¹ Kaha Yehova ua solokele kumiti ya kaluvaliu ya Memele omo ua tuamenene mumbelo ya mbalaka omo ntuima ya mutana. ² Kaha uandeuile meso eni nakula kaha tala, vamala vatatu va mene mulutue lueni, kaha omu muava muene kaha ua ntuntile nakuli uana navo mukufuma. ku mbelo ya mbalaka kaha uali kotamesele naha mavu. ³ Uahandekele ngueni, ''Sukuluange njauana kavumbi kumeso ove, kati upulakane ngamba yove njakuvudila.'' ⁴ Vuno vaka hiange tumo tumema mulitanese kuvi liato vienu, kaha muhuime muintsi ya muti. ⁵ Vandamenenu ange njiminehele kulia cacindende, mangana mulikolese enu vavene. Kufumaho amba muye munjila yenu, muomu muneza kuli ngamba yenu.'' Vakuaniene nguavo, ''Linga ngue omo muua handeka.'' ⁶ Kaha Avilahama ua ntuntile nakuya ku mabalaka kuli Sala, naku hanendeka ngueni, ''Linga vuasi zinjongo zitatu zia vunga vuacili, vutike, nakupanga mbolo.'' ⁷ Kaha Avilahama ua ntuntile nakuya kuvuntanga, nakumbata muana ngombe uakuhindala naku viuka nakumuhia kuli ngamba, kaha uazanguuisile nakumuviukisa. ⁸ Kaha ua nonene manteka na mavele na muana ngomba yana vuikisa, kaha uava zumbuilevio, kaha ikeye uamene ha hiehi navo muintsi ya muti kaha valile. ⁹ Kaha va handekele kuli ikeye nguavo, ''Ini Sala mpueyove ali kuli?'' Uakuniene ngueni, ''Auze, mu mbalaka.'' ¹⁰ Kaha ikeye ngenu, ''Muavusunga vene njikuhiluka kuli ove muaka unahiti, kaha tala, Sala mpueyove akukala na muana uayala.''Sala uakele nakuivuilila mu kumbelo ya mbalaka, yakele kunima yeni. ¹¹ Vunoni Avilahama na Sala vakele akolo, tusinakazi vene, kaha Sala navatuka laza kucilika ca vumpuevo. ¹² Kaha Sala uazolele mumutima uane ngueni, ''Omu munjakula, aua njikevue lisungu sikuluange na kolo?'' ¹³ Yehova uahandekele kuli Avilahama ngueni, ''Muomuo vika Sala nazolele nakuhandeka ngueni, ''Cili vene ange njikaseme muana okuni njakolo'? ¹⁴ Kucili eci cakula kuli Yehova? ku tsimbu injambele vene njikahiluke kuli ove. Hali ino ntsimbu muaka ukuizaho Sala akukala na muana uayala.'' ¹⁵ Kaha Sala uavianene nakuhandeka ngueni, ''Ange kanjazolele,'' muomu akele na vuoma. uakuaniene ngueni, ''cahi, ove kaua zolele.'' ¹⁷ Kaha vamala vaze vakatukile kuze vatalele kusondama. Avilahama uaile navakeko hamo nakuva zindikiya munjila yavo. ¹⁶ Vunoni Yehova uahandekele ngueni, ''Njikamusuekela Avilahama eci cinjili nakutonda kulinga, ¹⁸ Muomu Avilahama muavusunga akakala muyati uakama ua zindzili namuyati yose yaha mavu ikavezika ,muli ikeye? ¹⁹ Muomuo njina muntantekeya linga asike vana veni na vaka ndzivo yeni munima yeni mangana vaniunge njila ya Yehova mukulinga vuviuke na vuololoke linga Yehova a nehele Avilahama cize cana mufumbuila. ²⁰ Kaha Yehova ngueni, ''Muomu mutambi ua Sondoma na Ngomula ua kama nomo vupi vuavo vuavukalu cikuma, ²¹ Ange vuavuno njisikumuka kuze nakutala kulila cakama hali ikeye uze uneza kuliange, amba vacilingi laza. Nguecahi, Ange njikuntantekeya.'' ²² Kaha vamala vafumine kuze na kuya kutalesa ku Sondoma, Vunoni Avilahama uasalele hanga namena kumeso a Yehova. ²³ Kaha Avilahama ua sueneneko na kuhandeka ngueni, ''Ukanongese mukaviuke hamo na mukavupi? ²⁴ Mpano muvali makumi atatu ava kavuviuke muimbo olio. ukanangese na kuohiela cihela eci cahi omo makumi atatu ava kavuviuke valimoni? ²⁵ Cikakale kula nove kulinga ngecize kutsiha mukua vuviuke hamo na muka vupi ngecize muka vuviuke a lifue na mukavupi cika kala ku laako nove! Ngecize ya mavu ose kalikalinga vusunga ni? ²⁶ Kaha Yehova ngueni Ngue njikuuana Musondoma makumi atatu ava kavuviuke muimbo kaha njikohiela cihela cose muomu uava keko.'' ²⁷ Avilahana uakuaniene na kuhandeka ngueni, ''Tala vuno, Ange njina cuka nakuhandeka na Sukulu, ambatuhu Ange yange kaha lukungu na muto! ²⁸ Vati ngue vali kaha vatanu kuhambakana makumi likumi vavuololoke? Ukuenieka cifuti cose muomu yava va tanu?'' Kaha ikeye uahandekele ngueni, ''Kanjikucenieka, nguee Ange njikuuana vali makumi auana nava tanu.'' ²⁹ Kaha ua cihandekele neni naua nguen, ''Mpano vaka uanamo makumi auana?'' Kaha ikeye ngeni, ''Kanjikacilinga muomu yave makumi auana.'' ³⁰ Kaha ikeye ngueni, ''Sukulu kati upihilile, kaha njina handeka. Mpano vaka uanamo makumi atatu.'' Kaha ngueni, ''Ange kanjikuciliga, ngue Njikuuana makumi atatu kuze.'' ³¹ Kaha ua handekele ngueni, ''Tala vunoni, njinakuhandeka na Sukulu! Mpano vaka uana makumi avali kuze.'' Kaha ngueni, ''Kanjikenieka muomu yavaze makumi avali.'' ³² Kaha ua handekele ngueni, ''Kati upihilile, Sukulu, Ange njikuhandeka evi hanima yavutsiki vumo. Mpano likumi vaka uana kuze.'' Kaha ua handekele ngueni, ''Kanjikenieka muomu yava likumi.'' ³³ Yehova uaile munjila yeni muakumisile kuhandeka na Avilahama, na uahilukile kuimbo lieni.