1 Kaha Avilahama uafumine kuze nakuya kucifuti ca Negevi, kaha uatumamene ha kati ka Kandese na Sule. Kaha uakele niamuiza mu Ngelale. 2 Avilahama ua tambuile Sala mpueyeni ngueni, ''Ikeye ndumbuange.'' Avimeleki muangana uaka Ngelale ua tumine naku hianga Sala. 3 Vunoni Njambi uezile kuli Avimeleke mu cilota mu vutsiki, ua handekele kuli ikeye ngueni, ''Zangama, ove unatsi muomu uze mpuevo iua mbata, mpueya mbala.'' 4 Vuno Avimeleke te kanda ali mona neni ua handekele ngueni, ''Sukulu, ukatsiha navaze va vuololoke? 5 Kati ivene ua njilekele ngueni, 'Ndumbuange?' Amba ivene ua handekele ngueni, 'Ikeye mukuluntu uange.' Ange njali eci musunga kufuma mumutima uange naku vuntavia vuange.'' 6 Kaha Njambi ua handekele na ikeye mu cilota, ''Mukeko, Ange naua njantantekeya nguange muvusunga vua mutima uove ualingi eci, kaha Ange naua njaku vindikile kuvulumuna kuliange. Ngecize Ange kanja kutavesele kumukuata. 7 Ngecize, hiluisa mpueya mbala, muomu akala kapolofeto. Akuku vundilila, kaha uku yoya. Vunoni ngue kauku muhuisa. untantekeye nguove yove na viose viove vikutsa.'' 8 Avimeleke uahindukile cimenemene kaha uasanene vangamba zieni. Ua valekele evi viuma viose, kaha veze vamala vavuile vuoma. 9 Kaha Avimeleke ua sanene Avilahama naku handeka kuli ikeye ngueni, ''Ualingi vika kulietu?Njavulumuna vika kuliove, hakulinga unjinehe kuno ku vuangana vuange vupi vua kama? Ualingi kuliange vipangi kavia pandele kulinga.'' 10 Avimeleke ua hadekele kuli Avilahama ngueni, ''Vika viua muene amba ulinge evi viuma?'' 11 Avilahama ngueni, ''Muomuo Ange njasinganiekele, muvusunga kakukala kuivua vuoma vua Njambi mu cihela eci. kaha vakunjitsaha muomu ya mpueyange.' 12 Mukeko, ntsongo yange, muana ua mpuevo ua tata, vunoni kati muana ua mpuevo uava nana cahi; kaha akele mpueyange. 13 Kaha Njambi uanehesele ange kuseza ndzivo ya tata na kuendangana fumuma oku kuya oku, Ange nja handekele na ikeye nguange, ' Uatela kusoluesa lutsilielo luove ngue u mpueyange: Kuose kutukuya, handeke haliange, ''Ikeye ndumbuange.''''' 14 Kaha Avimeleke ua mbatele mpanga na ngombe na ndungo ua yala na ndungo ua mpuevo, na kuvahana kuli Avilahama. Kaha uahiluisile Sala, mpue ya Avilahama kuli ikeye. 15 Avimeleke ua handekele ngueni, ''Tala, cifuti cange cili kumeso ove. Tumama kuose kuakuviukila ove.'' 16 Kuli Sala ua handekele ngueni, ''Tala, Ange njinahie ndumbuove likulukazi lia vihanda via palata. Zia kufuika nkala mulonga ove mumumeso avose vaze vauli navo, na kumeso avose, tuna kuviukisa.'' 17 Kaha Avilahama ua vundilile kuli Njambi, kaha Njambi ua kanguile Avimeleke, mpueyeni, na vangamba zieni vava mala mangana vase kukala na vana. 18 Muomu Yehova ua sokele mazimo ose avaka ndzivo ya Avimeleke muomu ya mpueya Avilahama.