¹ Kaha kuakele ndzala mu cifuti, yeka naize yakatete yakele kuma tangua Avilahama. kaha Isake uaile kuli Avimeleke muangana nua vaFilisteo, ku Ngelale. ² Kaha Yehova uamu solokelele ngueni, Kati u sikumuke ku Ingito; tumama mucifuti cize cinji kukuleka. ³ Tumama mu cifuti eci, nange njikakala nove na kukuvezikisa; muomu kuli ove naku mbuto yove njihana vifuti evi viose, kaha njika kaniamesa cisingo cize ci njalisingile na iso Avilahama; ⁴ Kaha njika lanesa mbuto yove ngue zintangantanga zia muilu, nakuhana ku mbuto yove vifuti evi viose; namu mbuto yove miyati yose ya hamavu ika vezika. ⁵ Muomu Avilahama uanonokele kuli lize liange, naku niunga lisiko liange, vizilika viange, vitume viange, na mezi a lisiko liange. ⁶ Kaha Isake ua tumamene ku Ngalale: ⁷ nava mala va cihela cize vami huile via mpueyeni; kaha ikeye ngueni, ''Ikeye ndumbuange: muomu uakele na vuoma ku handeka ngueni, mpueyange; kutina ngueni vamala vaku cihela vaka njitsiha omo Lambeka; muomu ua viukele hakumu tala. ⁸ Kaha ngue alingile ngecize, omu mua tokele kuze tsimbu yakama, Avimeleke muangana ua vaFilisteo ua talele ha mbandza mu njianena, kaha ua muene, kaha tenu, Isake a kuli sakalala na Lembeka mpueyeni. ⁹ Avimeleke ua sanene Isake kuli ikye naku handeka nguei, '' Tala, muavusunga napu mpueyove. Muomu vika ua handekelele nguove, 'Ikeye ndimbuange'?'' Isake ua handekele kuli ikeye ngueni, ''Muomuo njisinganiekele nguange hamosi vaku njitsiha ange na ikeye.'' ¹⁰ Avimeleke ua handekele ngueni, ''Ini evi viualingi kulietu vikeko vaka? Umo muntu cinasiuile kukosa na mpueyove, menga uatunehela mulonga etu.'' ¹¹ Kaha Avimeleke uasikile vantu vose ngueni, ''Uze uose akukuata ou yala cipue mpueyeni cili cili njika mutsiha.'' ¹² Kaha Isake uakuvila zimbuti mu cifuti cize kaha viahile uze vene muaka cihita, muomu Yehova uamu vezikisile. ¹³ Kaha yala uze akele mpiti, kaha uahianene mukukola nomu muezile nakukala uakama. ¹⁴ Kaha uakele na mpanga na ngombe, na va kandzivo.Kaha vaFilisteo vali veyeleye. ¹⁵ Vuno masima ose ava hindile kuli vangamba muma tangua a ise Avilahama, vaFilisteo vecele vava vindikile kusulisa na livu. ¹⁶ Avimeleke ua handekele kuli Isake ngueni, ''Hamoye kua likaliove fuma kuno kulietu, muomu ove ua mpiti cikuma kuhambakana etu.'' ¹⁷ Ngecize Isake uafumune kuze naktula muci mbongo ca Ngelale, naku tumama muze. ¹⁸ Kaha Isake ua hindile masima a mema, aze ava hindile muma tangua a Avilahma ise. Kaha Filisteo vava kanesele kunima ya kutsa ca Avilahama. Isake ualukile mazina ngue mazina aze alukile ise. ¹⁹ Kaha vangamba zia Isake va hindile mu cimbongo, va uanene lisma liku vueluoka mema. ²⁰ Kaha tuniungi vaku Ngelale vali zungililile na tuniungi va Isake, ua handekele gueni, ''Aua mema etu.'' Kaha Isake ua lukile lisima lizina ngueni Eseke.'' muomu vali zungililile neni. ²¹ Kaha va hindile lisima likuova, kaha vali zungililielio , naua, kaha uali lukile lizina ngueni Sitina.'' ²² Kaha uafumineko kuze na kuhinda lisma likuovo, vunoni kava lizungilililelio lize lisima. Kaha uali lukile lizina ngueni Lehobote, kaha ua handekele ngueni, ''vuovuno Yehova natu viukisila cihela, kaha tukala mucifuti.'' ²³ Kaha uafumineko kuze na kuya ku Mbeleseva. ²⁴ Yehova uasolokele kuli ikeye vutsiki na kuhadeka ngueni, '' Ange yange Njambi ya Avilahama isuenu. Kati muivue vuoma, muomu Ange njili nenu kaha njikumizikisa na kulanesa zimbuto zienu, kuhitila mulizina lia ngamba yange Avilahama.'' ²⁵ Kaha Isake ua tungile mutula na kusana lizina lia Yehova. Nakutunga mbalaka yeni kuze, kaha vangamba zieni va hindile lisima. ²⁶ Kaha Avimeleke uaile kuli ikeye kufuma ku Ngalale, na Ahuzate, kavusamba keni, na Fikole, kapitau kamasualale veni. ²⁷ Isake ua handekele kuli vakeko gueni, ''Muomu vika vimukuizila kuliange, enu munjizinda nakunjisekula kuimbo lienu?'' ²⁸ Kaha vakevo nguavo, tuamuene mpungndu ngecize Yehova akala nove. Kaha tuatondetele nguetu kuatela kukala kulisinga mukati ketu, mukeko, mukati ketu nove. Ngecize tupanguenu litavasiano nove, ²⁹ ngecizi ove kati ukatulinge vimo, ngue omu etu katuakulingile muamupi ove, ngue omu mutua kuniunga muacili kaha kaha tuaktumu mu ciyulo. mukeko, vakuvezikisa kuli Yehova,'' ³⁰ Kaha Isake uava lingilile ciuano, kaha valile va nuine. ³¹ Kaha va hindukile vuasi cimene na kulisinga uomo na mukuavo. Kaha Isake uava tumine kuavo, na kumuzeza ikeye muciyolu. ³² Lize vane litangua vangamba zia Isake vezile nakumuleka lisima lize liva hindile. Va handekele nguavo, ''Tuauana mema.'' ³³ Kaha ua lilukille ngueni Siva, Ngoco vene lizina olio lia limbo lia Mbaleseva naka lelo. ³⁴ Kaha omu Esau uakele na makumi auna a miaka ua mbatele, Yundite muana Mbele kaHitau, ua Mbasemate muana ka Elone kaHitau. ³⁵ Va nehele cikeketima kuli Isake na Lambeka