¹ Mu muaka ua likumi na itanu uakusika ca Timbeliu Sezela - oku Pontiu Pilato uakele nguvulu ua ku Yundeya, Helonde mukuluntu ua Ngaliyeya, na ndumbueni Filipu mukuluntu ua kucifiti ca Ituleya na Talakoniti, na Lisania mukuluntu uaku Ambilina, ² hatsimbi vasasendote vakama va Anase na Kayafase - lizi lia Njambi liezile kuli Yoano muana Zakaliya mumpambo. ³ Ua ile mu cifuti cakuli hata na Yondau, kuambulula kumbatiza ca kualumuka na kulikonekela vupi. ⁴ Ngue omu muva soneka mu mukanda ua meze a kapolofeto Isaya, ''Lizi liamu kakutambeka mu mpambo, 'Viukisenu njila ya Muangana, sungamesenu njila yeni. ⁵ Vimbongo viose vaka visikila, kaha mincinda na milundu yose vaka isalameka, navize via vika sungamesa, kaha zinjila zia lunduoka zika salama, ⁶ kaha ntsitu yose ikamona vuovole vua Njambi." ⁷ Kaha Yoano uahandekele kuli vivunga vakele nakuiza naku va mbatiza kuli ikeye, ''Enu mbuto yama mbuambua! iyandzo nami nangula kutina vutenu vuze vuna kuiza? ⁸ Ngoco, emenu mihako ize apande mutima uakualumuka, kaha kati muputke kuhandeka mulienu vavene, 'Tuli na Avilihama Tatetu,' muomu Ange njikumileka nguange Njambi nase kusangula vana va Avilahama kufuma kumavue. ⁹ Cipue vuavuno njimbu vana isaleka helu lia miti. Ngecize amba muti uze kauekuima mihoko yacili vakaupakula naku umbila mutuhia.'' ¹⁰ Kaha vivunga vamuhuile ikeye, nakuamba nguavo, ''Vika vunoni vitukulinga?'' ¹¹ Uava kuaniene nakuhandeka ngueni, ''Ngue muntu ali navuzalo vuvali, atela kuhiako mukuavo uze kesi naco, kaha uze ali na via kulia atela kulinga mumolika.'' ¹² Kuezile muka kutambula milambu mangana ava mbatize, kaha vahandekele kuli ikeye nguavo, ''Longesi, tuatela kulinga vati?'' ¹³ Uahandekele kuli vakeko ngueni, ''Kati mukatambule zimbongo zia zingi kuhambakana muvakuleka kutambula.'' ¹⁴ Masualale vamo naua vamuhuile ikeye nakuhandeka nguavo, ''Amba etu? Tuatela kulinga vati?'' Uahandekele nava keko ngueni, ''Kati mukambate zimbongo kufuma kuli muntu uose mukusindiya, kaha mukavangele nkala muntu muamupi. viukililenu na fueto yenu.'' ¹⁵ Kaha omu vantu vakele naku lavelela vose vasinganiekele kuiza ca Kilisitu, vose vali komokelele mumitima yavo kutalesa hali Yoano, hasi naua ikeye Kilisitu. ¹⁶ Yoano uavakuaniene nakuhandeka kuli vose ngueni, ''Ngue yange, Njami mbatiza mu mema, vunoni umo ana kuiza uze ali na zindzili kuhambakana Ange, kaha Ange katelele cipue kuzitula mukole ua zinkandu. Akami mbatiza mu muzumu uakulela na tuhia. ¹⁷ Lisehua lieni lili mulivako lieni mukupekula nalio muacili haci zonguilo ceni kaha hamolika namu kuhunguila tiliku mucisete ceni. Vunoni muzungu vaka utsimika na tahia kava kasa kuuzima.'' ¹⁸ Muzinjila zia zingi muakufua ngue eyi, Yoano uambulule muzimbu kuli vantu. ¹⁹ Kaha Helonde uamuhandekele Holondiya mpuevo ya ndumbueni na vikuavo viuma via vipi via lingile Helonde, ²⁰ Uavuezeleleko eci naua, uamu sokele Yoano mukamenga. ²¹ Vuno cakele ngecize, hatsimbu iva mbatizile vantu vose, Yesu naua vamu mbatizile, kaha umo muakele nakuvundila, melu asokolokele, ²² kaha muzimu uakulela uasulukile hali ikeye mu muvila ua kufua ngue livembe, kaha lizi lia fumine muilu, ''Ove yove muanange, uze Ange injalema. Ange nja suuluka nave.'' ²³ Kaha Yesu uaputukile kulongesa, te ali na miaka mukumi atatu. Akele muana (ngue muva singaniekele) Yosefe, muana Heli, ²⁴ muana Matata, muana Levi, muana Meleki, muana Yane, muana Yosefe. ²⁵ Yosefe uakele muana ka Matatiya, muana Amose, ka Nahume, muana Eseli, muana Nange, ²⁶ muana Mahate,muana Matatiya, muana Semeyi, muana Yoseke, muana Yonda. ²⁷ Yonda muana Yoana muana Lesa, muana Zolombambele, muana Salatiele, muana Neli, ²⁸ muana Meleki, muana Andi, muana muana kosame, muana Elemandame, muana Eli, ²⁹ muana Joshiua, muana Eliezele, muana Yolime, muana Matata, muana Levi. ³⁰ Levi nuana Simione, muana Yunda, muana Yosefe, muana Yoname, muana Eliakimi, ³¹ muana Meleya, muana Mena, muana Matata, muana Ndaviti, ³² muana Njesi, muana Ovende, muana Mbose, muana Salemone, muana Nasone. ³³ Nasone muana Aminandave, muana Alame, muana Hezeloni, muana Felesi, muana Yunda, ³⁴ muana Yakomba, muana Isake, muana Avilahama, muana Tela, muana Nahole. muana Salunge, ³⁵ muana Langau, muana Felenge, muana Evele, muana Sale. ³⁶ Sale muana Kainane, muana Alefakesande, muana Seme, muana Nao, muana Lameki, ³⁷ muana Matusale, muana Enoke, muana Yalende, muana Malalele, muana Kainane, ³⁸ muana Enose, muana Sete, muana Andama, muana Njambi.