¹ kaha hali eze ntsimbu, vantu vamo vamulekele hali vangalileya vaze maninga avo va Pilato vaua futuile hamo navikombelo viavo. ² Kaha Yesu uakuanyene nakuhandeka kuli vakevo,'' muaziva nguenu ava vangalileya vakele vaka sili cikuma kuhambakana vakuavo vangalileya muomuo vayandele mulieyi njila? ³ Cahi,njikumileka.vunoni ngue kamukualumuka, kaha muvose mukanonga munjila imolika. ⁴ Cipue vaki kumi vatanu nava tatu vantu mu Siloma yize ndzivo yalaha yalahukile kaha vatsile muasinganyeka nguenu vakele vakavupi kuhambakana vakuavo vose muyelusalema? ⁵ Cahi,njahandeka.vunoni ngue kamukualumuka,kaha muvavose mukanonga.'' ⁶ Yesu uahandekele cisimo cino, ''ngueni muntu umo uatumbile muti uamukuyu mulihia lieni lia viti via viniu,kaha kaha uezileko nakutalako mihako kaha amba imo yahi. ⁷ Kaha yala uahandekele kuli mukakulama lihia; ngueni tala,miaka eyi itatu njineza nakulengeya kulieli lihia lia mukukuyu kaha kanjauaneneko amba umo mohako.uvatulenuko nakuulahula hamavu . ⁸ ''Kaha uze muka kulima mihako amukuanyene ngueni, muane, uecenu uno muaka njihindeko nakuzingululako kaha njiku hakako maniuua ceka. ⁹ Kaha ngue ukuima mukolosika,cacili; vunoni ngue cahi kaha kuuvatulako kaha!''' ¹⁰ Vunoni Yesu uakele nakutangesa musinangonga halitagua lia sapalo. ¹¹ Tala mpuevo umo uakele namiaka likumi nayitanu nayitatu uakele namuzimu uakuzeya, kaha vamuzembekele nima kaha uahonene kuoloka nakumana ceka kunahu. ¹² Kaha omu muamumuene Yesu, uamusanene ngueni tuaya kuno kaha uahandekeke kuli ikeye ngueni, ''mpuevo, unovoka kufuma kukuzeya cove. ¹³ Kaha Yesu uamusalekele mavoko, kaha hahaze vene uamene nakuoloka kaha uamuzumbangeyele Njambi. ¹⁴ Vunoni vakakuyula vamusinangonga vapihililile. muamu Yesu uahinduile hili tangua lia sapalo.sikaho vaze vilolo vamukuanyene nakuhande kulivunga nguavo,kuli matangua atanu nalimo mukeko mumuatela kuzatelomo. Tuayenu mangana muhinduke,kati hali tangua lia sapalo.'' ¹⁵ Muangana amukuanyene nakhandeka ngueni, ''vakakulionga, muva vose kati muekuzitula ngombe yenu cipue cimbulu cenu kucikasa ceni ca kulia nakutuala akunua mema ha sapalo? ¹⁶ Mukeko vene nou muana ua Apalahama, ou santana uakutiuile mumiaka yayingi likumi na miaka itanu nayitatu, kaha kavatela kumuzitula malange hali tangua lia sapalo cahi? ¹⁷ Kaha omu muahandekele viuma evi, vose vaze vamuliuile vavuile ntsoni, vose vaze valivunga vakele nakuviukilila naviuma vialingile. ¹⁸ Kaha Yesu uahandekele ngueni,vuangana vua Njambi vuekusoloka vati, kaha cinahase kucifuanesa vati? ¹⁹ Cinapu ngue mbuto evine ize muntu yali kumbata nakumbila mulihia lieni, kaha ikukola mu mumuti uakama, kaha tuzila vamuilu vakapanga masua avo kumintango yaco.'' ²⁰ Ceka vahandekele, '''vika vinjikufuanesa vuangana vua Njambi? ²¹ Vunapu ngue cimbaluila cize mpuevo uambateke nakucifutula mu cimpimo cavunga nomu muviatandele kuhitila muvunga vuose.'' ²² Kaha Yesu uayile mumbaka namumembo, nakutangesa nakuviukisa njila yeni kuya kuyelusalema. ²³ Umo vahandekele kuli ikeye, ''muangana kaha vantu vavandende vakeleko vovokele? Kaha vahandekele ahandekele kuli ikeye ngueni, ²⁴ Tsilenu nguingila mumbelo yayindende,muomuo njikuhandeka kulienu, vavengi vakatonda kuingila,vunoni kavakahasa nguingilamo. ²⁵ Ntsimbu yimo ivene ndzivo uakatukile nakusoka kumbelo,kaha mukamana hambandza nakutota kulipito nakuhandeka ngueni,muangana,muangana,tueceleko tuingile! kaha akumbuluile nakuhandeka kulienu ngueni, ''njamizivile cipue kumuafumu.' ²⁶ '''Kaha mukahandeka nguenu,'tualile nakunua kumeso ove kaha naua uatulongesele mumikuakua ²⁷ '''Vunoni uakumbuluile, 'njikuhandeka kulienu, kanjazivile okuo kumuafumu.fumenu kumeso ange,enu vaka kulinga vuhenge!' ²⁸ Kukakula kulila nakulingenjunga kumazo omu mumu kamona Apalahama,Isaka na Yakova, navose tupolofeto muvuangana vua Njambu. vunoni enu vavene vakamimbila hambandza. ²⁹ Vakafuma kumuntuntuko,mulahuko ,vuhili nakumusamuko,n kaha vakatumama kumesa kumesa muvuangana vua Njambi . ³⁰ Zivenu evi, vaze vose vakutsongo vavalemu vakakala kulutue, kaha vose vaze valemu cikuma vakakala kunima.''' ³¹ Haze vene, vafeliseo vezile nakuhandeka kuli ikeye nguavo, '' hamoye fuma hano muomuo Helonde anakutonda kutsiha Yesu.'' ³² Yesu uahandekele ngueni .'' hamoye ukamuleke uze mbandze,' Tala,njikufumisa vandemoni nakusolola kusaka lelo namene, kaha mulitangua lia mucitatu njikahetesa.' ³³ Vunoni cipue ange ngecize njinapande munjila yalelo na mene, namatangua akuiza muomuo kacatevesele kutsiha tupolofeto kufuma Muyelusalema. ³⁴ Yelusalema,Yelusalema,uze uatsihile tupolofeto nakuvasa mavue vaze vavatumine kulienu. Tsimbu zingahi zinjekutonda kungulula vana venu ngue muze muekukungulula cali vana veni nakuvahaka mumavava eni.vunoni kamuacizangele eci. ³⁵ Tala,ndzivo yove vayalumukila. njikuhandeka kuliove, ove kuukanjimona kuvanga.' kukisuila kuli uze akeza muli zina lia muata