¹ Hakuvaleka, Njambi uatangele melu na mavu. ² Mavu akele amupolongua. milima yakele helu liaseta muzimu ua njambi ua kuenda helu lia mema. ³ Njambi uahandekele ngueni, ''kukale cieke,'' kaha kucakele. ⁴ Njambi uamuene kumunika, kaha ngue caviuka. Njambi ua hangunuine cieke na milima. ⁵ Njambi ualukile kumunika ngueni, ''mutana,'' kaha ua lukile milima ''vutsiki.''Evi viakele cinguezi na cimene, litangue lia mucimo. ⁶ Njambi ua handekele ngueni, ''kukale lihangununo hakati kamema, linga lihangunune mema ku mema,'' ⁷ Njambi ua pangele lihangununo na kuhangununa mema akale muitsi ya lihangununo ku mema akale helu lia lihangununo. cakele ngoco. ⁸ Njambi ua lukile lihangununo ngueni, ''lilu.'' Evi viakele cinguezi na cimene, litangua lia mucivali. ⁹ Njambi ua handekele ngueni, ''mema ali muitsi ya lilu alikungulule kuhela umo, linga ntunda ituhuke.''cakele ngoco. ¹⁰ Njambi ua likile ntunda ngueni, ''mavu,'' kaha mema aze alikunguluile ua alukile ngueni, ''tulunga ndonga.'' Njambi ua muene ngueni caviuka. ¹¹ Njambi ua handekele ngueni, ''mavu vavuambule vasika: visoka via kutuhula mbuto na miti ya vusuku yekuima mbuto omuo mbuto yaco yakala muikeyo, imo na imo kuta namuyati uayo,'' mucakele. ¹² Mavu atuhukile visoka, visoka viatuhuile mbuto ya kumiyati yavio, namiti ye kuima visuka omuo mbuto yakele mu ikeyo, na miyati yaco. NJambi ua muene nguni caviuka. ¹³ Kaha kuakele cinguendzi kaha kuakele cimene muli tangua lia mucitatu. ¹⁴ Njambi ua handekele ngueni, '' kukale vieke muilu via hangununa ku vutsiki na kukala vimueso, via zitsimbu, via matangua na miaka. ¹⁵ Vikale mimuni muvuntangantanga vihie cieke mu mavu.'' cakele ngoco. ¹⁶ Njambi ua pangele vieke via kama vivali cieke ca kama kuhiana ca kuyula litagua, cieke ca mueseke ca kuyula vutsiki. ua pangele tuntangantanga naua. ¹⁷ Njambi ua visetekele muilu linga vihie cieke ha mavu, ¹⁸ Viyule kumutana na kavutsiki, na kuhangununa cieke kumilima. Njambi ua cimuene ngueni caviuka. ¹⁹ Eci cakele cinguezi na cimene, litangua lia muciuana. ²⁰ Njambi ua handekele ngueni, mumema musule kuhiama na viuma via muono, na tuzila vapululuke helu lia mavu muli hangununo muilu. ²¹ Njambi uatangele tusitu vamu tulunga ndonga vakama na cuma cose camuono na muyati uaco, viuma viekuenda na kusula kuose mumema, na tuzila vose vamavava na muyati uaco. Njambi uacimuene ngueni caviuka. ²² Njambi ua vavezikisile, nguni, ''mukasemunuina na kulana, kusulisa tulunga ndonga. Tuzila vakalana hamavu.'' ²³ Eci cakele cinguezi na cimene, litangua lia mucitanu. ²⁴ Njambi ua handekele ngueni, ''Ecenu, mavu atuhule viuma via muono, cimo na cimo kueseka na muyati ua uo, vimuna, viuma viakuhalala, na tusitu vahamavu kueseka na muyati uaco,'' cakele ngecize vene. ²⁵ Njambi ua pangele tusitu vahamavu mumiyati yavo, vimuna mumiyati yavo, na viose vie kukalava hamavu mumu yati uaco. Uacimuene ngueni caviuka. ²⁶ Njambi ua handekele ngueni, tuvumbienu muntu nua kulifua netu, mucifua cetu. vakafungulule vatsi va mutulunga ndonga, natuzila va muilu, na umuna, hamavu hose, na viuma viakuhalala vize vieku kalava hamavu. ²⁷ Njambi ua tangele muntu ua kulifua neni. Mucifua ceni uavumbile muntu. Yala na mpuevo ua vavumbile. ²⁸ Njambi ua vavezikisile na kuhandeka kuli vakevo ngueni, '' Mukasemuniuna na kulana. Mukasulise cifuti na kucononuesa. Mukafungulula vatsi vamu kulunga ndonga, na tuzila va muilu, na viuma viose via muono vize viekuenda hamavu.'' ²⁹ Njambi ua handekele ngueni, tala, ''Njina kuavela miti yose yekuima mbuto yakala hamavu, vikakala via kulia kuliove. ³⁰ Kutusitu vose vahamavu, kutuzila vose va muilu, na kuviuma viose vie kukalava hamavu, naku viuma viose via kutanga viekuhuima njina kuhie viose visoka vintontola vikale kulia cove.'' cakele ngoco vene. ³¹ Njambi ua muene viose via vumbile. Talenu, caviukele kuhiana. Eci cakele cinguezi na cimene, litangua lia mucitanu na limo.