¹ Casolokele hali tangua limo lia sapalalo, omu muengilile mundzivo ya vamo vakuluntu vava Feliseo nalia mbolo, vakele nakumumona ikeye muhiehi. ² Zangamenu, kulutue lueni kuakele muntu akele naku vavala mosongo ua zintiti. ³ Yesu uahulisile valongesi va mezi alisiko nava Faliseo, ''Vacitavesa kukanguisa ha litangua lia sapalalo ni cahi?'' ⁴ Vunoni vakeko va holokele. Kaha Yesu uamutambuile ikeye, kumukanguisa ikeye, kaha uamue cele aye. ⁵ Ua handekele kuli vakeko ngueni, ''Iya halienu ali na muana uayala cipue cimulu akulahukila mulisima halitangua lia Sapalalo haze vene akumukokamo?'' ⁶ Kavasele kumu kuania kuli evi viuma. ⁷ Kaha Yesu uantantekeyele vati vaze vava kumuine kusakula vituamo via kasingimiko, uahandekele cisimo, kuli vakeko ngueni, ⁸ ''Ngue vakukumuna kuli muntu ku ciuanu ca vulo, kati utumame muci hela ca vakama muomu hamosi omu vaku mukumuna uahambakana haliove. ⁹ Ngue muntu uze iva kumuna muva vose mukuhetela hamo, aku handeka kuliove ngueni, 'Hana eci cihela kuli muntu ueka; kaha mutsoni hauku tualelaho naku tumama cituamo caku tsongo. ¹⁰ Vunoni ngue vakukumuna, hamoye na kutumama ha cituamo ca kutsongo, mangana ngue uze naku kumuine neza, hamosi akuhandeka kuliove, 'Kavusamba, suena kuno kuhiehi.' Kaha amba vakuhie kasingimiko mukati kavose vaze vatumama kukulia hamo nove. ¹¹ Muomu uose akulikehesa ivene vaka mukamesa, kaha uze akuli kamesa ivene vakamukehesa.'' ¹² Yesu naua uahandekele kuli muntu uze yakumuine ikeye, ''Ngue ukuhia kulia ca cingezi cipue ca malimoso, kati ukumune vavu samba vove cipue vamuanoko vove cipue vantanga ziove cipue mpiti mu muatungila, ngue naua muva kakumuna ove hakuhiluka, kaha vana kusintsisilamo. ¹³ Vunoni ngue ukuhia malimoso, kukumuna vahutu, vakaku vendukuta, vilema na tupuputa, ¹⁴ kaha vakuku vezikisa, muomu kava kakufueta. muomu vaka kusintsisilamo muku sanguka ca kusanguka.'' ¹⁵ Kaha umo uavaze uatumaneme kukulia hamo na Yesu uavuile evi viuma, uahandekele kuli ikeye ngueni, ''Kuvezika kuli uze akulia muka mu vuangana vua Njambi!'' ¹⁶ Vunoni Yesu uandekele kuli ikeye ngueni, Muntu umosi uaviukisile kulia ca cinguizi kaha uakumuine vavengi. ¹⁷ Kaha muva viukisile kulia ca cinguezi, uatumine ngamba kuhandeka vaze vava kumuine, 'Kuiza, muomu viuma viose vuavuno vikalako.' ¹⁸ Vose vaputukile kuha lisesa, Uakatete uahandekele kuli ikeye ngueni, 'Ange njalandele lihia, kaha Ange njatela kuya na kulitala. njikonekelenuko.' ¹⁹ ''Mukuavo uahandekele ngueni, 'Ange njalandele vangombe vatanu, kaha Ange njinakuya naku veseka. Njikonekelenuko.' ²⁰ ''Muntu mukuavo uahandekele ngueni, 'Ange njambatele mpueyange, kaha vunoni Ange kanjikuizako.' ²¹ ''Ngamba uezile na kuleke mukuluntu evi viuma. mukulutu ua ndzivo na pihilila kaha uahandekele kuli ngamba yeni ngueni, 'Hamoye vuasi vuasi mukuakua na matapalo a mbaka kaha unehe vihutu kuno, nava vaka kuvendukuta, tupuputa, na vilema.' ²² ''Ngamba uahandekele ngueni, 'Mukuluntu, mu uasikile mualingika, kaha kucili mihela.' ²³ Mukuluntu ua handekele kuli ngamba ngue, 'Hamoye mumi kuakua na muzi njila nakuva sindiya kuingila, nguove hamosi ndzivo yange ikusula. ²⁴ Mumuo Ange njikuhandeka kuliove, vamo vaze vava ku muine vaku tompa kulia ca cinguezi.''' ²⁵ Vunoni vivunga via kama viendele neni, kaha ualumukile na kuhandeka kuli vakeko, ²⁶ Ngue umo akuiza kuliange kaha kazindile ise, naye, mpueyeni, vana, vamuanetu na vana vanaye vava mpuevo, kaha cipue kuyoya cene ivene, kuli kuasa kukala ndongesi yange. ²⁷ Uose kali kumbata cilindakano ceni na kunjikava ange kuli kuasa kukala ndongesi yange. ²⁸ Muomu indzo akuzanga kutunga ndzivo yalaha kati atumame nakutanda fueto yaku itungisa ngue ali nazio ezi zia kumanusuila? ²⁹ Nguecahi, ngue nale kutunga kaha nahono kumanesa, vose vaze vaku imona vakuputuka kumueseka ikeye, ³⁰ kuhandeka nguavo, 'Ou muntu naputuka kutunga kaha katelele kumanusula.' ³¹ Cipue Muangana, omu muali kuya nakulua ndzita namukuavo muangana, kali kutumama kuvanga atambule vukuasi ngue akuasa na makulukazi avantu nakulua na muangana ueka uze akuiza hali ikeye na makumi avali a makulukazi? ³² Ngue cahi, oku vakuavo musualale vacili halako, akutuma tunganda nakuhulisa litavasiano lia ciyulo. ³³ Ngoco vene, uose halienu uze uekuhona kueca vize viali navio kali kuasa kukala ndongesi yange. ³⁴ Mungua uacili, vunoni ngue mungua uasamuka, vaka utovalesa na vika? ³⁵ Kaukuviuka cipue kuuhaka kulihia cipue vane kumbuto ya vuilo. vakuumbila kuti. Ou ali namatuitui, akuivua evueko.''