¹ Cezile nakusoloka hali tangua limo omu Yesu muakele nakulombela ku Ngalileya imo. Omu muamanesele, Omo hali vandongesi zieni,'' ahandekele kuli ikeye ngueni, ''Muangana, tulongesienu kulomba ngue muze Yoano alongesele va ndongesi zieni.'' ² Yesu uahandekele kuli vakevo ngueni, ''Ngue mukulomba handekenu nguenu, Tata, lizina lienu lizile viangana vienu vuize. ³ Tuhie kulia cetu hatangua hatangua. ⁴ Tukonekele vupi vietu, ngece muze mutuekukonekele vaze vekuvulmuna etu. kati mututuale mukueseka.'' ⁵ Yesu uahandekele kuli vakeko ngueni, ''Halienu hakukala umo akukala na kavusamba keni, kaha akuya kuli ikeye mukati kavutsiki. nakuhandeka kuli ikeye ngueni, 'kavusamba, njikongueseko mika itatu. ⁶ Muomuo kavusamba kange neza lika kufuma kunjila kaha kanjesi navimosi via kumuhia ikeye'? ⁷ Kaha uze akele mukati amukumbuluile ngueni, kunjishupa cahi lipito valisoko laza, navana vange njili navo, mumuhela. kanjikuasa kuhinduka mangana njikuhie muka ove,' ⁸ Njikumileka nguange, cipue kali kuhinduka mangana akuhie muka muomu hakupua kavusamba kove, Nsoni nalukakatela, akuhinduka nakukuhia mika yiu natondo. ⁹ Njikuhandeka kulienu nguange, vundilenu kaha vakumihia,Tondenu, kaha mukuuana; totenu kaha vakumisokoluela. ¹⁰ Muntu uose akuvundila vakumuhia; kaha muntu akutonda akuuana; kah muntu akutota, vakumusokoluela. ¹¹ Cisemi muka halienu, ngue muanove akukulomba itsi, ukumuhia linoka cakuhona itsi? ¹² Cipue akulomba liyekesi, ukumuhia kavuanda? ¹³ Sikaho, Ngue yenu vavapi muezi kuhia mauana acili kuvana venu vingihi cisemi cenu uamuilu akumihia muzimu uakulela kuli vaze vekuvundila?'' ¹⁴ Omu Yesu muakele nakufumisa ndemone uze akekele akuholoka.Omu mualingile ndemone nafumu, ou yala akele uakuhona kuhandekele, nalivunga lia likomokelele. ¹⁵ Olondzo vantu vamo vahandekele nguavo,mbelesembulu, mukakuyula uava ndemone, ana kufumis vandemone.''Vunoni vamuesekele kaha vamutondelele cakutalelaho kufuma muilu. ¹⁶ Vunoni vamuesekele kaha vamutondelele cakutalelaho kufuma muilu. ¹⁷ Olondzo Yesu ezivile visinganieka viavo kaha uahandekele kuli vakevo ngueni, ''Vuangana uose vieku lihandununa vuvene nakulipanga, kaha ndzivo yekuli handununa ivene yeku lahuka. ¹⁸ Ngue Santana akulihandununa ivene,kaha, muangana vieni vukumana vati? muli nakuhandeka nguenu njina kufumisa vandemome na Mbeselembulu. ¹⁹ Ngue njikufumisa vandemome na Mbeselembulu, kaha vaze vamuekukavangeya vekufumisa muliya? Muomuo ua evi, vaka tumama vakakala vakakusompesa veni. ²⁰ Olondzo ngue njekufumisa vandemone na munie ua Njambi, kaha vuangana vua Njambi vuneza kulienu. ²¹ Ngue yala uazindzili uze naliviukisa kulama ndzivo yeni, vipangi vieni vili muacili, ²² Vunoni ngue yala uazindzili cikuma akumuhonouesa ikeye, uze yala uazindzili akumbata viose vuma vize uze yala viatsiliela nakuenieka vupute viauze yala. ²³ Ou kesi nange kanjizangele ange, kaha ou kesi nakukunguluka nange na handeka ivena. ²⁴ Omu muzimu uakuzuala unafumu muli muntu, uekuhitasiana muakuhona mema nakutonda hakuhuimina.Ku uana hahi, ekuhandeka ngueni njikuhiluka kundzivo yange kunjafumine; ²⁵ Hakuhiluka kuuana ize ndzivo vana kombomo kuvihaka micili. ²⁶ Kaha ukuya nakumbata vamo vakuavo vatanu nava vali mizimu yayipi nakuiza nakutumama muze. kaha ca kukumininako uze muntu akuhianeneko kuhambakana hakatete.'' ²⁷ Cezile na kusoloka ngaco, Omu akele nakuhandeka evi vana, mpuevo umo akele atuhuile lizi helu lia kuhambakana livunga na kuhandeka kuli ikeye ngueni,kutokua lizimo lize lia semene ove kaha na mavele auamuene ove. ²⁸ Olondzo uahandekele ngueni, ''Cakuhona, 'Vatokua ava vakuivua lizi lia Njambi na kulilama.'' '' ²⁹ Omu livunga liakele nakulaneneko,Yesu aputukile kuhandeka, cino cisemunuino cavupite cinakutondeka cakumuenako,cipue cahi vaka hia kuli cikeko kufumisako cakutalelaho ca Yona. ³⁰ Ngue muze Yona ezile nakukala cakumuenako kuli vakuninivayi cipue kuli muana muntu akakala cakumuenako kuli cimo cisemunuino. ³¹ Muangana ua mpuevo ua kumusamuko akamana ha kusompesa nava mala vacino cisemunuino nakuvamba ,Muomu ezile kufuma kuakumina cifuti nakuivua mangana Solomoni, kaha amuene, umo uakuhambakana Solomoni ali hano. ³² Vamala vaku Ninivayi vakamana hakusompesa nacino cisemunuino ca vantu naku vamba,muomu valikonekele hakutangesa ca Yona, vunoni talenu, umo uakuhambakana Yona ali hano. ³³ Nuomo uahi, ngueni namuinika cimuni, ekucihaka kuakusuamana cipue muitsi ya cizuma, vunoni ekuhaka ha cintsandia,mangana vaze vakukovela vamone kumunika. ³⁴ Liso liove likeko cimuni camuvila . Ngue liso liove lilimuacili, vose vakusula nakumunika. vunoni ngue liso liove lialipi Muvila uove uekusula namilima. ³⁵ Sikaho,Zangamenu nguemuze kumunika mulienu kati cikale milima. ³⁶ Kaha vunoni ngue muvila uove uose ukusula nakumunika, cakuhona na nakukala uose ua milima,kaha muvila uose ukkukala ngue cimuni cina munika ndzualala ha liove.'' ³⁷ Omu muamanesele kuhandeka, ka Faliseo amulekele ngueni valie neni hamo kundzivo yeni, Sikaho Yesu uaile engilile na kuhuima. ³⁸ Va Faliseo vali komokelele nguavo Yesu kavangelele kutana tsimbu kanda kulia ca cinguezi. ³⁹ Olondzo muangana uahandekele kuli ikeye, ''Talenu, yanu va Faliseo muekuvukisa ha mbandza ya ngandza na milondo, vunoni mukati kenu muasulu na lifua na vupi. ⁴⁰ Enu vamala vakuhona visinganieka! ketiumolika apangele hambandza ikeyelika apangeele namu kati? ⁴¹ Hanenu ovio vili mukati ngue mauana, kaha viuma vuose vakumi viukisilavuo. ''Olondzo vukalu kulienu va Faliseo,muomu muakuhana camulikumi kuvimbuto via mazimba acili nakuvisakula, Olondzo muekuliula ciyulo na cilemo ca Njambi. muatala kulinga muatela ciyulo na cilemo amba muhane ca mulikumi. ⁴² ''Olondzo vukalu kulienu va Faliseo,muomu muakuhana camulikumi kuvimbuto via mazimba acili nakuvisakula, Olondzo muekuliula ciyulo na cilemo ca Njambi. muatala kulinga muatela ciyulo na cilemo amba muhane ca mulikumi. ⁴³ Vukalu kulienu va Faliseo, muekuzanga kutumama vituamo viakulitue mu sinangonga nakumeneka nakulemesa hangalila yakusekasana. ⁴⁴ Vukalu kulienu,muomu muli ngue vihilo vize vantu vekuendaho cakuhona kuziva.'' ⁴⁵ Umo hali vaze vantantekeya zisimbi cikuma uahandekele kuli ikeye ngueni, ''Milongesi,Ovio vi uahandeka uatutukana ngue yetu.'' ⁴⁶ Yesu uahandekele ngueni, '' vukalu kulienu, Valongesi va zisimbi! muomu muekuhaka vantu viteli via vikalu kumbata,olondzo kamuekukuatako kuviteli ⁴⁷ Ndzita kulienu muomuo muekutunga vihilo via tupolofeto, kaha vakukuenu vakeko vavatsihile vakeko. ⁴⁸ Sikaho yenu vakaleho kaha muatavesele vipangi via vakukuenu,muomuo cacili vene vavatsihile kaha mutungile vahilo viavo. ⁴⁹ Hakulinga omo, mangana a Njambi guavo, njikatuma kuli vakevo tupolofeto nava positolo, kaha vakava yandesa na kutsiha vamo. ⁵⁰ Eci cisemunuino, vunoni, cakala cikeko cikakuata hamaninga ose avatu tupolofeto amuaniene kuputuka ha cikulua calino lifuti, ⁵¹ Kufuma hamaninga a Avele na kuheta kumananga a Zakaliya, ou ava tsihile mukati ka kamenga kakutangesela na kuhia milambu. Eyo njikuhandeka kulienu, cino cisemunuino vaka cihia kukuataho. ⁵² vukalu kulienu muaziva zisimbi, muomu muambatele sapi ya mangana; kamuakovelele mulienu vavene, kaha muasuekele vaze vali nakukovela.'' ⁵³ Omu Yesu mualingile nai, vakakusoneka nava Faliseo vamu hianene na kuputuka kuli zimpata na ikeye hamavu viavingi, ⁵⁴ Kulionga nguavo vakumu vandamena, vakuayeko vimo kuka nua keni.