¹ Ngoco tuatela kuhia visinganieka kuli vize vitunevu, mangana tuhone kuhugumuka kuli vikeko. ² Muomu ngue lizi lize liva andekele kuhitila hali vangelo lia solokele kukala lia kukola, kaha navivulumuna na navusiko vua kutambula kuzangamesa kaha, ³ etndzo tukuvinga vati ngue tukulihula vuovole vua kama? Ovu vukeko vuovole vuakulivanga kutambakana kuli Muangana na kuuana mulietu kuli vaze vavuile eci. ⁴ Hatsimbu imolika Njambi mukaleho kuli evi vimueso, vikomoesa, na zindzili zivene, kaha nukuhana mavuana a muzimu uakulela na kueseka na cizango ceni. ⁵ Muomu kuli eci kavakele tungelo vaze Njambi kononuesele cifuti kuiza, ngue aua atuli nakuhandeka.Vunoni, umo kumosi nahana vukaleho ngueni, ⁶ ''Muntu ikeye iya, uze imuahake mangana hali ikeye? Cipue muana muntu, uze imuekuzakama? ⁷ Ua mulingisa muntu uamundende muitsi kuhambakana vangelo; ua muhakele cilongo ca vumpau na kasingimiko. ⁸ Uononuesele viose muitsi ya viliato viene.'' Muomu ikeye Njambi uononuesele viuma viose. Vunoni kanda tumona viuma viose viononosuele ikeye. ⁹ Vunoni tuamano ikeye uze ivalingisa kukala kvundende kuhambakana vangelo havundende, Yesu, vazikile cilongilo na vumpau na kasingimiko muomu ya kayando na kutsa, mangana ha ngozi ya Njambi hamosi akutomopa kutsa ca vose. ¹⁰ Muomu ca mupandele Njambi, muomu viose viakele hali ikeye na kuhitila muli ikeye, nakuneha vana muvumpau. Ikeye napande kupanga vakuluntu muvumpau vieni kunahu kuhitila mutuyando. ¹¹ Muomu viose uze ekulelesa na uze vaveku lelesa vanapu vamolika. Ngoco ikeye kesi natsoni kuvazana vamuanaye. ¹² Uahandendekele ngueni, '' Ange njikuambulula lizina liove kuli vamuanetu, Ange njikuimba haliove kufuma mukati kambunga.'' ¹³ Kaha naua, ''Ange njatsilila muli ikeye.'' Ange naua, ''Njamano, haze ange Yange na vana vaze Njambi vana njihie ange.'' ¹⁴ Ngoco, hakulinga vana valipangela muvila na maninga, ikeye uazangama kupangela muli zina mumolika, mangana kuhitila mukutsa hamosi akenieka uze umo ali na zindzili zia kutsa, ikeye, ndemone. ¹⁵ Eci cikeko mangana ovoke kuli vaze vose vihitile muvuoma vua kutsa vayoyele vose mu vundungo. ¹⁶ Cili vene kati vangelo vakuasele, vunoni cikota ca Avilahama. ¹⁷ Ngecize ca mupandele ikeye kukala ngue vamuanaye munjila yose, mangana vamuvuile ngozi na sasendote uakama muvusoko ku viuma via Njambi, kaha mangana ahase kuneha kukonekela luavupi vua vantu. ¹⁸ Muomu Yesu ivene ua yandele na kumueseka, nahase kukuasa vaze vava neseka.