¹ Kaha Yesu, uasulile na mizimu uakulela, ua hulukile kufuma ku ndonga ya Yundau, kaha muzimu uamutualele mumpambo, ² Kavekele matangua makumi auana uko santana uamuesekele.kalile cipue cipmo mumatangua auana, hakukuma cei tsimbu vavuile nandzala, ³ Kaha santana uamulekele ngueni, ''Ngue umuana Njambi, sindiya livue eli lialumuke muka.'' ⁴ Kaha Yesu uamu kuaniene ngueni, vanasoneka, ''muntu kalikayoyela ha muka lika.''' ^{5 7} Kaha santana uakanduisile Yesu nakumulekesa vuasi vifuti viose via hano hamavu. ⁶ Kaha santana ua mulekele ngueni,'' njikukuhia zingolo ziose navumpahu, vuavio, muomu vavihie kuliange kaha ange njinase kuvihia kuli uose injatondo, Ngoco vene ngue ukutava kunjilemesa, evi viose vikapua viove.''' ⁸ KahaYesu ua kuanieneko nakumuleka ngueni, ''Vasoneka,nguavo, ukalemese muangana Njambi yove, ikeye lika ukalemesa.' ⁹ ' Kaha santana ua mutualele Yesu ku Yelusalema, uamumesele ha kasongua ka Tembele, kaha uahandekele neni ngueni, ngue umuana Njambi limbile hamavu kufuma hano. ¹⁰ Muomu vanasoneka nguavo, akasika tungelo tueni mangana vakakuniunge na kukuluila. ¹¹ Kaha vaka kuzundula muilu hamavoko avo, kutina ukasunsuka ciliato cave halivue. ¹² Kaha Yesu mukukuania uamulekele ngueni, vanahandeka nguavo, ''kati uaka mueseke muangana Njambi yove.'' ¹³ Kaha omu muakumisile santana kumueseka Yesu kulisitu, uafumineho nakumuseza kuheta nakutsimbu yeka. ¹⁴ Kaha Yesu ua hilukile ku Ngalileya muzingolo zia muzimu,kaha lutsimo lieni lua tsimanene kucifuti cose cahateleko. ¹⁵ Kaha ualongesele musinangonga viavo, kaha vose vamuzumbangeyele. ¹⁶ Kaha uezile ku Nazaleta, kuze kuvamulelele, kuese kesa nacilika cavo, uengilile musinangoga hali tangua lia sapalo nakukatuka nakutanda mukanda naku tambakana. ¹⁷ Kaha vamunehelelele mukanda ua ka polofeto Isaya. kaha uafukuile mukanda,uauane haze havasoneka, nguavo, ¹⁸ Muzimu ua muangana ali haliange, muomu uanji vuavesele kuambulula zimpande zia cili kuli vahutu, na njitumu kuzimbuila vindzinda kuzituka cavo.nakumuesa meso tupuputa, nakuzitula vaze vava yandesa, ¹⁹ Kuzimbula muaka uakuvezikesa ca muangana.'' ²⁰ Kaha uakonekele mukanda, naku uhiluisa kuvakakulama, kaha uatumamene, meso ose avantu vakele musinangonga amutalele ikeye. ²¹ Aputukile kuhandeka kuli vakevo ngueni, ''Lelo cisoneka cino cinapuisamo kukuivuilila cenu.'' ²² Kaha vose vahandekele via cili hali ekeye, kukomoka mezi angozi a kufuma mukanua keni, kaha vahandekele nguavo, ou kati muana Yesefu ni?'' ²³ Kaha uahanekele kuli vakevo ngueni, ''vusunga vane mukanjileka cisimo cino, ove ivene.viuma viose vituavuile yove ualingile, kuka Penama, vilinga naua kuno kucifuti cove ivene. ²⁴ Kaha uahandekele, ngueni, ''cili njikumileka enu,nguange, kapolofeto naumo uahi ivekutambula muacili mucifuti ceni. ²⁵ Vunoni muavusunga njinakumileka,nguange, muakele vantuliue vavengi mu Iseleli mutsimbu ya Eliya,omo lilu la sokele miaka Itatu nazingonde zitatu naimo nandzala ya kama yakovelele mucifiti cose. ²⁶ Olondzo Eliya kavamutumine kuli umo vakevo, olondzo kuli kaha Salepeta kucifuti ca Sindoni, kuli ntuliue uakala kuze. ²⁷ Kaha kuakele vaka mbumba vavengi mu Isaleli mutsimbu ya kapolofeto, Eliya, olondzo naumo uahi uakangukile hili vakevo Namani muka siliya.'' ²⁸ Kaha vose vakele musinangonga, vasulile navutenu, omu muva vuile evi. ²⁹ Kaha vakatukile, vamusekuile kuimbo liavo,vamutualele helu liamuncinda haze hava tungilile limbo liavo, linga vaka mumbile mucingelengenia. ³⁰ Vunoni uahitile hakati kavo nakuya kuntunda yeka. ³¹ Kaha uasikumukile kukapenama mulimbo lia Ngalileya, ³² kaha uaputukile kuvalongesa via litangua lia sapalo. Kaha ualikomokelele hakutangesa ceni, muomu uahandekele navumpuhu. ³³ Kaha mu sinangonga muakele muntu umo uakele nacimbembesi cavu mdemone uakuzuala, ualilile nalizi lia kutakama, ³⁴ Nngueni kaha vika vituatela kulinga nove,Yesu uaku Nazaleta? uneza naku tuenieka ni? njikuntantekeya, yove uze mukakulela umo ua njavi!'' ³⁵ Kaha Yesu uantantekeye uze ndemone, ngueni, ''uhandeke! fuma muli ikeye. kaha umo ndemone ualimbilile hamavu mukati kavo, nandemone ua fumine, kaha kamuvavalesele cipue hamo hahi. ³⁶ Kaha vantu vose vali komokelele, valihandekesele umo mukuovo nguavo,'' ³⁷ Mezi akuavo aua? ansika.''vimbembesi viaku zuala navumpahu na zingolo na vimbembesi via kuzuala vinafumu.''' ³⁸ Kaha lutsimo lueni luasanduokele, kuvihela viose kucifuti ca kuihata. ³⁹ Kaha Yesu uasile sinangonga na kungila mundzivo ya Simone. kaha nemueno ya Simone uavalekele masikasika akama, vakamulembeleleko muvezi.Kaha Yesu uamene hali muvezi nakuvindika masikasika, na masikasika amuecele .haze vene ua hindukile nakuputu kakuva pangela. ⁴⁰ Kaha omuo litangua lia putukile kulahuka, vantu vavanehele kuli Yesu vose vakele navuvezi vuakuli handununa. kaha uavasalekele vose mavoko eni, uava kanguile. ⁴¹ Vandemone naua vatuhukile muvavengi, valilile nakutambakana nguavo, '''Ove muana Njambi.'' Yesu uavindikile vandemone nakuvakanesa kuhandeka, muomu vamu ntantekeyele ngecize ikeye kilisitu. ⁴² Kaha omo litangua liacele uatuhukile nakuya kumpambo kaha vunga vuamulengeleye, nakuya kuakele.vasekele kumukanesa kati afume kuli vakevo nakuvaseza. ⁴³ Vunoni uavalekele ngueni, njatela kutangesa zimpande zia cili ha vuangana vua Njambi kumembo akuavo naua. muomu cikeko njivanjitumine. ⁴⁴ Kaha ua tualeleleho nakutangesa musinangonga kuhitila mu Ngalileya yose.