na pu umo vavo, muomu lilima liove lili nakuku solsla. '' ⁷⁴ Kaha ua sangumukile ku kulikunkula na kulisinga, ka njimu izi muntu uze, kaha haze vene ndemba ua tambekele. ⁷⁵ Kaha Petulu ua vulukile lizi lize lia mu lekele Yesu ngueni, Ntsimbu ndemba kanda a tambeke u kanji viana lulatu. '' kaha ua tuhukile kumbandza ua lilile cikumakuma.