¹ Tungelo vavali vezile ku Sondoma mu cinguezi, oku Lote ua tumamene ku mbelo ya Sondoma. Lote ua vamuene, uakatukile nakuli uana navo. kaha ua kutamesele cihanga ceni hamavu. ² Ua handekele ngueni, ''Tala vunoni, mukuluntu uange, njakuvundila alumukila heka mundzivo ya ngamba ziovo, tuandame vutsiki, na kukutanesa vilioto viove. Kaha mukukcusa kuhinda cimenemene na kuya munjila yenu.''Kaha vamu kuaniene nguevo, ''Houe, vunoni tukatumama ku tapalo vutsiki vuose mu mbaka.'' ³ Vunoni ikeye uava sindiyile cikumakuma, kaha vaile na ikeye, na kuingila mundzivo. Ua uatelekele ciuano na na kuoca mbolo kayesi na cimbaluila, kaha valile. ⁴ Vunoni te kanda vakosa, vamala va muimbo, vamala vamu Sondoma, vazingulukile ndzivo, vanike na vakuluntu, vamala vose kufuma kumitamba ya membo. ⁵ Vasanene Lote, naku handeka kuli ikeye nguavo, ''Ini vamala vanezile kuliove vutsiki vali kuli? Vatuhule uva nehe kuno kulietu, mangana tuva ntantekeye.'' ⁶ Kaha Lote ua tuhukile kuli vakevo kuli pito na kusoka lipoito kunima yeni. ⁷ Ua handekele ngueni, ''Njamivundila va muanetu, kati mulingi muamupi ngecizi. ⁸ Vunoni talenu, Ange njili na vana vange vava mpuevo vava vali kanda va ntantekeya yala. Vandamenenu njiva tuhule kulienu, kaha mukulinga viacili kuli vakeko ku meso enu Vahone kulinga amba cimo kuli ava va mala, muomu vaneza ku cimbembe ca ndzivo yange.'' ⁹ Vahandekele nguavo, ''Futukako,'' Kaha nguavo Ou uezilemu kulisuka, kaha ahase kukala ngazi! vuovuno tukulinga nove vuaku hiana.'' vitu kalinga nava kevo Kaha vamu palakanene cikumakuma yala, uze Lote, vene nakusuena naku vatula lipito. ¹⁰ Vunoni vamala vaze voluele livoko liavo nakuneha Lote mu ndzivo nava keko na kusoka ku lipito. ¹¹ Kaha va ngendzi zia Lote va veteke vamala vaze vakele kuli pito lia ndzivo, navu puputa navaze vava ndende navaze vakama , vakatalele na kulengeya lipito. ¹² Kaha vamala va handekele kuli Lote nguavo, ''Uliko namukuovo ueka kuno? vasomueno, vana vove vava mpuevo, amba tuhu nkala uose uli neni muimbo, vafumise mucihela cino. ¹³ Muomu tuka nongesa cihela cino, muomuo mutambi uavo ualinehesa kuli Yehavo kaha naua uakama sikoha Yehova natutumu ku u nongesa.'' ¹⁴ Lote uakatukile nakuhandeka nava semueno, vamala vasikile kumbata vana veni vava mpuevo, na kuhandeka nguavo, ''Zangulenuko, fumenu mucihela eci, muomu Yehova akanongesa limbo.'' Vinoni kuli va semueno vamuene ngue mukaku sakalala. ¹⁵ Kaha mukuacele, tungelo vazingulikile Lote nguavo, ''Katuka, mbata mpueyove na vana vove vavali vava mpuevo ava vali hano, mangana kati vaku kombele kumo muku zangamesa calino limbo cahi.'' ¹⁶ Vunoni ikeye ua tokeleho. Kaha vaze vamala vamu kuatele kuli vako lieni, nakuli voko lia mpueyeni, nakuli voko vana veni vavali vava mpuevo, muomuo Yehova uakele na ngozi hali ikeye. Vava fumisilemu, naku vahaka kumbandza ya limbo. ¹⁷ Kaha omu muvava fumisilemu, yala umo ua handekele ngueni, ''Tinenu na miano yenu! Kati mutale hanima, cipue kutumama hali hose mu cana cahi.Tina kasuame kumuncinda kutina vakuku kumba.'' ¹⁸ Lote ua handekele kuli vakeko ngueni, ''Cahi, katimo, sukululuange! ¹⁹ Tala vuno, ngamba yove nauana kavumbi kumeso ove, kaha ua njisoluesa ngozi yakama mu kuovola muono uange, vunoni Ange kanjikutinina ku muncinda, muomu kutina vupi vukanji uana njika ntsa. ²⁰ Tala vuno, limbo eli lia keha. Sukuluange, njece njitinine kuze - Kati lia li ndende? - kaha muono uange uka yoya.'' ²¹ Ua handekele kuli vakeko ngueni, ''Mukazindzili, njina tava kuca eci naua, kanjika nongesa limbo lize liu na tumbula. ²² Zangulako! tinina kuze, muomu kanji kuasa kulinga vimo kuvanga unahetako kuze.'' Ngoco vene valukile lizina lia limbo lize nguavo Zoale. ²³ Litangua lia tuhukile helu lia mavu mualingile Lote nahata ku Zoale. ²⁴ Kaha Yehova uanokesele ha Sondoma na Ngomola enxofele na tuhia vamuilu vakuli Yehova . ²⁵ Ua nongesele membo aze cose, nava ndambo vose va membo, na mihako yasokele ha mavu. ²⁶ Vunoni mpueyeni, uze ikele munima, ua talele hanima, kaha ualumukile ngundzi ya mongua. ²⁷ Avilahama uakandukile cimenemene kucihela cize ua mene kumeso a Yehova. ²⁸ Ua talele kaha uatalele ku Sondama na Ngomola nomu muahita cifuti cose ca cana. Ua talele, uamuene muisi uakondokele kufuma mu citi ngue muisi ua lutengo. ²⁹ Ngecize omo Njambi mua nongesele membo a cana, Njambi ua nukile Avilahama. Kaha uatuhuisike Lote mukati kakunongesela membo aze muakele Lote. ³⁰ Kaha Lote ua fumine ku Zoale nakukala ku mincinda na vana veni vava mpuevo, muomuo akele na vioma vuaku yoye mu Zoale. Ngecize uaku yoyela mucina, ikeye na vana veni vavali vava mpuevo. ³¹ Kaha uze ua ntuantua ua handekele kuli ntsongo yeni ngueni, ''Tata nakolo, kaha kakuesi yala naua uakuli mona neni kueseka na cilika ca mavu cose. ³² Tuaya, tuise tata viniu, kaha tukukosa neni, mangana tuniunge mbuto kuhitila muli tata.'' ³³ Kaha vanuisile iseavo viniu vutsiki vuze. kaha ua ntuantua ua kovelele mukati na kosa na ise; kantantekeyele ngueni nakosa neni, nomu muahindukile. ³⁴ Kaha halakaca ua ntuantua ua handekele kuli ntsongo yeni ngueni, ''Ivuilila, kuno Ange vutsiki vunace njakosele na tata. Tuyenu tumunuise viniu vutsiki naua. kaha mukuya na kukosa neni, mangana tulame vusoko kuhitila muli tatetu.'' ³⁵ Kaha vanuisile iseavo viniu havu tsiki vuze naua, kaha ntsongo yeni uaile nakukosa na ikeye. Kantantekeyele omu muakosele nomu mua hindukile. ³⁶ Ngecize vose vana va Lote vemitile kuli iseavo. ³⁷ Ua ntuantua uasemene muana ua yala, kaha ualukile lizina ngueni Moave. Uakele civendzi cava Moavita naka lelo. ³⁸ Nauze ntsongo yeni ua mpuevo, ua semene muana ua yala, kaha uamu lukile lizina ngueni Mbenami. ikeye vene civendzi cavaAmole.