¹ Muomu vose vasasendote vakama, vava sakuile mukati kavantu, amuakundikile kumenako vantu mu viuma kutalesa hali Njambi, mangana vakombeleye vuana vuvali na cikombelo ca vupi. ² Nahase kusompela vulemu navaze va kakusevuka kaha navaze vana nongo, muomu ikeye ivene nantantekeya kuzeya. ³ Muomu yeci, ali naua natela kukombeleya cikombelo ca vupi vueni ivene, ngue omu muekulinga kuli vantu va vupi. ⁴ Kati ivene amba uose akutambala vulemu. vunoni vamusana kuli Njambi, ngue Alone. ⁵ Munjila imolika, cipue Kilisitu kali kali kalilemesa ivene nakukala sasendote uakama.vunoni, uze umo uahandekele naikeye ngueni, ''Ove umuanange; lelo njinapu nji Iso.'' ⁶ Ngue omu muana handeka kuvihela vikuavo, ''Ove u sasendote ua miaka yose kufuma kucifua ca Melekizendeke.'' ⁷ Kumatangua akumuvila ueni, Kilisitu ua vundilile viose vivali na kuhulisa nalizi liahelu na masozi kuli Njambi, ikeye umo nase kumuovola kufuma mukutsa, kaha ua lakanene muomu ya kuononoka ceni. ⁸ Amba tuhu akele muana, ualilongesele kuononoka kufuma kukayando. ⁹ Vamu pangele kukala ua zindzili na kukala, uavose vaze vaku muononokela ikeye, vuovole uahaya miaka yose, ¹⁰ Vamutumbuile kuli Njambi kukala sasendote uakama kufuma kufua ca Melekizendeke. ¹¹ Tuli navia vingi via kuhandeka hali Yesu, vunoni cakuluua kulumbununa muomu unapu uakuhona kuivuilila. ¹² Muomu amba hali ino tsimbu muatela kukala valongesi, mucili nakutonda muntu amilongese enu kuputuka zisimbi zia Njambi. Munakutonda mavele, kati kulia cakukola! ¹³ Muomu uose uze akulia mavele anakuhita mumuzimbu ua vuololoke muomu acili muana uamundende. ¹⁴ Vunoni viakulia via kukola viatela viavaze vana kolo. Ava vakeko vaze muomu ya kukola cavo vali nakuibuilila kulongesi ya viose viacili kufuma kuvupi.