¹ Kaha melu na mavu ahuile, kaha na civunga cao cose. ² Hali tangua lia mucitanu na avali Njambi ua vippangi viakele naku nakupanga, kaha ua huimine hali tangua lia mucitanu na avali kuvipangi vieni viose. ³ Kaha Njambi ua vizikisile litangua lia mucitanu na avali nakuli lelesa, muomu hali tangua eli hakeko ha huimine kuvipangi vieni viose via pangeli. ⁴ Eci cikeco vusangumukilo vua melu na mavu, omo muva atangele. kuli tangua olio Yehova Njambi ua pangele mavu na melu. ⁵ Na cisoka nacimo cahi cakele hamavu, kaha na cisoka cahi camulihia catuhukile, muomu Yehova Njambi te kanda anokesa mema helu lia mavu, kaha kakuakele muntu akele nakulima ha mavu. ⁶ Vunoni kuakondokele mbundu ha mavu naku zulisa helu lia mavu ose. ⁷ Yehova Njambi uapangele muntu kufuma kulukungu lua mavu, haka ua huiminine mumi zulu yeni muku ua muono, kaha muntu akele na muono. ⁸ Yehova Njambi ua tambekele lihia ku kukuiza calitangua, mu Endene, kaha ahakele muntu uze ya pangele. ⁹ Kufuma kulivu Yehova Njambi uasokesele muti uose ua kuviuka kumona kaha naua uacili mukulia. Eci kuhakelako muti ua muono uze uakele hakati ka lihia lia Endene, kaha na muti ua kuntantekeya viacili nevi via vipi. ¹⁰ Ndonga ua fumine ku Endene mukutu tukumuina lihia. Kufuma kuze ua litepele uasemene va ndonga va uana. ¹¹ Lizina liou ua katete ikeye Pisone. ikeye ou ua zingilikile cifuti cose ca Havila, kuze kuakele olu. ¹² Olu yelize lifuti yakele ya cili. kaha kuakele Mbendelio na livue lia onikisi. ¹³ Lizina lia ndonga uamu civali ikeye Ngihone. ikeye vene uze a zingilikile cifuti cose ca Kuse. ¹⁴ Lizina lia ndonga uamu citatu ikeye Hindekele, kaha ikeye uze ahita kumutamba ua Asilia.na ndonga uamu cuana ikeye Yufelate. ¹⁵ Yehova Njambi uanonene yala uze nakumu haka mulihia lia Endene nakupanga na kuviukisamu. ¹⁶ Yehova Njambi ua sikile yala, ngueni, ''Ku miti yose yamulihia ukuasa kulia. ¹⁷ Vunoni ku muti ou uaku ntantekeya kuviuka na vupi kuliako cahi. ¹⁸ Kaha Yehava Njambi ua handekele ngueni, kacikuviuka yala akale likalieni. Njiku mupangela mukuasi uaku mufua ikeye. ¹⁹ Kufuma kulivu Yehova ua mungile tusitu vamu lihia na tuzila va muilu. Kaha uavanehele kuli yala mangana auane muakuva sanena vakeko. Muose uze yala muali kuva tumbila mazina haka situ haka situ, akeko akukala mazina ovo. ²⁰ Yala avatumbile muzina kuvimuna vose, nakutuzila vamuilu, natusitu vose vamu musenge. Vunoni kuli yala ivene vauanene kakuakele muka kumukuasa uaku mufua ikeye. ²¹ Yehova Njambi uamu kosesele yala, mutulo vakama kaha uakosele tulo. Yehova Njambi uanonene lumpanti lumo ha zimpanti zikuavo kaha uafuikile ntsitu muku sintsisa. ²² Kulu mpanti luze luafumisile kuli yala, ua pangele mpuevo nakumuneha kuli yala. ²³ Kaha yala uahandekele ngueni, ''Ino ntsimbu, ou cintsiha ku vintsiha viange, na ntsitu ya ntsitu yange. vaka musana nguavo 'mpuevo,' muomu vamufumisile kuli yala.'' ²⁴ Ngoco vane yala aka seza ise na naye, aka kakatela mpueyeni, kaha vakakala ntsitu imo. ²⁵ Kaha vose vakele vuntselentsele yala na mpue yeni, kavavuile ntsoni.