¹ Yesu uahandekele nava ndongesi zieni ngueni, ''Kukala cuma cimo cikatulingisa etu kuvulumunaa, vunoni cekela kuli uze muntu kuhitila muli vaze vakuize! ² Cikakala muacili kuli ikeye ngue livue vali hakele mutsingo yeni na kumumbila mu cisali kuhambakana cize cikanehese ava vavandende kusuntsuka. ³ Litalenu enu vavene. ngue muanoko ana kuvulumuna, mutenukile, kaha ngue nalumuka, mukonekele. ⁴ Ngue aku vulumuna haliove cipue katanu na katatu halitangua, na katanu nakatatu kuhiluka kuliove, akuhandende ngueni, ''Ange njinalumuka,' uatela kumukonekela!'' ⁵ Kaha kaposotolo uahandekele na Muangana ngueni, ''Tuvuezeleleko kutsiliela cetu.'' ⁶ Muangana uahandekele ngueni, ''Ngue muakele nakutsiliela ngue mbuto ivane, menga muku handeke eci nguenu tukuka litombeke muti, 'Vautukulemo, na kuutombeka mu cisali,' kaha uku miononokela enu. ⁷ Vunoni hakati kenu, iyandzo ali na mukamanda cipue muka kuniunga vampanga, akuhandeka kuli ikeye muali kuhiluka kufuma kumehia,' Tuaya vuasi utumame kukulia'? ⁸ Akahandeka kuli ikeye ngueni, 'Njiviukisileko vimo via kulia, kaha kuta muiva kuzingulula vuzalo vuove na kunjovola ange naho Ange hanjikukumisila kulia na kunua. Kufumaho amba ove ulie na kunua'? ⁹ Kekutsantsela vangamba muomu ualingile viuma vize viva sikile, uekulinga ni? ¹⁰ Nenu naua ngecize vene, omu mu mualingi viuma viose viva misikile, muatela kuhandeka ngueni, 'Tuva ngamba va ngoco. Tualingi muvatu lekele kulinga.'' ¹¹ kaha cakele ngecize omu muva kele munjila yakuya ku Yelusalema, ¹² Uahitila mukati Samaliya na Ngalileya. Kaka muengilile mu limbo, ualiuaene nava mala likumi vaka mbumba. vamene halako neni ¹³ kaha vatambakanene na mezi, nakuhandeka nguavo, ''Yesu, Mukutu, tuvuile ngozi etu.'' ¹⁴ Omu muavamuene vakeko, ua handekele kuli vakeko ngueni, ''Hamenu mukalisoluese enu vavene kuli vasasendote.'' Omu muvaile vava vukisile. ¹⁵ Kaha omu hakati kavo uamuene ngueni vamu kangula, ualumukile nakuhiluka, nalizi lia helu naku zumbangeya Njambi. ¹⁶ Uatsikamene kuvi liato' via Yesu, nakumu tsantsela ikeye. Uakele ka Samiliya ¹⁷ Kaha Yesu ua handekele ngueni, ''Kava kangukile vose likumi? ¹⁸ Ni vakuavo vatanu nava uana vali kuli? Navamo vahi vanahiluka na kuzumbangeya Njambi, kufumisako va ngendzi?'' ¹⁹ Ua handekele kuli vakeko ngueni, ''Katuka, hamoye. lutsilielo luove lua kuyoyesa.'' ²⁰ Hakuhulisa kuli vamo Kafaliseo nguavo ni vuangana vua Njambi vukeza tangua lika, Yesu uavakuaniene vakeko nakuhandeka ngueni, ''Vuangana vua Njambi kavukeza ngecize kuvumona na meso. ²¹ Cipue kava kahandeke nguavo, 'Talenu, ovu vuliaha!' cipue, 'Vuze vuli haze!' Kumona, vuangana vua Njambi mukati kenu.'' ²² Uahandekele nava ndongesi zieni ngueni, '' Litangua lina kuiza limu zanga kumona tangua lia Muana muntu, vunoni kamukali mona. ²³ Vaka kahandeka kulienu, 'Talenu, kuze! Talenu, hano!' Vunoni kati muye kueka cipue kuli vakeko, ²⁴ Muomu ngue muhiato uku hiatuka kufuma kumtamba umo ua lilu ceka nakumu tamba ukuavo ua lilu, mukeko mualikafua na Muana Muntu muli tangua lieni. ²⁵ Vunoni hakatete uatela kuyanda muviuma viavingi na viana miaka yeni. ²⁶ Ngue mucasolokele muma tangua a Noa, ngecize naua muci kakala mumatangua a Muana muntu. ²⁷ Valile, vanuine, vambatele, kaha va sombuesele nakuheta kuli tangua lia Noa kukovela muvuato - kaha livazi liezile nakuenieka vose. ²⁸ Ngecize naua, mucasolokele muma tangua a Lote - vakele nakulia na kunua, kulanda naku landesa, kutumba na kutunga. ²⁹ Vunoni muli tangua lia Lote uafumine mu Sondoma kuanokele tuhia na fofo via kufuma muilu via vanongesele vose. ³⁰ Ngecize vene mucikakala hali tangua lia Muana Muntu akasoloka. ³¹ Muli litangua lize uze ali helu liandzivo akasuluka na kumbata viuma viene mundzivo, kaha kati mukece uze ali mulihia akahilke. ³² Anukenu mpuevo ya Lote. ³³ Uose aka tonda muono ueni a kauzimbalesa, uose a kazimbalesa muono veni aka u uana. ³⁴ Njikumileka, muvutsiki vuze kukakala vantu vavali ha muhela. Umo vakamumbata, kaha mukuavo vaka museza. ³⁵ Kukakala va mpuevo vavali kucini na kutua hamo. Umo vakamumbata kaha mukuavo vaka museza.'' ³⁶ Vamala vavali vakakala kuihia umo vakaya nine umo vaka museza. ³⁷ Vamu hulisile ikeye, ''Kuliko, Muangana?'' Uahandekele kuli vakeko, ''Kuze kakuesi muntu, kukakala makuvi vakakunguluka hamo kuze kuli civimbi,''