¹ KAha ua handekele mu cisimo kuli va kevo omu mu vatela ntsimbu yose vatela kuvu ndila na kuhona ku hiluka munima, ² ngueni, "Mumbonge imo muakele lihako ou ka kutina Njambi kaha naua ka ku singimika vantu. ³ Vunoni mua kele ntuliue muze mu mbonge, kaha uezile kuli ikeye ntsimbu yose, ngueni, 'Nji kuase ange unji kule ku vitozi vange.' ⁴ Yakama ntsimbi katavele ku mu kuasa, vunoni omo kanda a handeka kuli ivene, Çipue yange kanji kutina Njambi cipue kutina muntu, ⁵ muomu ou ntu liue ua nji muesele vukalu, a nge nji ku mukuasa kuku mbata kuku mukula, muomu kutina aka nji katiesa ku kuiza eni.'" ⁶ Kaha muangana ngueni, Ëvuililenu kuli ngazi uavahenga ngueni. ⁷ Vunoni kati Njambi naua aka neha ngazi kuku sakula vaze vamo vaze vana kulila na fumako kuli ikeye mutana na vutsiki? Vunoni ua va simbuisile cikuma muli va kevo? ⁸ Nja handeka kuliove nguange aka neha ngazi kuli vakevo viasi. Vunoni, omo muana muntu a keza, aka uana lutsilielo muli lifuti?" ⁹ Kaha naua ua handekele eci cisimo ci keza kuli vamo vatsiliela muli va vene ngue va kevo kua kulela na ku sandiola va vantu, ¹⁰ "Vavali va mala vaile helu mu tembele naku vundila umo ikeye ka Faliseo kaha mukua ikeye mu kua kutambula milambu. ¹¹ Kaha ka Faliseo ua mene na kuvindila evi viuma muli ivene, 'Njambi, nja ku sansela kanja puile ngue veka vantu vihianga, vantu va kakupuisa, vaku vupangala- cipue ngue ou mukakukonga milambu. ¹² Nje ku likela luvali ku calumingo na calumingo njeku uana camu likumi kuli evi vinje ku kuata.' ¹³ Vunoni mukaku tambula milambu, ua mene ha lako, kaha sele kuandula mesueni kuilu, vuno ni ua livetele ha ntulo, ngueni "Njambi, nji vuileko cikeketima nge, ange nji muka vupi.' ¹⁴ Nji kumileka enu, ou yala nayi kunima hamavu ku ndzivo yeni vana muecela ku vupi vakuavo ni cahi. Muomu uose aka lihaka kuvukama ivene vaka mukehesa, vunoni uose aka likehesa ivene vaka mukamesa." ¹⁵ Vantu vakele na kuneha kuli ikeye vani ke mangana ava kuate, vunoni omo va ndongesi va muene, va vavindikile. ¹⁶ Vunoni Yesu ua va sanene veze kuli ikeye, ngueni, "Tavesenu vanike vavandende veze kuliange, kaha kati mu va vindikike. Muomu vuangana vua Njambi vunapu vuavo. ¹⁷ Vusunga nji kumileka enu, uose kali ku tambula vuangana vua Njambi apue ngue muana uamu ndende mpundu kali kengilamo." ¹⁸ Muka kuyula ua mu huile, ngueni, "Mulongesi uacili, nji kalinga vati nji ka suane mumuono ua kuhona ku hua?" ¹⁹ Yesu ua mukuanyene, "Vika una nji sanena ange vu viuke? Naumo ua cili uahi, kuvanga Njambi lika. ²⁰ Una ziva zisimbi kati ulinge vupangala, kati ntsihe, kati uive, kati uvangele, singimika iso na noko." ²¹ Muka kuyula ngueni, Ëvi viuma viose nji na visi ngimika muntsimbu inja kele nji mu kuendze." ²² Vunoni omo Yesu ua civuile ngecize, ua handekele muli ikeye, "Cimo cuma cimekavesi naco. Uatela kuka ndesa viose viuli navio naku pangela kuvi hutu, ambani una vitu likala muilu tuaya, nji kave ange." ²³ Vunoni omo mukayula nevu evi viuma, uaile na cinyengo, muomu ua pitile cikuma. ²⁴ Vunoni Yesu, ua mumuene na cinyengo mukutana cavisoneka via Ngiliki vili na zindonda: Mu kuiza cinyengo vunoni visoneka via va Ngiliki ka muesi ezi zindonda ngueni, "Kukaluua muka civalina va ka pita ku kengila mu vuangana via Njambi! ²⁵ Ca casi ngamela ku ya na seluka mu liso lia ndongo, kuhiana mpiti ku kengila mu via ngana vua Njambi." ²⁶ Vaze va vuile vahandekele, "Vunoni iya akovoka?" ²⁷ Yesu ua kuanyene, "Viuma evi vina kaluua ku vantu vinapu viaviasi kuli Njambi." ²⁸ Petulu ngueni, "Caviuka, tuna seza viuma viose evi vituli na vio na ku kukava ove." ²⁹ Yese naua ngueni kuli vakevo, "Vusunga, nji handeka kulienu nguange na umo uahi naseza ndzivo, cipue mpuevo, ndumbweni cipue visemi, cipue vana, kue sekesa na vuangana vua Njambi, ³⁰ Ou kali katambula via vingi muli ino ntsimbu, na miaka ikeza, mu muono ua yaye. ³¹ "Hanima ya kungulula vaze likumi na va vali kuli ikeye, ua handekele kuli vakevo, "Talenu, tuli na kuya naku heta ku Yelusalema, na viuma viose viva sonekele kuli tupolofueto via muana muntu va vilinge. ³² Muomu vaka muhana kuli vakua vifuti, va kamu veta makote na kumu zekuila. ³³ Omo vana muveta, kaha vana mutnsihi, kaha ha litangua lia citatu akasa nguka naua." ³⁴ Ka vavuile na cimocahi ha viuma evi, kaha aua mezi va asuekelele muli vakevo, kaha ka vevuisisile viuma evi viva mbele. ³⁵ Cakele muze, omu Yesu ua hetele mu Yeliko, omusi ka puputua ua yala ua tumamene ku njila ua ku vundila, ³⁶ na kuevilila civunga cina kuhita hahiehi, ua huile vika vina kusoloko. ³⁷ Vamu lekele nguavo Yesu ua ku Nazeleta ana hita. ³⁸ Vunoni kapuputa ua yala ua lilile cikuma, ngueni, "Yesu, muana Ndaviti, njivuile nkeke ange." ³⁹ Kaha vamo vakuenda halutue vamu kandele kapuputua ua yala, vamu lekele nguavo holoka. Vunoni ua lilile cikuma, "Muana nNdaviti, njivuile nkeke." ⁴⁰ Yesu uamene hamo naku muamba uze ikeye yala iva neha kuli ikeye. Vuno omu kapuputa ua yala ua kele mu hiehi, Yesu ua muhuile, ⁴¹ "Vika una kutonda ange nji kuli ngile?"Kaha ngueni, "Muangana, nji nakutonda nji mone." ⁴² Yesu uahandekele kuli ikeye, "Tambula kumona cove. Lutsilielo luove luna umakukangula ove." ⁴³ Vuasi vuasi ua tambuile kumuna kaha ua mu ka vangeyele, na ku sanziala Njambi. Vose vantu, omo va muene eci, vahanene ku sangaziala kuli Njambi.