¹ Ngoco, hakulinga kusika ca kuingila vose muze cicili vacitavesa kumana, tuzangmenu enu vose casoloka muakuminamo muli eci. ² Muomu etu vatulekele muzimbu uacili ngue omo muuakele. Vunoni aze mezi kakuesele vaze vahonene kuli kuata mulu tsilielo navaze vononokele. ³ Muomu yetu vaka kutsiliela tuka kovela, ngue omu muahandekele, ''Ngue Ange munjialisingile mu vutenu vuange, Kava kakovelamo.'' Amba tuhu ngoco, vipagi vieni viakumine kufuma kucikuku ca cifuti. ⁴ Muomu nahandeka kumosi hali tangua lia mucitanu navali.''Kaha Njambi uahuimine hali tangua lia mucitanu navali kufuma kuvipangi viani viose.'' ⁵ Kaha naua muli eci cihanda cimolika, ''Kavakakovelamo.'' ⁶ Ngecize, kualitulu vamosi kuingilamo, kaha vaze valaza vakele na muzimbu uacili kuambulula kuli vakevo kohona kuyamo muomu yakuhona kuononoka cavo. ⁷ Kaha Njambi naua uakudikile litangua limo, kulisana ''Litangua,'' tsimbu yahandekele kuhitila muli Daviti mumezi akusoneka laza: ''Lelo ngue ukuivua lizi, kati ukolese mutima uove.'' ⁸ Muomu ngue Yehosua uavahiele kuhuima, Njambi manga tsa kahandekele hali tangua likuavo. ⁹ Ngoco litangua lia musamuko vali hakeleleko vantu zia Njambi ku huima. ¹⁰ Muomu uze uose akakovela mukuhuima ca Njambi ivene nahuima kufuma kuvalinga, ngue Njambi mualingile kufuma mueni. ¹¹ Ngecize tulitakamesenu tukengilemo, mangana naumo uahi akalahukila mumuyati ua kuhona kuononoka cize civakele nakulinga. ¹² Muomu lizi lia Njambi linapu muono na linazata na tuesi kuhanbakana mukuale uli na vutuesi - kuvali. ukuvatula nakuhangununa muono na cimbembesi, na kununga na vuse, linase kuyongola visinganieka via mutima. ¹³ Viahi viaangele viakusueka kumeso a Njambi. vunoni, viose vili vutseletsele na vuasi kumeso a uze umo akuhana muzimbu ueni. ¹⁴ Ngecize, hakulinga tuli na sasendote uakama uze nahiti laza mumelu, Yesu Muana Njambi, tukakatelenu na zindzili muku tsiliela cetu. ¹⁵ Vunoni katuesi na sasendote uakama uze kali kuasa kutetela kuzeya cetu.Vunoni, tuli naumosi uze ali munjila va vueseka ngue omu mutuakele, nakusinieka nguetu kesi navupi. ¹⁶ Kumani tuyenu na lutsilielo mu vuangana vua ngozi, mangana tuhase kukatambula ngozi na kuuana ngozi ikatukuase mutsimbu ya tonda.