¹ Vunoni kutuala muze ha Sapalalo ,haze ha litangua lia ku livanga lia mucimo , Maliya Mandalena na Maliya mukuavo vezile na kutala ku cihilo . ² Zangamenu , kua kele mundenda ua kama cikuma , mouomo kangelo ka Muangana ua sulukile muilu , uezile na kungandumunako livue , na kutumamaho . ³ Cifuo cenica fuile ngue muhiato , navuzalo vueni vua vukile to ngue mema akukonda . ⁴ Vaka kuniunga valizuzukila navoma nakukala ngeva mala va kutsa . ⁵ Kaha kangelo ualekele veze mapueo naku handeka ngueni, "kati muivue vuoma, muomo njina tantekeye muli naku lengeya Yesu, uze vene iva sukikile. ⁶ Kuno uahiko, olondzo nasanguka, ngue muze ahandekele. Tuayenu mumone mucihela omu mula mulangekele. ⁷ Kaha hamenu tusi muka ambulule kuli vandongesi veni, "nguenu na sanguka ku vatsi. Talenu, nakuya kulutue luenu ku Ngalileya. Kuze mukamu mona,' Talenu, nji na mizimbuila." ⁸ Kaha mampuevo va fumine lusi ku cihilona vuoma na ndzolela yakama, va tuntile nakutuala lizi lize kuli vandongesi veni. ⁹ Kaha talenu, Yesu ua uuanene navo ngueni, "Hindukenu!" Kaha muevo uezile uakuatele ku viliato vieni naku mulemesa. ¹⁰ Kaha Yesu ua valekele ngueni, "kati muivue vuoma. Hamenu mu kambulula kuli vana vanana naye ku Ngalileya kuze va kanjimone." ¹¹ Vunoni oku vampuevo vakele na kuya, talenu, vamo vavaze tuniungi vezile muze mumbaka kuleka vakuluntu vava sasendote viuma viose vize vialingikile. ¹² Kaha omo vasasendote va liuanene na vakuluntu na kulikungulula naku lihandekesa ha vuima navakevo, vahanene zimbongo ziazingi kuli masualale ¹³ kaha na kuvaleka kuambulula, "kuvakuavo nguavo, 'vandongesi va Yesu vezile vutsiki naku mupundila ntsimbu tuakele mutulo.' ¹⁴ Kaha nge eci cikaheta kuma tuitui a nguvulu, kaha tuka muzika-zika tumi ohiela." ¹⁵ Ngoco va masualale va tambuile zimbongo na kulinga ngua omo vava longesele, kaha nguavo eyi ya sanelukiele hakati kava Yundeya naku heta ku litangua lialelo. ¹⁶ Vunoni vandongesi vaze likumi na umo vaile ku Ngalileya, kumpili uze Yesu kua venikilile. ¹⁷ Kaha omo vamu muene, vamulemesele, vunoni vamo vakele na kuhuhuasiana. ¹⁸ Yesu uezile kuli vakevo ua valekele ngueni, "Zindzili zose vana njihiezo muilu nahano hamavu. ¹⁹ Ngoco vene hamenu mukalinge vandongesi vamafuti ose. Kava mbuitikenu mulizina lia tata, na lia muana, na lia muzimu uakulela. ²⁰ Kuva longesa kuononoka muviu mavoze vinja misikile. Talenu, yange nji kele nenu matangua ose, naha kukumisa camiaka.