¹ Ngoco vene, vakakulele vamuanetu, mukali pangela melu kukusana. singaniekenu hali Yesu, muli kapositolo na sasendote ua kama uaku tava cetu. ² Uakele uakutsiliela kuli Njambi, ou ua muinikile, ngue mua Mosesa ou ua kele na lutsilielo muose mundzivo ya Njambi. ³ Muomu Yesu vamu muene muvuviuke mukuhiana vumpau kuhiana Mosesa, muomu omu akatunga ndzivo vamulemese cikuma ndzivo ivene. ⁴ Kaha yose ndzivo ivatunga kuli umosi, vunoni umo akatunga viuma viose Njambi. ⁵ Kaha Mosesa ua citsilielo hakupua ngamba ya Njambi mukuzimbula mundzivo yose mukuivuilila vunjiho ua viuma vize viva handekele via kulutue. ⁶ Vunoni kilisitu ualu tsilielo ngue muana ou uamukulutu ua mundzivo ya Njambi. Etu tuva mundzivo yeni ngue kukukakatela nakukumisa na kukutsiliela evi etu kulihalesa. ⁷ Ngoco vene, ngue umo muzimu uakulela uahandeka: ''Lelo, ngue mukuivua lizi lieni kati ⁸ mukolesa mitima yenu ngue mu muekuneha zimpata, mutsimbu ya ciseko ca muzindinda. ⁹ Eci cikeko vantsekulu vesekele nakunjihakela vieseko ange, kaha naua, mumakumi auana a miaka, va muene vipangi viange. ¹⁰ Kaha naua ca njikosele mucsemua cize. Nguange; vanasevuka ntsimbu yose mu mitima yavo. kavazivile zinjila ziange; ¹¹ Cinapu ngue munjalisingile muvuntu vuange; 'Kava kengilila mukuhuima cange''' ¹² Zangamenu, vamuanetu, vunoni hakati kenu kamu kakala umosi ua mutima ua upi uahona kutsiliela, mutima uze akaluluka munjila ya Njambi ya kuyoya. ¹³ Vunoni, kolesa umo na mukuavo kuli tangua na litangua, omo vacitumbula nguavo ''lelo,'' muomu na umo halienu akakaluuisa nalingi cavupi. ¹⁴ Muomu etu tuneza vavusamba va kilisitu ngue tuakakatela nakukutsiliela muli ikeye kufuma kukukakatela na kukusulumuina. ¹⁵ Omo eci va cihandeka, ''Lelo, ngue munevu lizi lieni, kati mukolese mitima yenu, ngue haze hasangumuina.'' Iya uekele iya vavuile Njambi na nasangumuka? ikeye kati vose vafumine ku Ingito hamo na Mosesa? ¹⁶ Iya uekele iya vavuile Njambi na nasangumuka? ikeye kati vose vafumine ku Ingito hamo na Mosesa? ¹⁷ Veya va vuile nzala mu mutima auana amiaka? kati vaze vene va vulumuine, vaze vatsile mivila ya lundumukile muzindinda? ¹⁸ Kuli veya asingile ngue kava kavakengila mukuhuima ceni, ngue kacakele kuli vaze vaka lisino ni? ¹⁹ Tuna mono nguetu kava kengila mukuhuima cenii muomu vali na zimpata.