¹ Vuno cakele oku vantu va vivunga vamuzingulukile Yesu nakuivuilila lizi lia Njambi, uamene kusali ca Ngenezaleta. ² Ua muene mato avali vana kua sindika kutsongo ya cisali. Mukakuta vatsi nai laza navo kaha vakele na kukusa mozi avo. ³ Yesu uengilile muvuoto, vua va Simone kaha uamu vundilile asunuke kavundende nantunda. kaha uatumamene naku longesa vantu kufuma muvuato. ⁴ Kaha omo mua manusuile kuhandeka, ua handekele na Simone, ''Tualenu vuato kumema alovo kaha tenu manda enu.'' ⁵ Simone uamukuaniene kaha nakuhandeka ngueni, ''Mukuluntu, tuapange vutsiki vuose, kaha katuakuatele amba umo uahi, vunoni ha lizi liove, njikuta manda.'' ⁶ Kaha omu muva lingile vakumisa, vala vuile vatsi vavenge cikuma, kaha manda ata vukile. ⁷ Kaha vakulovuele vakuavo vakele muvuato vukuavo mangana veze naku vakuasako vakeko. Vezile kaha vasulisile mato ose avali, kaha mato aputukile kuvomba. ⁸ Vunoni Simone Petulu, omu muaci muene uatsikemene kumavuli, a Yesu' nakuhandeka ngueni, ''Fuma kuliange, muomu Ange njimuntu mukavupi, Muangana.'' ⁹ Muomu ikeye uali komokelele, kaha navose vaze vakele naikeye, haku kuata vatsi vava na lavula. ¹⁰ Aha kuhakelako Tiango na Yoano, muana Zembendeo, vaka kulinga hamo na Simone. Yesu uahandekele na Simone ngueni, ''Kati uivue vuama, kufuma hano uku kuata vantu.'' ¹¹ Kaha muva tualele mato avo hantunda, vasile vuose na kumukava ikeye. ¹² Cezile nakukala ngecize oku ali kumbaka ya kama, yala uasulile na mbumba uakeleko. Kaha muamuene Yesu, ua uile kuloholo lueni uamu lambelele ikeye ngueni, ''Muangana, ngue uazange, unase kunji vukisa ange.'' ¹³ Kaha Yesu muahetele ua salekele uoluele livoko lieni na nakumukuata ikeye, ngueni, ''Ange njazange. Vuka.'' Ahaze vene mbumba ya fumine. ¹⁴ Yesu uamulekele kati alekeko amba umo vunoni uamulekele ikeye, ''Homoye munjila yove ukali muese kuli va sasendote ukali kombeleye kuvuka cove, kuesekesesa nakusika ca Masesa, vukeko vukaleho kuli vakeko.'' ¹⁵ Vunoni lutsimo lueni luahianene cikuma ku tsimana cipue kuli tata, kaha vivunga via vantu vezile hamo nakuivuilila ikeye longesi na kukanguisa mavezi avo. ¹⁶ Vunoni ua ile mumpambo naku vundila. ¹⁷ Cezile nakukala hali limo liaze matangua uakele naku longesa, kaha kuakele va Filiseo nava kaku longesa vatumamene havituamo vaze vafumine kumembo a Ngalileya na Yuneya na kufuma ku Yelusalema. zindzili zia Muangana ziakele muli ikeye zia kukanguisa. ¹⁸ Kaha vantu vamo vezile vambatele muntu hacisalo ou akele citondi, kaha vakele nakutonda njila yaku muingisilamo mukati mangana vamu kosese kulutue lua Yesu. ¹⁹ Vahonene ku uana njila yaku muingisa mukati muomu ya livunga, vunoni vaile helu naku ndzivo ya helu kaha vacele uze muntu hamavu kuhitila ha muteya, hacisalo ceni, mukati kati kavantu, kumeso a Yesu. ²⁰ Kumona kutsiliela cavo, Yesu uahandekele ngueni, ''Muntu, vupi vuenu vamikonekela.'' ²¹ Vakakusoneka kaha nava Faliseo vaputukile kuhulisa evi, kuhandeka nguavo, ''Iya ou ana kuhandeka via kuyongola? Iya nase kukonekela vupi kuvanga Njambi kaha likalieni?'' ²² Vunoni Yesu, uantantekeyele visinganieka viavo, uavakuaniene kaha naku handeka kuli vakeko ngueni, ''Vika unakutuhulisila cihula eci mumu tima uove? ²³ Cika cacasi kuhandeka, 'Vipi vuove vakukpnekela' cipue kuhandeka 'Katuka uende'? ²⁴ Vunoni muku ntantekeya nguenu Muana Muntu ali nazindzili ha mavu zia kukonekela vupi,'' - ua handekele kuli muntu ua kalepa - Ange njikukuleka nguange, katuka, mbata cisalo cove hamoye kundzivo yove.'' ²⁵ Hahazi vene ua hindukile kulutue luavo kaha uanonene cisalo civa mukoseseleho. Kaha ua ile kundzivo yeni, naku sangaziala Njambi. ²⁶ Kaha vose vakomokele kaha va sangazialele Njambi. Vasulile na vuoma, nakuhandeka nguvo. ''Tuamono viuma via vu ngendzi lelo.'' ²⁷ Hanima yevi viuma vialingikile, Yesu uatuhukile kufuma muze kaha uamuene mukaku tambula milambu lizina lieni ikeye Levi uatumamene haku tambuila milambu. Ua handekele kuli ikeye ngueni, ''Njikave ange.'' ²⁸ Kaha Levi uakatukile na kumukava ikeye, nakuzeza viose kunima. ²⁹ Kaha Levi uamu zumbuile lizumbu mu ndzivo yeni na Yesu. Muakele vakaku tambula milambu vavengi na vantu veka vatumamene kukulia navo. ³⁰ Vunoni va Faliseo nava kaku soneka vavo vaniengetelele kuli vandongisi zieni, nakuhandeka, nguavo, ''Vika unakulila nakunua hamo nava vakaku tambula milambu navaka vupi?'' ³¹ Yesu uava kuaniene vakeko ngueni, ''Vantu vali muacili kaveku tonda cimbanda; kuvanga kaha vaze vali navuvezi. ³² Ange kanjezile nakusana vololoke cahi, vunoni vaka vupi mangana valumuke.'' ³³ Vhandekele kuli ikeye nguavo, ''Vandongesi va Yoano vekuli kela kulia zitsimbu zia zingi, kaha vandongisi vava Faliseo vekulinga mumolika. Vunoni vandongesi vove vakulia na kunua.'' ³⁴ Yesu uahandekele kuli vakeko ngueni, ''Vati mukuasa kuzilika kulia vaku vulo tsimbu ivene vulo acili navo vakeko? ³⁵ Vunoni matangua akaheta evene vulo vaka mufumisa kuli vakeko, kaha muli aze matangua vaka likela kulia.'' ³⁶ Kaha Yesu naua uahandekele cisimo kuli vakeko. ''Noumo uahi akutavula citopeko kuvu zalo vua vuha naku cihaka kuvuzalo vua laza. Ngue akulinga omu, akutavula vu zalo vua vuha, kaha cihanda cakufuma kuvuzalo vua vuha kavukuasa kuheta muvuzalo vua laza. ³⁷ Naumo uahi akuhaka viniu munjeke ya laza. Ngue akucilinga, kaha viniu ya hiha ikutuva zinjeke, kaha viniu vaku imuania, kaha zinjeke vaku zienieka. ³⁸ Vunoni viniu ya yiha vatela kuhaka munjeke intontola. ³⁹ Naumo hanima ya kunua viniu yalaza akutonda ya yiha, muomu nahandeke ngueni, 'Yalaza ya cili.'''