¹ Yesu uahandekele naua kuli vandongesi zieni ngueni , ''kuakela mpiti umo uakele namu kakupangela, kaha vamuambuluile uze vene ngavo uakele naku snduola vupite vieni. ² Vamusanene kuli ikeye uze mpiti yeni, vika evi vinjinevu kuliove? kantantekeyo kavipangi vuove, muomuo kaukahasa vaua kunjipangela .' ³ Kaha uze mukakumupangela ali yonguele namutina ueni ngueni, ' kaha njikulinga vati,omu muangana uanga akanjisekula kuvipangi vieni? zindzili zia kulima, kaha ange njili natsoni yakulambelela. ⁴ Njantantekeya munjatela kulinga,mangana ngue vanjifumisa muvipangi, vantu vakanjitambuila muzindzivo ziavo.' ⁵ Kaha uze mukakupanga ua sanene vaka mikuli vamuanga ueni vose, kaha uahandekele nauze uakatete ngueni,' Ove uli namikuli ingahi kuli mukuluntu uange?' ⁶ ''Kaha uandekele ngueni, yose cihita ca zintsizi zia kama zia.' '' Kaha ua mulekele ngueni, 'mbata mukanda uove, tumama vuasi, usoneke makumi atanu,' ⁷ ''Kaha uze mukakupangela uahandekele kuli mukuavo ngueni, 'Nove uli namukuli uange cingahi?' ''Kaha uandekele ngueni cihita ca vungululu via tiliku.'Uahandekele ngueni, 'Uaha mukanda uove, usoneke makumi atanu na atatu,' ⁸ Kaha muanga ueni uasangaziekele uze muka kupangela uakuhona vuololoke muomu vana vaha mavu ku tsimbu yavo vana hiana ceke na mangana. ⁹ Nange njikuhandeka kuliove, likuatenu vusepa enu vavene kulumbununa kuhona vupite vua vuololoke mangana ngueni vunai, vakamisambelele munganda ya muono. ¹⁰ Ou akatsiliela mukacuma kakandende ikeye akatsiliela naua akatsiliela na muvuima viakama, kaha uze naua akahona naua vuololoke muviavindende kaha naua akahona vuololoke muviakama. ¹¹ Ngue kauesi mu lutsilielo kuzatesa vupite viakuhona vuololoke. iya akumitsiliela mu vupite vua vusunga? ¹² Kaha ngue kamuesi mulutsilielo kuzatesa vitenga viavantu veka, iya akamihia zimbongo zienu? ¹³ Kakuesi ngamba akuzatela miangana vavali, amba tuhu nazindiho umo kaha nazangeho mukuavo, kamukahasa kupangela Njambi na vupite.'' ¹⁴ Kaha uahandelele ngueni, ''vakevo vakele vilemo va zimbongo, omu vavuile evi viose, vamumuene uangoco ngoco. ¹⁵ Uahandekele kuli vakeko ngueni, '''Enu muekulisambesa enu vavene kumeso avantu, vunoni Njambi aziva mitima yenu. Ize yakulemesa mukati kavantu cikeko cacipi cukuma kumeso a Njambi. ¹⁶ Lusimbi na tupolofeto akele nakuheta kuli Yoano.kufuma hatsimbu ize,muzimbu uacili ua vuangana vua Njambi vavu tangesele,kaha vose vesele kulisindiya munjila yeka. ¹⁷ Vunoni cacasi lilu na mavu kuhita kuhambakana ponta yamukanda ua lusimbi kukala uaukalu. ¹⁸ Vose uze akalukulula mpueyeni na kumbata ueka nalingi vupangala, kaha uose uze akambata mpuevo uze ivanalukulula kuli yalieni nalingi vupangala. ¹⁹ ''Vunoni kuakale yala umo mpiti uazalele ntanga yitila na yacili kaha uavuikililile matangua ose muvupite vieni. ²⁰ Umosi cihutu lizina lieni Lazalu uakosele kumbelo yacipato,akele nazimbandu, ²¹ Kaha ua tondele kuingila nakulia vize via kele nakulahuka kutevulu yauze mpiti .Natulali vakele nakuliasa hazimbandu zieni. ²² Kaha cakele ngecize uze cihutu ua tsile kaha tungelo vamutualele kuntulo ya Avilahama.kaha mpiti naua uatsile kaha vatsindeke. ²³ Kaha mu cina, nakuputuka kayanda, uanduile meso eni kaha hikumona Avilahama halako na Lazalu kuhiehi. ²⁴ Kaha uatambakanene nakuhandeka ngueni, 'Tata Avilahama, njivuileko ngozi ange kaha tuma Lazalu, ngana ambuitike munue ueni mumema mangana antontuese ahalilimi liange, Ange njili mukayando cikuma.' ²⁵ ''Vunoni Avilahama uahandekele ngueni, 'Ove muanange, anuka mutsimbu yakuyoya cove ua tambuile viuma viove via cili, Kaha Lazalu viuma viavu ndemoni.Vunoni napu ua kuvendezieka kuno, kaha ove uli mukuyanda. ²⁶ kaha kakuesi viose, hakati ketu nove vanahakeho cimbongo cakama, mangana vose vatonda kuzavuka nakuiza kuno kavakuasa, kaha naumo uahi akuhasa kuzavuka kuiza kuno kulietu.' ²⁷ ''kaha mpiti uahandekele ngueni. 'Njakulambelela ove, Tata Avilahama, nguange mutume kundzivo ya Tata- ²⁸ Muomu njili na vamuanetu vatanu vava mala- mangana avaleke vakavo, mangana kati vakeze kuno kucihela cakuyanda.' ²⁹ ''Vunoni Avilahama uahandekele ngueni,Vali na Moses natu polofeto,' vece mangana vaka vevuilile vakeko.' ³⁰ '' Uze mpiti uakuanyeneko ngueni , 'kati, Tata Avilahama, vunoni ngue umo akuya kuli vakevo ua kutsi vakualumuka.' ³¹ ''Vunoni Avilahama uahandekele kuli yikeye ngueni,' ngue kavakevuilila Mosesa na tupolofeto, kavatava ngue nasanguka kavatsi.'''