¹ Kaha Avilahama ua mbatele mpuevo ueka; uamulukile lizina ngueni Ketula. ² Kaha ua musemenene Zimelane, Yokesae, Mendane, Mindiane, Isavake na Sua. ³ Kaha Yokesane ua semene Seva na Ndendane. Kaha vana va Ndendane vakevo Asulime,na Litulisime na Leumime. ⁴ Kaha vana va Mindian vakele, Efa na Efele, Hanoke, Avinda, na Elenda. Vose ava vakele vana va Ketula. ⁵ Kaha Avilahama ua hiele viose via kele navio kuli Isake. ⁶ Vunoni omu muakele naku yaya, uahiele mavuana vana veni kuli mpuevo uamu civali kaha uava tumine kucifuti ca kumuntuntuko uali tangua, kufuma kuli Isake, muaneni. ⁷ Aua akele matangua a miaka ya mpueya Avilahama a yoyele, cihita camiaka na makumi atanuna ivali na itanu. ⁸ Avilahama ua huimine ca kukumisilako kaha ua tsile ha tsimbu yacili, kasinakazi uakusula na muono, kaha vamu kungulukile kuvantu zieni. ⁹ Kaha Isake na Ismeale, vana veni, vamu tsindele mu cana ca makapela, mu lihia lia Efelone muana Zohale kaHiteu, kuhiehi na Mamele. ¹⁰ Lihia lizi lia landele Ailahama kuli vana va Hete. Ailahama vanu tsindile kuze na mpueyeni Sala. ¹¹ Hanima yakutsa ca Avilahama, Njambi vavezikisile Isake muaneni, kaha Isake ua tumamene ku Mbelelahai loi. ¹² Aua akeo mazina a Ismele, muana Avilahama, yasemene Hangal muka Ingito, ngamba, ya Sala kuli Avilahama. ¹³ Aua akeo mazina ava vana va mala va Ismeale, kuma zimo avo: ndala ya Ismeale, Mivesame, ¹⁴ na Misema, na Nduma , na Masa. ¹⁵ Handande, na Tema, Yetule, Nafise, na Kendema. ¹⁶ Ava vakeko vana va vamala va Ismeale na akeo mazina avo ku membo avo naku vilombo viavo va miata likumi nava vali kumiyati yavo. ¹⁷ Eyi ikeko miaka ya tumamene Ismeale, cihita ca miaka na makumi atatu na itanu na ivali. kaha uahuimine kamakumisilo kaha uatsile, kaha vamu kungulukile kuli vantu veni. ¹⁸ Kaha vakevo va tumamene kufuma ku Havila nakuheta ku Sula, kuhie na Ingito, ngue ukuya ku Siliya kua tumamene vuntanga viose na vana va naye. ¹⁹ Kaha aua akeo mazina a Isake, muana Avilahama. Avilahama ua semene Isake. ²⁰ Isake naua uakele makumi auana hali kumbata mpueyeni Lembeka, muana Mbuetuele Alameane ua ku Pandane Alame, muanaye ya Lambane muka Alameane. ²¹ Isake ua vundilile kuli Yehova muomu ya mpueyeni akele ntsimpi, kaha Yehova ua kuaniene kuvundila ceni, kaha Lembeka mpueyeni uemitile. ²² Kaha vana vayandele hamolika mukati ka ikeye, kaha ua handekele ngueni, ''Muomu vika evi vinakusoloka ku liange?'' Kaha uaile nakuhulisa Yehova hali eci. ²³ Yehova ua handekele kuli ikeye ngueni, ''Miyati iva vali ili mulizimo liove, kaha miyati ivali ikali hangunuka kufuma mukayti kenu. Cikota cimo cika hiana zindzili kuhambakana cikuavo, na mukuluntu aka pangela ntsongo.'' ²⁴ Kaha omo tsimbu yeni muya hetele yakusema, Tenu, kuze kuakele va mpasa mulizimo lieni. ²⁵ Kaha uze ua ntuantua uatuhukile uakutila kuose ngue vuzalo vua vua kavua. Kaha vasanene lizina lieni nguavo ikeye Esau. ²⁶ Kaha kunima yeni kuezile, ntsongo yeni, livoko lieni lia kuata ntsintsino ya Esau. vamulukile nguavo Yakomba. Isake uakele namiaka makumi atanu na muaka umo miaka omo muavasemene. ²⁷ Kaha vanike vakolele, kaha Esau uakele ciyambi muka ntombo; vunonu Yakomba akele yala akuholoka, uze kakele nakukala muzimbalaka. ²⁸ Vuno Isake ua lemene Esau muomu akele nakulia tustu vaze vakele naku tsiha, vunoni Lembeka ua lemene Yokomba ²⁹ Kaha Yakomba ua telekele musozi. Esau uafumine mumusenge uatsile cizava. ³⁰ Esau ua uahandele kuli Yakomba ngueni, ''Njilise ange na musozi utila. njavundila, Ange njazeye!''Hakeko hafumine kumuluka lizina nguavo ikeye Endome. ³¹ Yakomba ua handekele ngueni, ''Njalandeseko haka tete kavundala vuove.'' ³² Esau ua handekele ngueni, ''Tala, Ange holo njitsa. vaka via viuka ku vundala kulinge?'' ³³ Yakomba ua handekele ngueni, ''Cakavanga lisinge kuliange,'' Kaha Esau ualisingile na vusunga kaha munjila nkana eyi ua landesele vundala vueni kuli Yakomba . ³⁴ Yakomba uahile Esau muka na musozi ua makunde. ualile na kunua, kaha hakatukile nakuya munjila yeni. ngecize Esau ua yenguile vundala vueni.